⚜️ الــــــجـــان ⚜️
سكينة سليماني
البارت 37:
بلاصات لوطو و قبل ما تخرج شد ليها فيديها
ختام :(شافت فيه)مالك ياكما تخلعتي من شي حاجة
حيدر: فين غانمشيو تاني
ختام : (طبطبات ليه على يدو حركة ريحاتو نوعا ما )
غنشربو قهوة و ديك الساعة سولني لي بغيتي (ابتاسمات بلطف خلاتو سها فملامحها و يدقق فتفاصلها ) تا انا كان فيا الفضول ملي فقت و لقيت راسي عندكم بغيت غير لي يجاوبني مالقيتش
حلات ليه السمطة و الباب كانت وقيتة الغدا دخلو لواحد ريسطو كبير فيه الماكلة الأروبية جيغون غير شافها جا كيجري فوقما كاتجي المغرب كتجي عندهم
بونجوغ مادموزيل طولتي علينا الغيبة هاد المرة
ختام : ربي يخليك شوف ليا شي طابل كالم و من الأحسن تكون لفوق فطيراس و هاد المرا دير لينا شي حاجة متنوعة (دارت شافت فحيدر)معايا ضيف مهم
مرحبا الالة تفضلي معايا
طلعو الفوق كانو غير شوية دناس شمس خفيفة و لجو معتادل كانت يلاه كيدخل شوية الصيف
كلسات مقابلة معاه ضاربة فيه شوية الشمس جات معاه يكون إنسان كلاص محسات براسها تا سهات فيه و بدات كتبتاسم
حيدر :علاش كضحكي
ختام : كون غا كنتي فزماني و تلاقيت بيك فشي بلاصة اخرى
حيدر : و علاش لي ماتقوليش تكوني فزماني
ختام ؛ لااا معجبنيش زمانك العيالات عندكم بحال شي سلعة عقلكم غير فداكشي حياتكم مملة و مكتستمتعوش. القوانين عندكم هي القوي ياكل ضعيف ...مكنتش حامدة الله على حياتي تا شفت حياتك مشاكلك تافهة مضارب غا مع راسك
حيدر : انا راني سلطان ماشي إنسان عادي
ختام : هادا لي قدامي غا انسان عادي معندك تا قدرات و معندك تا سلطة خرجتي من زمانك مابقيتيش سلطان عرفتي غير غنخرج من هاد الحلمة و نرجع نكتب رواية و نتشهر و لا ندير شي فيلم عرفتي شنو ملي نساليو نمشيو لسينيما
حيدر :شناهي ؟
ختام : تا نديك ليها و تعرف ايعجبك الحااال
تحطات ليهم الطبلة جا سرباهم السرباي خلط ليهم المطبخ المغربي مع الإسباني بقا حيدر غا حال فمو وراتو ختام كيفاش ياكل بالفرشيط و الموس و فنفس الوقت كيديو و يجيبو فالهدرة على قرايتها وكتوريه التصاور مرة يضحك مرة يغوبش فيها ختموها فواحد القهوة كطل على المدينة القديمة دفاس كاملة جابوها مع الغروب
ختام : (تنهدات )معرفت شنو كيتسنانا تاني واشمن طريق تابعانا
حيدر: غايسالي هادشي انا على يقين
ختام : اهم حاجة كل واحد يرجع لحياتو
حيدر :(عوج سيفتو) اه نتهنى منك
ختام :علاش ماتقولش انا لي انتهنى منك (سكت و صار كيشوف لشمس)
حيدر: اتبغي تهناي مني اتلقاي رجليك جايبينك عندي (شاف فيها بنظراتو) عينيك فاضحينك
...ارتابكات من كلامو و سكتات سالاو و مشاو كيضورو و كتشرحلو كل حاجا ...هزات تيليفون و بدات كتصور هي و ياه...شراتلو الگلية و غزل البنات و اي حاجا جديدة عليه ...كيسولها و كتجاوبو و موسعة خاطرها معاه...وصلو للسينما و تفرجو للفيلم و هو مرة يغوت مرة يضحك ماينكرش ان زمانها غريب و لكن زوين و فيه مايتشاف...سالاو و ركبو ف طوموبيل راجعين للرياض ...كان الليل ..خرجو بشوية و مع درب خاوي خداو الحذر ديالهم ...دخلات بشوية بعد ماحلات لباب و دخل من موراها ..
يتبع
أنت تقرأ
⚜️ الـــجٰـــــان ⚜️كاملة
Fantastikبقلم : ✨ سكينة سليماني ✨ قالو ناس زمان الى المحبة دخلات للقلب و تربعات عمرها تزول واخا يتدخلو سلاطين الجان و قالو الى شفتي جوج توالمو و على الدوام تعاشرو عرف بلي الدرك على واحد و بلي حبيبو معذبو و مشربو علقم يامو...نصليو على خير الناس و ا...
