⚜️ الــــــجـــان ⚜️
سكينة سليماني
البارت 55:
حيدر : شنووو ذنبي لاكان داكشي فالماضي...كتشعلي عافية نتي لولة اتحرقك
هيل: انحرقكم كاملكم و انبقا بوحدي ...انا انعيش
...ليل كاملو كتحارب معاهم و قواهم بدات كتلاشى...لكن كيما هوما كيصارعو حتى ختام كتصارع لداخل ...كتقرا ف القرآن باش تبعد عليها هيل هاد الاخيرة لي أثرات عليها ختام
ختام: واخا طغاي اتبقاي ضعيفة قدام القرآن
هيل:(كتحاول تسيطر) انطرطق عروقة د قلبك لاماسكتيش
ختام: و انااااا ماغاديش نخليييك توصلي لشنو بغيتي
...بقاو كيشوفو ان ختام كتهضر و حتى هيل كتهضر بجوج كيتحاربو ف جسم ختام
ختام: خرجيييي من صحتييييي بعديييي منيييي
هيل: ماااشي قبل مانقت/لووو
ختام: ماغادييييش تآذيه مابغيتيش تخرجي ؟؟؟ انا انخرجك
...هزات ختام الخنجر حتى لفوق و مع اشراقة الشمس الاولى خشاتو ف صدرهاا معلنة تضحيتها...كانت ناوية تق/تل هيل معاها هاد الاخيرة لي ولات ضعيفة بالفعلة د ختام و خرجات من جسمها و طاحت ختام ف الارض كتحتاضر...حيدر داخ كيشوف ف ختام كتخرج الدم من فمها و مشا كيجري عندها شادها و هي كتشوف ف عينيه
حيدر: لالالا مايوقع ليك والو (شاد ف الضربة) مايوقع ليك واالو شنوووووو درتييييي ختام حلي عينيك
ختام: س سير لمغارة...عتق موريجان...سير ا حيدر
حيدر: لااااا ماغاديش نخليك لااااا عفاك اختام شوفي فيا
ختام:حيدر ...(ابتسامة و عينيها فيهم دموع) كنبغيك...
حيدر:(عنقها فيدو كيغوت لربي لي خلقو) ختااااااام وااااالاااااا ختاااام (كيحرك راسها عندو و هازها بين يديه) انمشيو للمغارة بجووووج اختام انمشيو
...منين خرجات هيل من جسم ختام حاوطوها كل من عاشور و مشعل و حصة ...مغددين عليها و ناويين يصفيوها ليييها...
هيل: اراو ماعندكم ههه
مشعل: شهدي على روحك....
...بدات الحرب و بدا كل واحد يعطي ماعندو...تحولات ديك الساحة لساحة معركة...كلها كيبين شنو عندو...اما حيدر منين هز ختام فيدو و بدا يجري بيها لجيهة المغارة...تفتح بابها قدامو و دخل بلا مايفكر...ماعارفش شنو يقدر يصادف و لا يلقا لكن سلم امرو لله و باغي غير ختام تعيش و يساليو من هادشي...كيتمشى...و سلهامو مضويلو الطريق...
حيدر: ختااام فيقي تشوفي ...السلهام لي جمع بيني و بينك هو الختم الثالت اختام...فيقي تشوفي طريقنا منورة (طايحين دموعو) عفاك اختام ماتخلينيش بوحدي
أنت تقرأ
⚜️ الـــجٰـــــان ⚜️كاملة
Fantasíaبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...
