⚜️ الــــــجـــان ⚜️
سكينة سليماني
البارت 15:
الخنقة باقا فيها و رجليها ماقادرينش يهزوها...الرجفة شداتها من صبعها الصغير وولات صفرة بحال داخلتها المو/ت ...هزات الصينية مع جوج خدامات لي غاديين مع حجي ووقفات حدا غنيمة خطوتها من خطوتها...كتحاول تناسا و تفكر و لكن و تقول واش بالها يهنى و لا خلاها ترتاح ... دازو من ممر طويل و هوما ساكتين الضو كيبان فلخر ديالو ...خرجو و ختام سدات عينيها من ضو الشمس لي عماها حتى كتشوف قدامها النزاهة و الوليمة....على بعد خطوات منها كانو الحراس ف جناب و و الخدم ف الجنب لاخر و بعاد ...بقات كتشوف جوج عيالات جالسات من لباسهم عرفاتهم مختالفات و هماويات و ف جنب لاخر واقف عبد الله لي غير شافتو رتاحت نسبيا رغم هو لي شراها و لهاد المصيبة لاحها...زادت بخطواتها حتى قلبها ضرب و عينيها تفتحو على الجهد و شافتو ...نفس الشوفة ديال داك نهار و نفس التخنزيرة و نفس الجلسة و لكتاف لعراض...نفسها تقطع و قلبها كيزدح كتبلع ريقها...عرفاتو السلطان و شكون من غيرو لي ايتبختر ف مكانو هاكا و راسو عالي ...وصلو لتماك و غنيمة غمزات ختام تحط الصينية باش تحطها و مافهماتهاش...حتى قرصاتها عاد توگضات و حطات الصينية...شافتها ام السلطان و ابتاسمات...
ذهبية: غنيمة شفتك جبتي العوين
غنيمة: لقيتها تايهة الالة و جبناها تعاوننا
ذهبية: خير مادرتي واخا عروسات لقصر مكيدخلوش لهاد لمكان
تاجة:(خنزرات ف ختام) باينة رجلها خفيفة عليها تاهت و تلفات
غنيمة: سمحيلينا الالة دابا نخرجها الى قلقات راحتكم
ذهبية: (ابتاسمات) مايحتاجش (شافت ف ختام ) شنو سماك الله
ختام: (ساهية ف السلطان) ختام
غنيمة:(قربات منها و همسات) بوسي توب لالة ام سيدي
ختام : هااا ؟
غنيمة: بوسي التوب
...قربات ختام من السلطان و تهنات باست التوب ...هو لي ماحسش بيها حتى كيشوف شيحاجا رگعات قدامو...بعفوية شدها من كتافها حتى طلعات راسها فيه و تلاقاو عينيهم فلحظة توقف كولشي حداهم و بقاو غير كيشوفو فيعضياتهم...جبداتها غنيمة دغيا و رجعاتها حداها و حنات راسها ...
غنيمة: سمح لينا اسيدي سمحي لينا الالة لبنت جديدة و ماعارفة والو مالقيناش الوقت نعلموها و نأدبوها...(قرصاتها كتهضر تحت لسانها ) طلبي سماحة
ختام : سينتو مييتو
ذهبية : اشمن لسان باش تكلمتي ؟ باينة عليك برانية و ماشي بنت بلادنا
ختام:(ابتاسمات) انا برتغالية ...و لكن اصلي منهنا
تاجة: داكشي لي بقا لينا ...البراني يدخل علينا ...
ذهبية :(تنهدات كتشوف ف ولدها لي كان كيشوف ف ختام ...ابتاسمات ابتسامة خفيفة و نطقات) ولدي بغيت نطلب ترطب لسانك شوي و ماشي لي دخلات عندك تردها كيما دخلات
حيدر: رجعنا ل تعاويد زمان الالة راحتي
ذهبية: البنت لي كانت عندك لبارح جنات على راسها
حيدر: الله ارحمها و يغفر ليها
ذهبية : اولدي بكلمة زوينة من الراجل كتحيي لمرا و بكلمة خايبة منو كت/ق/تلها...رطب لسانك راه الجمل بوحدو لي كياكل الشوك بلسانو...
حيدر :(حركلها راسو بالموافقة)
ذهبية: و هاك (مداتلو الكاس ) لحكيم وصف ليك دوا جديد شربو
حيدر: خاطري مابغاهش..و ماحلقي مايتريقش بيه
ذهبية: راه مرضك غادي و كيتزاد واش باااغي ترزيني فيك ؟؟ شرب دواك
حيدر:(بنبرة قاسحة ) لالة راحتي بارااااكا
ختام:(بقات كضور عينيها و نطقات) خليها يمكن جاه حار على حلقو و ماقدرش عليه ...الولد الصغير و كيشرب دواه و السلطان ماقدرش على كاس ...عيب و حشومة .
ختام قفراتها بلبلوها اشهارات راه انبدا نحط 🔥🔥🔥🔥🔥🔥
أنت تقرأ
⚜️ الـــجٰـــــان ⚜️كاملة
Fantasyبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...
