⚜️ الــــــجـــان ⚜️
سكينة سليماني
البارت 45:
غير خرجات ريخا حطات يدها على قلبها كان ايسكت بالخلعة ...رجعات لبلاصتها و دموعها ف عينيها و بقات كدوي مع راسها
ختام: حيدر فينك ...فين خليتيني؟
بقات الليلة كاملها هاكا حتى نعسات هو لي مانعسش ليلة كاملها و ليالي تبعوها...دازت على مسيرتو ثلت ايام بلياليهم...و داز الوقت و ختام غير كتوالف و تنفذ شنو كيقولو ...اما حيدر متابع طريقو مع حصة و عاشور ...دازت ثلت ايام حتى وصلو ل اسوار مملكة النار و حطو رحالهم جنب الواد ...
عاشور: خصنا نردو البال ..وصلنا لحدود ديال قبيلة النار
حيدر: فين هي حصة ؟ شفتها مابقاتش معانا
عاشور : اتكون غير هنا
...شوية سمعو صوت لغوات و ناضو كيجريو بين شجر حتى لقاو حصة قاجة ختام و معلقاها ف شجرة و جنيات لي كانو معاها طايحين ف الارض
حصة: سمعتهم كيقولو بلي هادي بنت شيخ قبيلة النار ...هادي هي لوجيبة نحطوها رهينة عندنا و نساومو عليها باها...
حيدر: حصة طلقيييييها دااااباااااا
...طلقاتها و طاحت ختام ف الارض بقات كتحاول تتنفس و كتكح ...وعات على راسها و طلعات عينيها و هي تشوف حيدر ...
ختام: حيدر ؟
حيدر: ختام ؟
...ناضت ختام كتجري عندو و عنقاتو و هو ضمها بين يديه ...ماشعراتش براسها غير و هي كتبوس فيه ماشبعاتش منو
ختام: فيييين خليتيني ؟؟؟ علااااش ماديتينيش معاك
حيدر: ششش انا معاك دابا عرفتي شحال قلبت عليك و بقا بالي معاك
ختام: توحشتك
حيدر:(ابتاسم) خلينا نمشيو منهنا و نهضرو...
...شدها من يدها و عطا اشارة لعاشور بعدهم شوية ...و طار بيهم
ختام: شكون هادو؟
حيدر: هادي حصة و هادا عاشور ...عطاهوملي شيخ قبيلة البويض..باش يعاونونا لقاو موريجان و لكن نتي شنو كديري هنا ؟
ختام: انا لقيت راسي ف لقصر عند قبيلة النار و كيقولولي بنتهم...
حيدر: كيفاش؟ شوفي سمعيني مزيان...
...ماجا فين ينطق حتى وقفو عليهم جنون قبيلة النار و حراسها و شدو حيدر لكن ماقدروش يشدو حصة و عاشور ...بقا كيتنتر منهم حيدر لكن ساقوه فيديهم و ختام كتحاول تقولهم يطلقوه و مابغاوش...وصلو لقبيلة النار و كتفوه و ربطوه و الشيخ كيشوف فيه ...
كاعود: كيفاش تجرأتي تقيس بنتي و تعدى على بني جنسي و نتا غير ادمي
ختام: بابا عفااااك ماتآذيهش (قربات لحيدر و فتحات يديها بجوج كدافع عليه) كنبغيه ابابا ماتحرمنيش منو ...
أنت تقرأ
⚜️ الـــجٰـــــان ⚜️كاملة
Fantastikبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...
