⚜️ الــــــجـــان ⚜️
سكينة سليماني
البارت 38:
بقاو كيتختلو و يتستلو خايفين يحصلو ..لقاو ضواو الشمع ضايرين على النافورة و خنجر ف الوسط ريحة الشبة و الحرمل فايحين و ريحتهم قوية خرجات ميمونة هازة كتاب بين يديها و لمحاتهم كتهمس...
ميمونة: اجيو لهنا فين تعطلتو الگمرة مابقالها والو و تغيب مور لغيوم...
ختام: عجباتنا لمسارية و نسينا راسنا
حيدر: شنو هادشي ؟
ميمونة: لقيت فلكتوبة كيفاش نصيفطكم لارض الجان
ختام: بصح الميمة اتصيفطينا لارض هادوك بسم الله الرحمن الرحيم
ميمونة: ابنتي ارض الجان فيها حتى الانس غير هي نوصيكم راه ماتعرفو الانس من الجن حفظو سواريكم
حيدر: على بركة الله
ميمونة: و الى كنتو متأكدين و عازمين خصكم تعرفو بلي تقدرو تمشيو و ماترجعوش ...حاولو تلقاو موريجان قبل المدة المعلومة
ختام: و شنو هي المدة المعلومة ؟
ميمونة: شهر بنهارو و لياليه ...ماعارفاش شيحاجا اخرى سيرو و فكو اللغز بوحدكم و نوصيكم ديرو لي فجهدكم الى مالقيتوهاش ف هاد المدة عمركم ترجعو و اتبقاو تايهين تما
ختام: (كتشوف ف حيدر ) يكون خير ...داروها لكبار و ايخلصو عليها الصغار ...جا لوقت فين نساليو علينا هاد اللعنة و كلها يمشي بحالو
ميمونة: سيري ابنتي حيدي حوايجك و لبسي داك الثوب لي حطيت ليك (شافت ف حيدر) و نتا لوي هاد الثوب على خصرك و عري صدرك
...حركو ليها راسهم بالايجاب ...مشات ختام فالاول لبيت باها و مها تشبع الشوفة فيهم قبل ماتمشي بحالها حيت محال ترجع عندهم ..مشات لبيتها و حيدات حوايجها و لبسات داك التوب لي ماساتر فيها والو كولشي كيبان من تحتو ...خرجات عندهم كتشوف ميمونة كتغسل لحيدر بلحليب...مشات و جلسات بلاصتها و خوات عليها حتى هي لحليب و نوضاتهم بجوج ...لمبيخرة فوسطهم و كيشوفو فبعضياتهم....بقات ميمونة كتردد كلام على مسامعهم
ميمونة: على علم هاروت و ماروت خط في بحر في بطن حوت..لا يلفظه حتى يم//وت كتبه حيدر ابن عز ابن عرب ماموت على علم هاروت و ماروت كتبته ختام بنت ميمونة بنت العجم و القنوت...
...كيسمعو هاد لكلام و قلبهم كيضرب بجوج و كيشوفو ف بعضياتهم...هزات ميمونة الخنجر ...
ميمونة: عطيوني يديكم
...عطاؤها يديهم و جرحات ليهم يديهم بجوج و حياتهم فوق بعضياتهم مشادين حتى تخلط دمهم
ميمونة: بغيتكم دابا تفكرو فشيحاجا مشتاركة بيناتكم و بيها ايكون المفتاح لي اتمشيو بيه بجوج
حيدر: حتى حاجا ماجامعانا
ميمونة: فكرو (شافت ف ختام) ختام عاودي من مورايا
ختام: واخا
ميمونة: انا ختام ..روحي فداء لحيدر ابن سلالة عز العرب ...قلبي و روحي و جسمي و كل ما املك
ختام:(بلعات ريقها) انا ختام ..روحي فداء لحيدر ابن سلالة عز العرب ...قلبي و روحي و جسمي و كل ما املك
ميمونة: حيدر عاود من مورايا ... انا حيدر سلطان السلاطين و المنزه عن الجن ...سأحمي ختام من كل شر و أوهب لها ما في الدنيا و ما وراءها
حيدر : انا حيدر سلطان السلاطين و المنزه عن الجن ...سأحمي ختام من كل شر و أوهب لها ما في الدنيا و ما وراءها
ميمونة: الــــــجـــان كل مانريد و اليه سنذهب سنكون سند بعضنا حتى الفناء ...
حيدر و ختام :(غمضو عينيهم و نطقو فدقة) الــــــجـــان كل مانريد و اليه سنذهب سنكون سند بعضنا حتى الفناء ...
...انتاشر ضوء ابيض غطا كولشي عليهم و حسو ببرودة لا مثيل لها كأنهم ف الثلج...ترفعو من الارض و طارو و عم الصمت ....
أنت تقرأ
⚜️ الـــجٰـــــان ⚜️كاملة
Fantasyبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...
