⚜️ الــــــجـــان ⚜️
سكينة سليماني
البارت 57:
تحطو فزمان السلطان و بضبط ف جناحو...طاحو فوق فراشو بجوج و بقاو سخفانين لمدة طويلة حتى فاق حيدر كيضور راسو و كيحرك ف ختام لي كانت هي همو و مخلوع عليها ...ناض هازها بين يديه كيقادها و هي حلات عينيها بالهداوة و الثقالة...كتشوف فيه مامتيقاش
ختام: انا فحلم و لا علم
حيدر:(ابتاسم) الحمد لله نتي بيخير و معايا و حدايا (عنقها)
ختام:(حطات يدها على صدرها فين غرسات الخنجر مالقات والو بحال كانت كتكدب) كيفاش هادشي ؟ انا رجعت من المو/ت
حيدر: الحمد لله ربي كبير
ختام: فين حصة و عاشور ومشعل ؟؟؟ و هيل خليناها تماك و فين موريجان واش خرجات من المغارة
حيدر: ششش وحدة وحدة ...فاش شفتك ف ديك الحالة هزيتك بين يدي و خذيتك للمغارة...قدرت ندخل حيت الختم الثالت كان هو السلهام و قدرت نفك موريجان و هي لي جابتنا لهنا
ختام: و كيفاش انا حييت ؟
حيدر: كولشي بقدرة الله ...هي قالتلي عندي امنية وحدة و انا تمنيت تكوني بخير
ختام: و جينا لهنا ؟
حيدر: اه ماعرفتش شنو وقع منبعد ؟ علمي من علمك
ختام: دازت سالمة هههه حنا قدرنا نحررو موريجان
حيدر:(شدلها ف يديها ) و اللعنة تفكات
ختام:(تنهدات بارتياح) بقات حاجة وحدة ...كيفاش انرجع انا لزماني
حيدر: ماتفكريش فهادشي دابا يكون خير (ناض)
ختام: فين غادي ؟
حيدر: انخرج عند شعبي و خدامي و عائلتي نطمنهم عليا ...السلطان رجع و حكمي رجع
....بدا حوايجو بالخف و لبس حوايج السلطنة و تاجو فوق راسو و خرج و ختام من وراه غادية و مبتاسمة...غير كيدوزو من حدا شيواحد كيتبهط و يتخلع كأنه شاف عزرائيل...كيركعو ليه و قلوبهم كترجف...حتى وصلو لدار لحريم و كان حجي ورقوش ف لباب غير شافو السلطان وقفو مسمرين
رقوش: مولاي ؟
حيدر: رقوش حجي انا رجعت ياكما طالت غيبتي
حجي:(عينيه عامرين بدموع و هبط كيبوس ثوب السلطان) موووولاااااي الحمد لله على سلامتك امولاااي
رقوش:(هبطات حتى هي تبوس ثوبو و كتشوف ف ختام ) مولاي فين كنتي خلعتينا عليك
حيدر: ماشي مهم فين كنت المهم انا جيت (شد فيد ختام) و مراتي معايا
رقوش و حجي :(كيشوفو ف بعضياتهم و نطقو ف دقة) مراتك ؟
حيدر: ماعلينا انا انشوف لالة راحتي و الغالية تاجة...
رقوش: مولاي الاميرات مكاينينش هنا ...
حيدر: كيفاش ماكاينينش هنا ؟
رقوش: هوما ف باحة القصر و كاع الوزراء و كبار الدولة تماك
حيدر: و شنو كيديرو تماك ؟
حجي:(كيبلع ريقو) مولاي فاش ماكنتيش وقعو بزاف د لحوايج...
حيدر: حجي بلا ملاغة و كثرة دخول و لخروج فلهضرة نطق
حجي: وقعات حرب كبيرة ما/تو فيها رواح كثار اولهم رفيقك عبد الله امولاي ...ما/ت عبد الله و عطاك عمرو
....
أنت تقرأ
⚜️ الـــجٰـــــان ⚜️كاملة
Fantasyبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...
