⚜️ الـــجٰـــــان ⚜️كاملة

الجــــان✨ البارت 54

⚜️ الــــــجـــان ⚜️

سكينة سليماني

البارت 54:

عنقها كيضحك و هي كذلك ...ماباغيش يطلق منها ...كيحس بيها عجيبة كتحقق المستحيل فعلا بنت غريبة على لبنات لي عرف..هزها فيدها حتى قدرات تنوض و مشات مع حصة و عاشور و مشعل ...بقاو كيتمشاو ...حيدر منع انهم يتوجهو ل مغارة العاشقين لكن ختام اصرات باش يكملو هادشي ...قبل لكن شرط انه ما يديرو مغامرة اخرى حتى يرتاحو ديك الليلة...و فعلا قبل مايرمشو عينيهم وصلو لمغارة العاشقين ...مغارة ف جبل بيض مختالف على جبال لاخرين ...و بابو حجرة كبيرة ...بقاو بعاد عليها شوية و خيمو حداها ...غير الرملة و القيفار...شعلو العافية و بداو يشوفو فنجوم

ختام: مابقا والو و نفكو موريجان

حصة: الى رجعات موريجان كولشي ايتصلح و مايبقاش هاد الظلم لي كنعيشوه

عاشور: عندك الحق الف عام و حنا صابرين جا الوقت فين ايتبدل كولشي

حيدر: هيل دارت بزاف د المشاكيل ...لينا و ليكم

مشعل: طغات و تجبرات و لكن كولشي ايتحل...

ختام: انا عيانة و خصني نرتاح...

نعسات فوق رملة و عطاتهم ظهرها كترتاح من الارهاق...نعس حداها حيدر و لاخرين كل واحد فين نعس ...من غير مشعل و عاشور لي كانو كيديرو نوبة باش يحضيو...نساو بلي العدو قريب منهم و هيل قاطعة يدها من يد الرحمان...و متربصة بيهم و باغا غير امتى تفضيها معاهم...داز الليل مدة طويل كانت ختام ناعسة و مرتاحة حتى للحظة سكناتها هيل ...تحولو عينيها للاحمر و كولشي تبدل فيها ...فاقت و هزات داك الخنجر و هي تنزل على حيدر ليدو جرحاتها ليه ...فاق قافز و شاد فيدو و مبعد منها و جنون ناضو...

حيدر: شنو كديري

ختام:(كتشوف فيه بعينيها الحومر و كتغوت و شعرها كيطير) كيحسابلك الى كنتي منزه على جنون و حتى واحد مايقدر يقيسك يعني مانقدرش نآذيك ؟؟؟؟ هاني سكنت اكثر بنت كتبغي...و بيديها غادي تق/تلك...هزاتو بيديها من بعيد و رماتو...

مشعل: (كارز على سنانو) هيييييل....مو/تك على يدي

هيل : ههههههه جن ضعيف بحالك ماقدر حتى يحمي حبيبتو باغي تقت/لني انا ؟؟؟ انا هييييل

...تدفعات هيل من ظهرها كان عاشور غفلها و نزلات عليها حصة من عنقها...ناض حيدر كيغوت ...

حيدر: بعدووو منها هادااااك جسم ختاااااام ...غادي تآذيو غير ختام

هيل :(دفعاتهم كاملهم كضحك) عندك الحق ماتقدروش تقربولي حيت الوحيد لي أيتآذا هو ختام...(هزات الخنجر فيديها) غادي تمو/ت...

...بقات كل مرة كتقربلو كيحاولو الجن يحميوه بلا مايآذيوها و حيدر كيهرب منها ...اما هي مصرة اشد الاصرار عليه ...كتحاول و تحاول فلحظة ضربات الجن كاملهم....

حيدر: بعدي من ختام ...خرجي منها وواجهيني ديري لي بغيتي

هيل:  هادشي لي كتعرفو ديرو غير تغدرو آل عز العرب و سلالتو كااااملهم هاكا

حيدر: علااااش هاد الحقد هادا كاملووو علااااش خرجتي على حياة شحال من واحد ؟؟؟ شنو اتستافدي

هيل: بغيييييت نحرق قلبو كييييما حرق قلبي ...حلفت نعذب سلالتو و ناخذ حقي حيت انا مكنساااااش...نسوط فيه هو و فيك و فحتى ختي موريجااااان...انا مكنحنش حيت هو مااااحنش فياااا

حيدر: علااااامن كدوييييي ؟؟؟

هيل: على جدك ابو الحسن ههههه على جدك الغدار لي وهمني بحبو باش نفذلو اي حاجا بغااااها...غادي ندم سلالتووو واخا يبقا فيا عرق وااااحد غادي نتاااقم...كيحسابلك ساهل شيواحد يوهمك بحبو و يخليك تغرق فيه و هو كيستاغل فيييك ؟؟؟ (بداو دموعها يهبطو) ولد ولادو مع مرا اخرى و جا كيقولي انااااا غير جنية ...و انا لي بعدت عليه اي حاجا خايبة اي حاجا كانت اتآذيه بعدتو و حصنتو حتى من الجن و ماعقلش على الخير (نزلات عليه ب الخنجر و خوا ليها) و دابا سلالتو ماغاديييش تعييييش...اتفنى...