⚜️ الــــــجـــان ⚜️
سكينة سليماني
البارت 22:
خرجات بزربة كتجارا و تعفط على جلايلها لي من نهار لبسوهم ليها ماحملاتهمش...لقات رقوش قدامها كتهضر مع الجواري و مشات وقفات عليها ...
ختام: رقوووش عاونيني
رقوش:(قفزات) بسم الله الرحمان الرحيم واش مكتهديييش نتي مكتعيايش شي نهار تسكتيلي القلب
ختام: مانعاودش ولكن عاونيني محتاجاك
رقوش: شنو بيك ؟
ختام: بغيت نتلاقا بالسلطان
رقوش : واش كيسمعو وذنيك شنو كينطق بيه لسانك ؟
ختام: محتاجة نهضر معاه عفاااك ...بغيت نشوفو
رقوش:(شداتها من يدها و جراتها) شنو بغيتيه
ختام:(كضور فعينيها) ما ماسخيتش بيه ليلة البارح و بغيت نعاود نمشي عندو
رقوش:(ولات حمرة) اويلي واش مابقيتيش كتحشمي ؟
ختام: عاونيني و فاش يسهل عليا الله معاه و نتهلا فيك و نرد نتي هي كولشي هنا
رقوش: اجي قوليلي بعدا ...احم ليزار مالقيناهش واش نتي و مولاي درتو شيحاجا ؟
ختام: ليزار ؟ (كضورها ف دماغها) ااااه ليزاااار عقلت ..(كتصطانع الحشمة) مولاي لواه و خبعو عندو و هزني و حطني فوق فراشو باش نرتاح
رقوش: (حلات فمها بدهشة) هااادشي خصها تعلم بيه دادا غنيمة
ختام: ماااشي دااابا خلي حتى نحمل منو و تكون الفرحة فرحتين شنو قلتي ؟
رقوش:(كتشوف فيها و تشوف ف الجواري تنهدات و نطقات) كتعرفي تشطحي ؟
ختام: انا راه بروفيسيونيل ف شطيح ؟
رقوش: صلحي فمك و صگمي لكلام واش كتعرفي تشطحي ؟
ختام: اه
رقوش :شوفي انعاونك و لكن لاوقعات شيحاجا سميتي على فمك ماتجيديهاش و لا قسما بالله حتى ندمك
ختام: و الله مانقول شيحاجا غير عاونيني ...
رقوش:(اشارت ليها لواحد الجارية) شفتي هاديك هي لي ختاريناها تشطح لمولاي ليلة و لوخرات غادي غير يعاونوها و يكونو معاها و لكن هي لي غادي تبان
ختام:(كتشوف فيها ) اوا شنو نديرو ؟
رقوش: اتخرجي بلاصتها خصنا شي حل
ختام:(ابتاسمات) خلي كولشي عليا ...انا نتكلف نتي غير عاونيني
رقوش : الله اخرج هاد العاقبة بيخير و على خير ...
ختام: سيري عند لحكيمة و قولها تعطيك شيحاجا كتنعس فلبلاصة
رقوش:شنو ناوية ديري
ختام: وا غير سمعيلي الهضرة و ماتخافيش...(ربعات يديها) الليلة السلطان ايشوف وااااحد show عمرو شاف بحالو ههه
يتبع ماتزابيوش 🔥🔥🔥🔥 شفتو الخير لي عند ختام البنت واااازنة و هازة 😁
أنت تقرأ
⚜️ الـــجٰـــــان ⚜️كاملة
Viễn tưởngبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...
