⚜️ الــــــجـــان ⚜️
سكينة سليماني
البارت 60:
داز الوقت و القصر فحالة صمت و حالة حزن ...السلطان ماخرجش كاع من بيتو لمدة ثلت ايام و اما ختام بقات مع الجواري هوما يسولوها و هي حالفة ماتجاوب...معاها غير رقوش و سعيدة لي قصتها جاتهم فشكل و مايقبلهاش العقل...كانت لابسة قفطان زيتي بالمضمة و المشامر و خيط الريح و البلغة و الخاتم...بالطوانگ فوذنها و السنسلة على رقبتها...طالقة شعرها و كتخمم غير فيه ...لمحات رقوش و حجي و مشات لعندهم وقفات عليهم ...
ختام: بغيت نشوف السلطان
حجي: شكون نتي باش تشوفيه لزمي حدك
ختام: مرااتو ياكما نسيتو
رقوش: سكت سكت احجي لاطلق عليك لمسلمين ديالها هههه
حجي: بحال والو ههه
...بقاو كيضحكو و يتمازحو حتى وقفات عليهم غنيمة ...
غنيمة: تبعيني نتي ام السلطان بغاتك
ختام: انا ؟
غنيمة: اييه نتي ام السلطان بغات دوي معاك ..(دفعاتها قدامها) تحركي قدامي ...
...تحركات قدامها بحال الامانة حتى وصلو لجناح السلطانة ودخلو ليه ...اما السلطان كان فجناحو حتى دخل عندو حجي باش يشوف طلباتو...
حجي: مولاي ب شنو تآمرني ؟
حيدر: جيب ليا ختام عندي
حجي: ختام امولاي عيطات ليها لالة ام سيدي و مشات عندها
حيدر:(ناض) مزيان باش نفرگعو هاد رمانة هادي ...
...خرج السلطان من جناحو غادي لعند جناح مو فديك الوقيتة كانت ختام عندها دخلات و حانيا راس ...
ذهبية: ولدي كان معاك .. كيفاش هادشي ؟
ختام: انا براسي ماعرفتش امولاتي حتى لقيتو حدايا
ذهبية: واش كضحكي عليا ..نطقي
ختام: والله مكنكدب عليك ...
ذهبية: لي فخباري هو نتي كنتي بغيتي تقت/ليه كيفاش نهار اعدامك ديتيه معاك و فين مشيتو ؟
ختام؛ (كتفرك يديها) راها واخا نعاودلك راه ماغاديش تيقيني و انجيك كذابة
ذهبية:(ناضت معصبة) نتي باااان ليا ماغاديش دوي حتى تجلدي على ظهرك مزيان
حيدر:(دخل و سمع اخر جملة نطقاتها مو ) شكون هادي لي غادي تجلدي الالة راحتي ؟ (وقف حدا ختام و شد ليها يدها) راك كدوي مع مرتي حتارميها
ذهبية: مرتك ؟ كيفاش مرتك و هي باقي ماجابت ليك الوريث
حيدر: غادي تجيبو...ليلة خلوتي معاها ...فرحي حيت ولدك فرحان و حفيدك ايجي فطريق و ايخرج من كرشها
ذهبية:(ابتاسمات) اوا الى كان الحال هاكا انا ماعليا غير ندعي معاكم
حيدر:(ابتاسم) خليتلك الراحة..(كيشوف ف ختام ) اناخد ختام معايا ...
أنت تقرأ
⚜️ الـــجٰـــــان ⚜️كاملة
Фэнтезиبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...
