⚜️ الــــــجـــان ⚜️
سكينة سليماني
البارت 52:
ناضت بعدما كانت كتخشي فوجهها...و نقرات حوايجها
ختام: انا ماضحيتش بكولشي و جيت لهنا باش نبقا جالسة ..ماشي وقت الخوف هادا ...خصنا نفكو موريجان هي لي اتعتقنا منبعد
حيدر:(ناض حتى هو) عندك الحق و انا معاك ...
مشعل: منين قررتو و تافقتو...غادي نديكم لمراية نتوما غا طلبو
ختام: مشعل خودنا لمراية (كتشوف ف حيدر) خاصنا الختم الثاني...
....طار بيهم مشعل للبلاصة المعلومة...تحطو قدامها نيشان...كيشوفو ف جوج وديان كيفما وصفها ليهم ...وحدة كتجري بالدم و الثانية ب الما...و فوسطهم مراية كبيرة قاسماهم...جبدات ختام النجمة و تقدمات لقدام لمراية...و حطاتها ف البلاصة المخصصة ليها و رجعات لور ...تحولات لمراية للون الاسود و خرج منها راجل مغطي كاملو بالاسود و مربع يديه كيبانو غير عينيه لي بحال عينين القطة زورق و كيخلعو و نطق
فجوس: انا فجوس حارس المراية و خادمها...و الختم اللول هو مفتاحي و بيه يدخل الداخل و يبلغ مرادو لكن نبغي نبلغكم الداخل ليه خص نيتو ماتزعزعش و مايغريهش المال و الجاه و يكون قلبو بيض مكيحقد مكيحسد...و الى مشا حتى دخل و غراه وسخ الدنيا و حس بالدغل و السم ماعلينا غير نقطرو دمو فهاد الواد ...
ختام:(بلعات ريقها ) و شنو هو الختم الثاني ؟
فجوس: لي ايدخل فيكم هو لي من حقو يعرف
حيدر: انا لي اندخل
ختام:(شداتو) لاااا انا
حيدر: ركبك لهبال
ختام: سمعني نتا ماصالحش دخل حيت قلبك عمر بالغيرة (كتشيرلو على مشعل) مابغيتش نخسرك...
حيدر: واش كظني انني انخليك دخلي
ختام: لازم عليك تخليني...
فجوس: الداخل خصو يحط مقابل قبل ماياخد الختم و يخرج...الى ماتحققش داك المقابل لي دخل ايمو/ت و لو ياخد الختم و يوصل
ختام:(تقدمات عندو) عندي مقابل
فجوس: لي هو ؟
ختام: حياة هيل...الى ماما/تتش تقدرو تق/تلوني
فجوس: و حنا قبلنا المقايضة
مد يدو ليها و جرها لداخل المراية لي غير دخلات ليها رجعات مراية عادية ...زدح حيدر فيها كيغوت ...كان باغي يدخل و مايخليهاش تصرف من دماغها لكن تسدات البوابة و رجعات مراية عادية من زاج ...اما هي غير دخلات شافت كولشي حداها بحال شي قصر كاملو زاج و عامر مجوهرات و سمعات صوت غليض كيدوي معاها...
... " الختم هو خنجر فضي يقدر يقطع لحديد و لفولاد و حتى الاصفاد لي فيها السحر ...قلبي عليه و خوديه ...و ماتنسايش الى قستي حاجا اخرى و عماك الطمع...قبل ماتنفسي اتكوني م/تي...."
أنت تقرأ
⚜️ الـــجٰـــــان ⚜️كاملة
Fantasíaبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...
