⚜️ الـــجٰـــــان ⚜️كاملة

الــــــجـــان ✨ البارت 62

⚜️ الــــــجـــان ⚜️

سكينة سليماني

البارت 62:

داتها رقوش للحمام و غسلات ليها و وجداتها...لبسوها قفطان بيض للعروسة و زوقوها و لأم السلطان صافطوها ...دخلات عندهم لجنان و باست يد ام السلطان و جلسات حداها ...

ذهبية: كيبقيتي ابنتي ؟

ختام: بيخير اسول فيك الخير ...

ذهبية: و كيدازت ليلتك مزيانة

ختام:(ابتاسمات) كولشي مزيان امولاتي...

ذهبية: مانحتاجش نوصيك نتي عزيزة على ولدي و نتي لي كسبتي قلبو و دخلتي لفراشو بغيتك تحطيه فعينيك و قريب نشوف حفيدي معاه ...

ختام: ان شاء الله...

...بقاو كيهضرو و يتجمعو حتى دخل السلطان عندهم ووقفو قدمولو التحية ديالو ...عينيه غير على ختام و الحب بادي ليه من عينيه ...

ذهبية: جلس اولدي معانا

حيدر: مكاين لاش بغيت نرتاح فجناحي و لكن بغيت نعلمك بشيحاجا

ذهبية: الله اسمعنا خبار الخير

حيدر: سقت لخبار بلي ولد ملك الشمال باقي حي و ماشاركش ف الحرب بقا ف القصر ...عمرو من عمري ..و انا شفت و خممت و منبعد ما عطانا الولاء و قسم يكون خادم عندنا قررت نزوجو ل تاجة

ذهبية: كيفاش اولدي اتزوج تاجة بولد عدونا؟

حيدر: كنقول ليك ولدو ...ماشي عدونا و كلمتي عطيتها ياك عزيز عليها تحكم...خليها تمشي تحكم فديك المملكة و تعلمني باشما كان

ذهبية: ماعرفتش واش ختك اتبغي ؟

حيدر: يكفي انها طغات و تجبرات...الى مشات عصات الامر ماغانحنش فيها أمّا...علميها ...هديتها اتخرج من القصر غدا ان شاء الله

ذهبية: كيما بغيتي اولدي

حيدر:(شاف ف ختام و عطاها اشارة) خليت ليك الراحة(مشا)

ختام:(باست يد ذهبية) حتى انا خليت ليك الراحة ...

...تبعاتو ختام و غير دخل لجناحو دخلات معاه ...عنقاتو من لور و ضورها عندو كيبوسها و يشم ريحتها...

حيدر: هاد نهار داز طويل بلا بيك ...

ختام: هههه انا ماحسيتش بيه بقينا كنهضرو انا و ماماك حتى غربات الشمس

حيدر: و ليييل دياااالي دابا

ختام: قولي بصح اتزوج ختك بلا ماتشاورها ؟

حيدر: ماقادرش حتى نشوف ف وجهها و كتقولي نشاورها...

ختام: كتبقا ختك

حيدر: ختي ؟ ختي لي تسناتني امتى نغبر باش دير مابغات ؟ ختي لي علنات حرب و خسرنا ناس كثار بسبابها ؟

ختام: يمكن عندها سبب

حيدر: اه عندها (جلس ) بغات تنتاقم لخوتي بربعة... (شاف فيها) فخبارك انا الواد الصغير ...الولد لي ماكانش باغي الحكم كان باغي غير تيقار و يعيش ف حرية...ولكن ماخلاوهش...نهار شفت نعوشا د خوتي خارجين من هاد لقصر عرفت باي الحكم صعيب ...طلعت بيه و انا باقي ولد سبعطاشر عام ...الى كان شيواحد قلبو كياكلو و باغي ينتاقم ف هو انا ...

ختام:(جلسات حداه حطات راسها على كتفو ) يكون خير ماديرش فبالك و لكن بغيتك دوي معاها ...

حيدر: يكون خير ...