⚜️ الــــــجـــان ⚜️
سكينة سليماني
البارت 35:
صبح صباح جديد فاقت و فيقاتو معاها هو لي غير فاق تمنى تكون هادي غير منامة ساعة صدقات حقيقة...ناضت دخلات لدوش غسلات وجهها و سنانها و خرجات و هو بقا جالس
ختام: مولاي السلطان ياكما نجيب ليك الطاس تغسل وجهك
حيدر: جيبيه
ختام: نتا تيقتي راسك كيحسابلك رقوش و حجي هنا ...نوض ها طواليط قدامك
حيدر: قليلة لحيا
ختام: غير تبقا تبرگم عليا تماك
حيدر: شفتي فاش انرجعو لزماني اول حاجا انديرها انطير ليك هاد لسان
ختام: غير حلم حلم ...تحرك قدامي نعلمك..
...دخلات معاه لطواليط و بدات كتشرحلو...هنا كنديرو بيبي
حيدر: شنو هادي
ختام: هادا الجلاس اخويا تنبولو فيه
حيدر:(تفكر شنو دار بيه البارح) علاه مكتغسلوش بيه وجهكم؟
ختام : لا ...و هنا فين كنغسلو وجههنا ف لافابو...يالاه سالي دغيا نهبطو نفطرو قبل مايفيقو واليديا
...خلاتو تماك و منين سالا هبطو بجوج لقاو ميمونة موجدة ليهم لفطور و جلسو كيفطرو بالحس...لقا حيدر ماكلة مختالفة عليه و لكن بنينة و عجباتو.. ختام غير متبعة ليه العين ليدير شي كارثة هزات راسها للساعة معلقة فالحيط لقاتها يلاه 9 دصباح لابقات فدار معاه غير غتوقع شي موشكيلة
ختام :نوض غنخرجو
حيدر : بعدي عليا مخارج فين انا غنبقى هنا تا نرجع لبلادي
ختام :را والله ويجي بابا و يلقاك كالس هنا تا يقطعنا طراف و يلوحنا الكلاب ديك ساعة لانتا غترجع لبلادك لا انا غا نرجع لبلادي (دارت عند ميمونة) دوييي معاه
ميمونة : عندها الصح اولدي غير خرج بيدما جات لعشوية و رجعوو غتلقاوني كنتسناكم نحل ليكم الباب و لاسولو عليك غنقولهم خرجات دور فالمدينة القديمة (شافت فيه و عاودات شافت فختام ) عطيه شي حويجة من حوايج باباك يلبسها
حيدر : لا انا لباسي من هيبتي لحيدتو بحالا ...
قاطعاتو ختام
ختام : سمع نكوليك جوج كلمات ( هزات صباعها بزوج و هدرات بجدية ) حنا دابا ف ماروييكووس داكشي د سلطان را مكاينش هنا حنا هنا ناس عاديين لكنتي غتبقا دير عليا هاد النفخة هبط لبيت الخزين كلس فيه تا يطيح ضلام و نخرجك نفكو علينا هاد المنامة لا بغيتي تبدل هاد الحالة و تخرج يضربك الهوا يلاه انا فالحالات بزوج غنخرج انطلع لبيتي نلبس حوايجي نهبط نلقاك خذيتي قرارك
بقا غا حال فيها فمو هاد كيف ما سايساتو فزمانو خاص تا هو يسايسها فزمانها يلاه غادي دور تمشي و هو يوقفها دوا بشوية و هو كيتنهد
حيدر ؛ختام صبري صاف غادي نمشي معاك
ختام :(ضحكات ليه فوجهو خلاتو غير يتأمل فيها )دابا مزيان هانا انعطيك حوايج بابا
...مشا لبيتها و هي دخلات لبيت واليديها كتسلت خدات حوايج باها و رجعات لبيتها ...عطاتو حوايج عاديين هو جاوه غرااب قاميجة و سروال سبادغي باش كملاتها ليه صاوبات ليه شعرو و دارت ليه نضاضر هو براسو مبقاش عارف راسو فالمراية
ختام كدوي و تقاد ليه الكول دالقاميجة
ختام : مااادرييي مياااا جيتي بوييتوو بونيييتوو
حيدر : متقولي شي كلام مكانفهموش
ختام ؛ خليك غا فالعربية نتاااا جيتي زويين بزاااف.
أنت تقرأ
⚜️ الـــجٰـــــان ⚜️كاملة
Fantasyبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...
