⚜️ الــــــجـــان ⚜️
سكينة سليماني
البارت 56:
كلما كيتمشى كيحس بالعينين كيشوفوه لكن ماقادرينش يقربو ليك ...كانو هادوك عينين بجنون لي محبوسين ف المغارة...كيلهث و ينهج حتى وصل ل ساحة كبيرة و شافها معلقة ف الحيط ذابلة و ملوي عليها سناسل و الاصفاد عليهم طلاسم قوية...شعرها البيض و ملابسها بيضها و جلدها حتى هو بيض ...ناعسة كأنها جثة هامدة...حط ختام ف الارض و شد الخنجر و قرب من موريجان بدا كيقطع السناسل و الاصفاد ...حتى طاحت عليه شدها و حطها ف الارض و كيطبطب على حناكها
حيدر: فييييقي هييييه فيييقي و فكينا من هادشي ...علاش مكتفيقيش ختام راه اتموووت فيقي خلاص
...بدا يغوت و يبكي بحال الحمق و هو كيزعزع فيها ...حس براسو بلي كاع مجهودو ضاع و ضيع ختام معاه ...كيبكي من قلبو على حاجا خصرها و كيبغيها...كيحس بنفس الم الفقد لي ولفو...نطق بقلة حيلة و هو كيغوت
حيدر: يااااربي انا عبد الضعيف يااااربي لا اله الا انت سبحانك اني كنت من الظالمين ياربي عاوني ياربي ماعنديش من غيرك
...حط راسو على راس ختام و هو كيتحسر و مقطوع فيه نفس
موريجان: لي جا عند الله حاجتو مقضية باذن الله
...لقاها قدامو واقفة و كتشوف فيه ...منورة و شعاعها عماه مبتاسمة ليه و كتشوف فيه و ف ختام
موريجان: كيفاش دخلتي عندي و فكيتيني و مرادك بلغتي
حيدر:(كيرجف) انا حيدر من سلالة عز العرب انا جيت نفك اللعنة و هيل لي دارت فيك هاكا تاخد جزاتها
موريجان: (كتشوف ف سلهامو) حيدر ...معلوم سلالة وحدة لي تقدر دخل لهنا
حيدر: انا و ختاااام لي فكينااااك بغينا نتهناو من هاد اللعنة و نسااااو هادشي و لكن هي ضحات براسها
موريجان: يكون خير ...حاجتك مقضية و منين فكيتيني عندك امنية وحدة نحققها ليك
حيدر: عتقيها و شفيها
موريجان: الشافي هو الله ...و لي يرجعها من الموت هو الله
حيدر: هي ماماتتش هي باااقااا كتنفس
موريجان: انداوي جراحها و الباقي عليك
حيدر: و هيل ؟
موريجان:(ابتاسمات) انا رجعت دابا ...حسابها معايا ... (هزات يديها لسما) رجعو لزمانكم...حاجتكم مقضية
...بطرف من صباعها غبراتهم من قدامها ..و خرجات من المغارة...السما تحولات لغيام و شتا بدات طيح صيحة كبيرة تسمعات كان غير صوت موريجان كيعلن الحرب ...تحطات الارض و هي كتشوف ف هيل كيفاش كتلذذ ب عذاب مشعل منبعد ما قت/لات حصة و عاشور...
موريجان: خرجت
هيل: ماتبقايش بزاف برا غادي ترجعي
موريجان:(حركات صبعها و جابت مشعل حداها) داكشي كان زمان بطرف صباعي فكيتو منك تخيلو شنو ممكن ندير الى حركت صباعي كاملهم...
هيل:(بلعات ريقها) عزيز عليك تدخلي ف شيحاجا ماشي شغلك اختي
موريجان تحولو عينيها للابيض و بدات كتردد بعض الكلمات لدرجة انه كاع جن الارض و السماء هبطو و تصافو موراها كاملهم ضد هيل ...هاد الاخيرة لي حتى هي جابت الاعوان ديالها
موريجان:(ابتسامة) اندمك على شنو درتي فيا و فناس...ماشي ختي و مكنعرفكش....
أنت تقرأ
⚜️ الـــجٰـــــان ⚜️كاملة
Fantasiaبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...