جمـعـنـا قدر لكـن علـى وش نقــدر ؟

البارت الثالث

•

•
بيت ابو صالح | الحوش | الساعه 9:45
ابو صالح: غييييثثث قوم لا بارك الله فيك من ولد صارت عشره و انت باقي راقد
غيث الي فز على طوله من صراخ ابوه:لبيه ابشر ابشر
ابو صالح:جهزو كل شيء الحين
غيث و مازن:ابشر
صالح دخل :السلام عليكم ورحمة الله
ابو صالح:وعليكم السلام تعال يبوك
صالح:امرني يالغالي
ابو صالح:لا بس تعال اجلس
غيث بمزح وهو يشب النار:من اعتاد على القلق ظن ان الطمئنينه كمين
ابو صالح الي ما فهم شيء:وش انت تقول ياذا السلوقي
غيث بخوف:سلامتك
صالح الي فهم غيث:غيث اشتغل و انت ساكت
غيث رمى اخر منديل فيده لنار:ييييوووه محد يمزح معكم غثيثين
ابو صالح رماه بالفنجال:اعقبببب يالرخمه تقول لبوك و اخوك الكبير غثيثين؟؟!!
غيث بدا يستعد لركض:محشوممممم يا ابوي محشوووممم و هرب للمطبخ
صالح:غيث حبيب و مزاح الله يرزقه من عنده
أبو صالح:آمــيـــن يـارب
دخل ابو رَّي عليهم:السلام عليكم
الكل:وعليكم السلام
ابو صالح؛هلا فهد هلا تعال
ابو رَّي وهو يجلس:هلا فيك يالغالي
صالح:الا ابوي منت ناوي تزوج احد من العيال قدهم كبار
ابو صالح:اي والله ودي افرح فيهم
مازن و هو يدق النجر:انا لا احد يكلمني بزواج أفضل العزوبية
غيث دخل و بيده السفره و صحن الفطور:الله تسولفون بزواج انا بخاطري اتزوج والله موضوعي المفضل
أبو صالح:من وين بتصرف عليها؟؟!
غيث:انت تصرف علينا كلنا
أبو صالح بحده:و انا زوجتك اياه تأسس بيت و حياه مستقله معها وافتك منك ولا زوجتك عشان زيد اضمك انت وياها ما اقول الا الله يرزقك بالعاقله الي تهجدتك
غيث:ابوي لو ما جات عاقله و عقلها نفس عقلي ايش بيصير
ابو صالح:ذاك الوقت بخليك تطلقها لن والله واحد يكفي
مازن:والله اتفق يجون عيالك بعد وااااوووو ياراسي التفكير بالموضوع يخوف لوحده
غيث بصدمه:لذا الدرجه!!!
صالح:تراك بعمر الـ16 بغيت تهد الجدار
مازن ضحك:تتذكر هههههههههههههههههههه
ابو رَّي ضحك:كيف ننسى اصلا من جد غيث ما شفت الجدار وقتها؟؟
غيث بضحك:والله ما ادري به الين صفقته هههههههههه
أبو رَّي:اجل انا استأذنكم
الكل:الله معك
...
و في غرفه النوم
مرام  تصحي رَّي و هي مره تعبانه و حرارتها مرتفعه و صحت  و لبست بنطلون سماوي و تيشيرت سكري و لبست عبايتها و نزلوا لابو رَّي
مرام  دخلت عليهم:السلام عليكم
الكل و عليكم السلام
مرام:ابوي هنا؟؟
أبو صالح:لا راح قبل شوي ارب ما به بايره؟
مرام بقلق:لا رَّي بس شوي مسخنه و بغيت المستشفى
غيث اخذ مفتاح سيارته:انا بوديكم ركبيها
مرام:ما نتعبك يا عم؟
غيث الي كان يحب كيف ان مرام الوحيده الي تحترمه مو نفس الباقين:يا عيون عمس انتي لا اكيد
مرام ابتسمت:تمام
ركبوا و كانت رَّي ورا تكحكح و كانت بدون طرحه و تعبانه بالحيل
غيث:وش فيها توها البارحه كانها حصان
مرام:مدري عنها
وصلو المستشفى....
•
في بيت اول مره نزوره بيت خال أماني الي كانت يتيمه الاب و الام...
ابو احمد:جا خطب عندي ابو فراس يبغا أماني
احمد بضيق:ابوي زوجها فكنا تعبت و انا مقدر اخذ راحتي في بيتي عشانها والله خلاص
ام احمد:اي والله خلاها تنقلع
ابو احمد بحيره:بس بترفض اكيد و صغيرة و قاصر تعتبر
ام احمد بمكر:محد درا عنها ذا السربوته
احمد:بس ترا لو ترفع قضيه رحنا وطي
ام احمد بضحك: مالها غيرنا من بتروح له لو سوتها
احمد تربع:هذي صح
ابو احمد:اجل شوركم و هدايه الله
•
في المستشفى...
رَّي و مرام الي نزلهم غيث و راح و كانوا بغرفه الانتظار
مرام نزلت راس رَّي عن كتفها:بروح اشوف الدكتور ارتاحي هنا ولا تتحركين
رَّي بتعب و وصوت مقطع:طيب
راحت مرام من هنا و دخلوا عبدالعزيز و لياء من هنا
لياء لعبدالعزيز:انتظر هنا بروح اخذ التقرير و ارجع
عبدالعزيز جلس:طيب روحي و اخلصي
ولكن طاحت عيون رَّي على عبدالعزيز الي كان جالس قدامها بكل رزانه"بثوب أبيض بدون شماغ و شوز نايك أبيض و اسود"و كان شعره شديد السواد و حواجبه و رموشه كثيره و بشرته البيضاء الصافيه و كانت ملامح حلوه و تجذب الانتباه بشكل كبير و قطع تفكير رَّي بجماله تصادف عيونها بعيونه الي كانت عسليه بشكل واضح رَّي حفظت تفاصيله من الليلة الي تقابلوا فيها...
عبدالعزيز عرفها على طول صح كانت بنقابها و الحين لا و صعب التعرف بس عرف العيون البنيه الامعه و أشر براسه بمعنى سلامتك
رَّي ردت طرحتها على وجهها و اشرت(👍🏻)
و ابتسم عبدالعزيز لما تذكر الايس كريم و اكيد هو الي سوا فيها كذا قام يسوي بيرمي شيء بزباله
و قال بهمس ضاحك:أنه الايس كريم نصف الليل
رَّي ضحكت بصوتها المتقطع و قالت ببحه:كذاب كانت الساعه 8
عبدالعزيز ابتسم لها و بعد لما شاف لياء جايه و وطلعوا أما رَّي رجعت لوضعيتها ولا درت بالعيون الي تراقبها من بعيد
فاهد بحماس:هذي يا أميييي هذي؟!!
ام فاهد:اي والله يا أمي انها هذي
فاهد الي يحاول يشوف ملامحها:والله ان شكلها حلوه
ام فاهد ضربت كتفه:اييييه حلوه و حلوه مره بعد
فاهد بحماسه واضحه:يا أمي ابغاه اليوم قبل بكره
أم فاهد بمكر:معليك يمك مالك الا تصير حلالك
و في الجهه الثانيه شافت مرام كل شيء صار بين رَّي و عبدالعزيز و بدت تتبسم بخبث
•
في بيت ابو صالح
أبو صالح؛سراج
سراج رفع راسه عن الجوال:أمرني؟؟
أبو صالح عدل جلسته:ما يامر عليك عدو بغيت افاتحك بموضوع
سراج:أسمعك يالغالي أمر
أبو صالح:ما ودك تتزوج
سراج بصدمه:هـاه؟
أبو صالح:مثل ما سمعت نكلم أمك تدور لك بنت الحلال الي ترضيك و تعيش معها ما ودك؟؟
سراج انحرج ولا وده يرد أبوه خايب:الي تشوفه يا أبوي
نط غيث:اححححح ناويها يا الوصخ من اول؟
سراج رماه بعلبه المويه:يا رجال كل تراب
أبو صالح بفرحه:اجل الله يتمم عليك و يرزقك بالبنت الصالحه
غيث جلس بصدمه:والله و تزوج الكلب
سراج بنظره متعاليه لغيث:ما الكلب غيرك
غيث:طلعت اوصخ مني
نط سراج و هو ماسك شماغه يعلم الحريم
ابو صالح بضحك:الله يوفقه ههههههههههههههه
غيث مسوي يغار:لو هو انا كان قلت الحمدالله افتكينا منه
ابو صالح ضربه بالعصا:اذلف اذلف لا تخرب فرحتي به
غيث بضحك:أبشر بروح اشوف وجه امي
و عند الحريم الي صارو يباركون لسراج و أم صالح اقترحت عليه خوله بنت ابو خلف الي كانت. جميله مره و جذبتها وقت العزيمه مره
ام صالح:أجل نروح نخطب المغرب
سراج:الي تشوفينه
غيث:محظوظ
ام صالح بضحك:بيجيك الدور
غيث:متى اقابل جوليت حقتي اخخخ قولو لها اني احبها
فاطمه:الله و اكبر عليك متى امداك تحبها
سراج بضحك:أقول جهز جهز تحرك بعد ما نخطب ترا بترجع للمدينه وراك دوام بكره بالجامعه هههههههههههههههه
غيث بتقليد لوجه سراج: يعنني تزوجت ان شاء الله تتطلقون
فاطمه ضربته على كتفه: ما قد خطب ضعيف الله قدك تدعي عليه صل على النبي
"اللهم صلي عليه أفضل الصلاة و التسليم🤍"
غيث رجع يحضن سراج بحب:والله اني أمزح معك يخوي والله يوفقك و يرزقك الذريه الصالحه و زوجه صالحه يعني لن مالي قدره اوديها زعلانه
فاطمه بضحك:ليه انت الي توديها
غيث ضرب صدره:ايش فيس انتي معس شوفير الزعلانين
لما كنت بثانوي كنت اودي ساره لاهلها زعلانه من صالح و اودي نجوى لاهلها زعلانه من سالم و زوجت ذا بطريق
الكل:
هههههههههههههههههههههههههههههههههههههههههههههه
فاطمه بضحك:والله منت صاحي
سراج:ذا الولد من وين جاي بكميه الفله السامجه ذي
ام صالح بضحكه:خله يتونس
•
و بعد المغرب في بيت ابو خلف
ابو خلف:يالله ان تحيهم ارحبو ارحبو
ابو صالح:الله يحييك
جلسوا كان ترتيبهم:أبو صالح،صالح،ابو رَّي ،سراج،غيث
أبو صالح:والله احنا جاين بكل خير و انا جاي اخطب بنتك خوله لولدي سراج
أبو خلف:والله اني فرحت وانت غالي و سراج غالي و نسبك يشرفنا اي والله و انا و خلف بنروح ناخذ شورها
ابو صالح الي ما كان يخذ شور البنت في الزواج قال بنفسه"الله يدنيا ما تقفلت ابواب النصيب عليك الا من اخذك لشور البنيت"بس قال:خذ راحتك و وقتك
خلف الي تحت اثار الصدمه"لان اخته الكبيره هي اول و اخر وحده تزوجت و بعدها ما عاد جاهم خطاب"
دخلوا للاخوات خلف الي كانوا يتسمعون
أبو خلف:يا نوره تعالي
ام خلف:هـاه بشر وش يبغون
ابو خلف ببتسامه:الخير الخير ابشرس يخطبون
ام خلف بفرحههه كبيره:في ذمتك يالله لك الحمد
سديم و هي تتعلك:لذا الدرجة تبغون الفكه؟
ابو خلف:لا يبوس بس الزواج ستر ما بقعد انا و خلف و احمد عايشين يبغا لكم رجال يسندكم العمر كله
ام خلف بحيره:من نزوج منهم
خلف الي لجمته امه بسؤالها الغبي:أمي الله يهديس ذا سوال ينسال؟؟اكيد خوله هم طلبوها
خلود بطقطقه:قلت لس لا تكشخين واجد بالعزيمه
خوله:هههههههههههههههه
ام خلف:من فرحتي يا وليدي نسيت
ابو خلف لخوله بعيون تقول تكفين وافقي:هـاه يبوس تبغين تتزوجين؟ انتي الي اختاروها لسراج و هو ولد عايله تعرفون وضعهم بتعيشين أميرة و الولد ربي رازقه ترا ماني قاعد اغصبس تبغين ولا عادي ترا
خوله الي ما كانت تبغا أبدًا بس عشان ابوها:تم موافقه
خلف:طيب استحي شوي
خوله:هو بقي فيها سحى اصلا
خلف و هو يقلدها:تم موافقه فحراج احنا؟؟
خوله بضحك: وش اقول يعني؟؟
خلف و هو يسوي بنت:الي تشوفه يالغالي شورك يا ابوي
خوله:مين الي بيتزوجه انا ولا أبوي؟
سديم:وجهت نظر
خلود:واااوووو خولللهههه تزوجت لااااا
خلف:وش الي لا
خلود :بشتاق لها
خلف:الله و اكبر من بعد المسافه
خلف و هو يسحب ابوه:ابوي بسرعه والله بيكنسلون
الكل:
هههههههههههههههههههههههههههههههههههههههههههههه
و في المجلس
غيث:يخذون شور رئيس الوزراء ذولا؟؟
أبو صالح:نذر ان ما سكت ان اصفقك بالحذيان
غيث :ابشر
دخل أبو خلف و وراه خلف و احمد توه صاحي من النوم
غيث بهمس لسراج:اهااا و انا اقول ايش فيهم تاخرو قعدو يصحون احمد يخذون رايه بعد
سراج طبعًا طفس من الضحك. و انفضح بسبت غيث الكلب
ابو خلف:مبروك لك يا سراج بنتي خوله و الله يجعل افراحنا دايمه
غيث و سراج ميتين ضحك و سراج يفكر باشياء حزينه عشان ما يضحك بوجه نسيبه و قال:الله يبارك فيك يا عمي
غيث بهمس لسراج و ابو رَّي يسمع من بعيد:مبروك لك يا سراج خوله؟؟ ايش فزت فيها جايزه هي ههههههههههههههههههههه
طبعًا سراج يمسح دموعه من الضحك  و ابو رَّي دموعه بعيونه و قال غيث بضحكه مكتومه:واضح محد يخطب عندهم ابوها ما يعرف حتى يتكلم و اخوها العقال يضحك
و سراج ما عاد يقدر يتحمل من الضحك و قال وهو يرد الضحكه:اسكتتت تكفى والله معد اقدر
غيث بضحك :خلاص ابشر
اما ابو رَّي دموعه تنزل ورا بعض و على الهزاز و قال له ابو خلف:وش فيك يا فهد؟؟
غيث بهمس محد يسمعه الا ابو رَّي و سراج:حزين على فراق سراج
سراج صد بقوه على وجه غيث ما يبغا يضحك بوجه ابو خلف و قعد يضحك
ابو رَّي قال بصوت فيه الضحكه:لا بس عيوني من الهواء
و بكذا تمت خطوبه خوله&سراج بسلام
و لما طلعوا برا انفجر سراج و غيث بشكل هستيري من الضحك و قام عليهم ابو صالح يضرب فيهم بس كان الضحك غالب على الجو و ضحك ابو رَّي و صالح و طلعوا للبيت بعد ان قُرر الزواج بعد ثلاثه شهور
•
في بيت بطلنا
عبدالعزيز:لياء جاهزه؟؟
لياء:جاهزه جاهزه
عبدالعزيز؛ يلا
ركب عبدالعزيز سيارته و شغل و طلعوا على خط المدينه و وصلوا للمطعم الي حجزوا فيه
لياء و هي تنزل الشوكه:الله تصدق بخاطري اتزوج
عبدالعزيز بصدمه:هـا ليش
لياء:ابغا اصير ام ابغا عيال صغار حلوين والله شعور حلو
عبدالعزيز بنرجسية:يا حبيبتي ترا مو كل الرجال زيي
لياء:واو يا الثقه الي عندك
عبدالعزيز:في محلها طبعًا ادري
لياء:ما اقول الا الله يعين الي بتتزوجك
عبدالعزيز بنظره ساخره:هـاهاها الله يعينها الا يا حظها
لياء بصدمه:ما توقعتك مغرور كذا
عبدالعزيز يلعب بحواجبه:فنان انا
لياء: ههههههههههههههههههههه
•
و في البيوت الخلفيه المهجوره
سعيد و هو منهد حيله:يا طويل العمر خببببررر بيعجبكك و لا في توقيت بعد مناسب
سعود و هو يطفي الزقاره:قول يا سعيد قول
سعيد بحماس للفلوس الي بتجيه:فيه ولد ابو صالح سراج بيتزوج
سعود:اوووه سراج كبر والله و صار معرس و متى زواج الحلو؟
سعيد:بعد ثلاثه شهور
سعود ببتسامه خبيثه:حلو حلو طيب خلونا نروح المركز الحين و نروق و اعطيك يا سعيد حقك و نحتفل شوي و نختار مع مين بنلعب العبه الي نحبها
سعيد بفرحه:أبشر
نسيم:اوه حمستني
•
يوم جديد يشرق على الديره و اهلها
في بيت أبو صالح
في غرفه رَّي و مرام كانت رَّي تتعافى بشكل تدريجي
و قالت فداء:خلونا نروح السوق
سلمى بلعانه:عشان تحارشين خلف ترا واضحه
فداء الي كانت مستحيل تروح السوق ما تتهاوش مع خلف و قالت بضحك:لا الحين صرنا نسايب
مرام:مين خلف
سلمى:واحد يشتغل بمحل شاهي بالسوق
فداء بأصرار:نرررروووح؟!
رَّي بعدت البطانيه:يلا رحنا
مرام الي صايده رَّي:تمام نروح
•
و في السوق
طلعوا لسوق مرام و سلمى و منال و رَّي و فداء
رَّي:أقول شرايكم نجلس شوي هنا
سلمى:عندي شغل عند العطار
منال:بجي معك اجل
سلمى:طيب
مرام:انا و فداء بنروح للخباز جدتي ارسلتنا
فداء: رَّي حبيبي ترا قريب الخباز اذا خلصتي فقرت العجز حقتس تعالي
رَّي الي كانت جالسه قريب من دكت الشاهي:اوكي
و جلست تتمعن السوق و جماله و ريحت البخور مختلطه بالقهوة العربيه و ريحه النار و كان كل شيء في سلام
لكن فجاءه سمعت صوت واحد ينادي و الصوت ما كان غريب عليها ناظرت و شافت عبدالعزيز الي كان ينادي سند بضحك و رَّي ابتسمت معهم لا شعوري و فجاءه صاح سند باسم:عبدالعزيز!! و بكذا رَّي عرفت اسم الشخص الي كانت تحس شعور غريب بشوفته و قالت بداخلها"عبدالعزيز اجل هههه"
و عند عبدالعزيز الي انتبه لذا الحرمه الي جالسه و قرب من بعيد لها و لكنه حس انه يعرفها قرب منها و كانت مرام تراقبهم بعد ما قالت لفداء كل شيء و صارو يارقبون رَّي فداء بصدمه:اما عاد عبدالعزيز!!
مرام:هـاه عبدالعزيز مين
فداء:الي تتكلمين عنه ذا الي عند رَّي الحين اسمه عبدالعزيز و اذا و صلنا البيت قلت لس قصته
مرام بقلق:لا تقولين سربوت تككككفيييننن
فداء:يا بنت ذا عبدالعزيز رجال ولد رجال و صدق ان الف بنت تتمناه هذا مركز سوالف بنات الديره وبعدين يمكن بينهم مشكلة لازم حُب؟؟!
مرام:ما شفتيهم أمس بالمستشفى والله كانو يضحكون سوا كانو حلوين واضح صاير بينهم شيء متاكده قد قابلته قبل كذا
فداء:يمكن
و عند عبدالعزيز و رَّي
عبدالعزيز بطفش من كثر ما قابلها:يا بنتي اوفر وش ذا الصدف كل شوي و ترا شكلك من بعيد كانك عجوز والله
رَّي ضحكت بتسليك:امـانـه ههههههه
عبدالعزيز عرف انها تسلك و قال:يووووه يشينك خل اروح احسن
رَّي:الله معك فرقاء يا زرقاء
عبدالعزيز ضحك ولما انتبه شاف خلف متكي على كتف سند و ثاير يحك دقنه و سند يتبسم و يغمز يناظرونه و لما وصل لهم
خلف:يا حرااامممم ما اعطتك وجه
عبدالعزيز بنفس حركات خلف:ايه تشوف بموت عليها انا يا رجال انكتم
سند:لههههلللههه ذا الولد جليل حيا وش امانه من ذي وسن ؟؟
خلف ناظر سند:يييييوووه عهدك عهد الراعي انت
سند:الا ايش صار عليها هي
عبدالعزيز هز كتوفه:مدري ما تهمني.
خلف:والله انك عثيت فيها ما عطيتها فرصه تعبر عن حُبها
عبدالعزيز بغضب واضح:ح ر ا م من وين تفهم انت لا احبها ولا ابيها خلها تولي و عشان اريحكم ايه باقي ناشبه لي للحين
سند:خلاص لا تزعل نمزح والله
ثاير بجديه:اذا هذيك حرام ذي وش؟
عبدالعزيز الي ما كان يكلم البنات ولا يعطيهم فرصه بس رَّي غير دخلت بشكل مفاجئ لعبدالعزيز بشكل غريب دخلت سوالفها الغبيه وهو ما كان يعطي مجال لاحد و قال بلمعه غريبه بعيونه:مدري ذي غير مدري شوضعها
ثاير ضحك:تحبها؟؟
خلف الي شاف فداء راحت لها:اذا من جد تحبها فا شكلها طيحت حظك
عبدالعزيز بسخريه:تحبها اي حُب اي حياه اي عالم اي خرابيط انتم فيها معرف حتى اسمها
فداء طبت عليهم:نعرفك يا أستاذ شورانا
خلف:يالليل
سند تنهد و جلس على الكرسي و حط يده على خده و قال:بدينا
رَّي مسكت فداء:هـيا نروح للبنات
عبدالعزيز ناظر لهم بطرف عين:ايه روحوا للبنات احسن
رَّي بغضب: شدخلك
طنشها عبدالعزيز
فداء رفعت صوتها و هي تنادي: رَّييييي! عشان يسمعه عبدالعزيز
رَّي:وش فيس تصرخين شوفيني جنبس
سند بضحك:الله هلا رَّي تشرفنا
رَّي ضحكت:هلا فيك هههههههههه
اما عبدالعزيز الي عرف اسمها و صد بيطلع من جنبهم
خلف:حظس و الاسم المعطوب
فداء و رَّي بنفس الوقت:انت المعطوب!!
خلف:واو ما يحتاج فحص DNA
سند:اشتغل العرق ههههههههههههههههههههه
عبدالعزيز ضحك بصوت عالي مره و ضحكته الرنانه الحلوه من جنبهم و هو نازل صدمت رَّي بقوه كيف هي بذا الحلاوه من ذا الزفت و قالت:اذلففف سديت اذني
عبدالعزيز؛انتي الي اذلفي بجيحه
رَّي بغضب:نعم؟!
ثاير بحده و صوته الاجش: اقصروا الشر
طبعًا الكل خاف من ثاير الا فداء و رَّي الي قالت:مسوي بتخوفني الحين؟؟؟ ترا مو يعني اذا اعطوك اخوياك على جوك الكل بيسوي نفسهم
ثاير ما رد و دخل ما يبغا يطولها جات مرام الي كانت تراقب من بعيد و قالت بهمس:جاك الرد امشي تكفين
رَّي راحت و ناظرت لعبدالعزيز الي كان واقف على طرف الدكه  و قالت ببتسامه:و مع السلامه على أمل ما نتقابل مره ثانيه
عبدالعزيز بسخريه:انا الي شفقان على شوفتك و الي ما يحفظك
ناظرته و قالت بضحكه عاليه:ويع يشينك يالخكري
و هنا رَّي قدرت تستفز عبدالعزيز الي انصدم وكان بيهاوش بس مسكوه سند و خلف و قال:ياربيييي وش ذا الادميه!
خلف بصدمه لان عبدالعزيز نادر محد يقدر يستفزه وقال:قدرت تستفزك و لما سوالفت عنها تغيرت نظرت عيونك و لما قربت منك انحرجت لا تقول لي ما تحبها بقول لك كذاب
سند:اتفق معك بقوه
عبدالعزيز بغضب:على تبن انت وياه قال ايش قال حُب ذي لولا الي بسوق ولا كان خنقتني
ثاير:البس يحب خناقه
سند بضحك:من حبك سبك
خلف:سرت عليهم الامثال
عبدالعزيز بضحك:قبل شوي خوفتني يا ثاير حسيتك بتضربها
خلف:بدا يعترف شوي شوي خفت عليها من ثاير
عبدالعزيز شال الكرسي و هرب خلف و عبدالعزيز يلحقه بانحاء السوق و السوق كله يطقطق عليهم
•
في المركز
سعود:يلا يا بابا اختار واحد من هذي الصور
الطفل بخوف: هذي
سعود ابتسم:اوووه عندك ذوق يلا هاك بسكوت و روح العب
الطفل هرب بسرعه
سعود فك الصوره من الجدار و قلبها و قال:عندنا منال فهد سلطان الـ......حلو حلو
(كان نسيم برمجي و هكر قدر ياخذ صور لك افراد العائلة من اكبرهم ابو صالح الين اصغرهم منال حريمهم و رجالهم و هذا يعتبر عار قوي لسلطان لو انتشرت ذا الصور بديره)
سعود ضحك بصوت عالي:نشوف يا سلوط(ابو صالح)وش بتسوي بعد ما تشوف دمار عايلتك بعينك و بيوم فرحك
سعيد بضحك:ما ظنتي بيعيش ههههههههههههههههههه
نسيم: بخاطري اشوف وجهه والله
جابر:احس بيبكي
سعيد بطقطقه:ما توصل ههههههههههههه
•
و يوم جديد على الديره و أهلها
في بيت جميل و اهله اجمل بيت ابو سند🤍"الكاتبه:واضح حابتهم😭"
أم سند:يا ولد كان بس كليت الاخضر و اليابس بسسس
أبو سند ضحك:خليه خليه ياكل كانه عود ما بيجيه شيء ان شاء الله
سند و هو يغمس البيض بالجبن و ياكل و يشرب شاهي: هههههههههههههه
أم سند بضحك:كُل بالعافيه غير بيوجعك كثر الاكل
سند وقف اكل على اتصال و طلع الجوال و كان ثاير و صرخ:وللللللويلللليييي ويلااااههه نسيييتتتت
ام سند رمته بريموت التلفزيون:دقاق يدُق نحرك يالجني ويابتي خلع قلبي شبلاك
ابو سند:شفيك
سند قام ينفض ثوبه و يبوس روسهم:الشغل الشغل تاخرت
ابو سند ضحك:ترا انا راعي المحل ما بفصلك ذا المره
سند ضحك:بس ثاير بيفصل رقبتي ياجعلني فدا ذا الخدود الزينه اني داري ما بتفصلنا
ابو سند:يزينه ثاير لولا الله ثم ثاير كانكم ضيعان
سند ابتسم و سوا غترته و طلع
•
في بيت ابو صالح | الصاله
كان الكل بدون أستثناء جالسين و يسولفون و كل شيء بخير
صالح يمد فنجال القهوة لساري:اكرم
ساري نزل الدله بتعب:فاقد غيث
رَّي بطقطقه:امداك تفقده
ساري الي كان يخاف من رَّي من يوم هم بزران:ايه هذا حبيبي
رَّي الي كانت تحب عمها غيث:اما في ذي صدقت
فاطمه:الله يحفظه و ييسر امره
سراج:اسبوع و يرجع او بالاصح اربعه ايام و هو هنا ما يداوم الخميس
و شوي قاطعهم صوت غيث من جوال سلطان ولد سالم و هو يضحك:اييييييه ما تقدر قيمه الشيء الا اذا فقدته نعنبوا بليسكم متكي معكم شهر ما شفت ذا الشوق الا يوم رحت
رَّي بضحك: غير عنهم انا ادري ههههههههه
غيث الي كان و هو رَّي اخويا اكثر من عم و بنت اخوه:انتي الخير الوحيد الي شفته من فهيد
ابو رَّي:اعقبببب يالوصخ ههههههههههههه
سالم:والله رَّي و سلطان فيهم جينات منك و قويه بعد
غيث بضحكه عاليه:تربييييتتتتتي ذولا
ساري مسوي يبكي:و انا يا كلب
غيث انصدم من الكلمه و قال بضحك قهر:كلبببب اجل يا قليل الحيا ما تتكلم كذا الا من الجوال و ترا ما هي اول مره
ساري يبغا يقهره:اعلى ما في خيلك اركبه فاهم حبيبي؟
غيث انقهر:لا تخليني اطلع و اجيك والله يالخيزران ان تتعرض جنبك
ساري بتحدي:اتحداااكككك
غيث بعجز:مــااااازن تكفى يخويييي
مازن فز:ابشر بي
ساري بورطه:شيتتتتت
غيث:خل الشيت تنفعك
الكل:
هههههههههههههههههههههههههههههههههههههههههههههه
قفل غيث وهو يضحك
رَّي تشجع مازن:اييييه يا عموووو لتسقووواااا
مازن ناظرها بنظره ساخره:لا عاد تشجعين تكفين
رَّي كشت عليه:مالت عليك محد مثل غيث
و شوي الا و يلجف ساري الباب بقوه ما شافه
ابو صالح بضحك:أسللللممممم الا هي ههههههههههههه
ام صالح بخوف على ساري و ضربت رجل ابو صالح:حرام عليك
ساري طاح على الارض بعد الضربه و استوعبها بعدين قام يوم شاف مازن قرب يبغا يهج مسكه مازن:باقي بتهج بعد ذا الضربه؟؟
ساري الي كان دايخ من الضربه:هـاه و شوي نزف راسه
رَّي بصدمه بعد الضحك:الله دم والله
فاطمه فزت هي و لميا وبعدها فز الكل لما طاح ساري دايخ
نط مازن شاله و قال بصراخ:افتححح باب السياره
فز سالم يفتح
و انهارت فاطمه و لميا مع انها كانت خفيفه
رَّي قالت بتهديه للكل:معليكم ترا خفيفه
سالم بطقطقه:وش عندها الفاهمه؟؟
رَّي اشرت على راسها و ابتسمت بفخر:قصدك مجربه و اقوى منها
سالم بضحك:افااا وش صار
رَّي:تعلقت فوق الدولاب هاربه من مرام الا وينفتح باب الدولاب و اضرب حافه السرير و صحيت في المستشفى
و هذا انا عايشه ساري ضربته خفيفه
سالم ناظر مرام:الله لا يسلم بليسس يا مرام هههههههههه
مرام كانت خجوله و ابتسمت بس
اما ابو صالح الي كان خايف يصير لساري شيء و راح يحاجهم ابو ساري الي كان يدور الزله اصلا و لا ما هو طايق ساري و فاطمه ولا لميا و تاركهم عنده من وهم صغار
ابو رَّي و صالح فاهمين ذا الشيء بس هادين و مالهم الا السكوت
و بعد 20دقيقه.....
فاطمه ببكى:ابوي تكفى بشوفه بروح
ابو صالح:روحي يا ابوي انتي روحي
محمد:يا عمه اركبي انا اوديس
فاطمه لبست عبايتها:يلا يا امي
ابو رَّي:انتبه
منال بطقطقه:لا تروح عمتي ضحيه بعد
ريناد:موفق حمود
محمد ناظر اخواته الي كانو بس يطقطقون عليه:رايح اشن هجوم على المستشفى انا؟؟
رَّي ضحكت:محد رايق يضحك بس ضحكتني
و هم باقي يركبون الا و جا مازن و ما كان مع ساري و كان حاط شماغه على عيونه
الكل:وين ساري
مازن ببكى:ساري مات
الكل انصدم....
•
في بيت اول مره نزوره بيت ابو فاهد
ام فاهد:قررت اخطب لفاهد
فرح بصدمه:نعم؟؟
فاهد:وش مو مالي عينس؟
فرح ضمته:مبررروككك يالغاليييي
ابو فاهد ابتسم بسخريه:من بنجمع وجيهنا عندهم ذا المره ؟!
ام فاهد بغضب :عدل كلامك تراه ولدك افرح فيه
ابو فاهد:ودي افرح بس كيف بعد الي سواه ولدس الكل رافضينه رفض قطعي محد يبغاه
فاهد ضاق من كلام ابوه:ابوي يمكن توافق هي اول مره تجي الديره ما تدري
ابو فاهد تنهد:من هي بنته
ام فاهد ابتسمت:بنت فهد سلطان الـ
ابو فاهد بصدمه و ضحك بسخريه اكبر:تبغون نناسب فهد ولد سلطان؟؟؟!
فاهد:ايه وش فيها
ابو فاهد:اوههوووههه بدري على شواربك لكن جربوا حظكم
ام فاهد بتعالي:ليه وش يفرقون عنا؟؟!
ابو فاهد نزل فنجاله و وقف و ضحك بسخريه و تكلم وهو رايح:فرق السماء عن الارض هههههههه
ام فاهد استحقرته و كملت لفاهد كيف ان رَّي حلوه
•
و في بيت عبدالعزيز | غرفه نوم عبدالعزيز
صحى عبدالعزيز من حلم مفجع و كانت رَّي مضمونه و قال:خذلك صارت تطلع باحلامي اعوذ بالله و قام مسح على وجهه و هو يسمي و يذكر الله و قام صلى الظهر و راح لدكت الشاهي
•
في السوق | دكه الشاهي
عبدالعزيز دخل عليهم بشكله المرتب المعتاد بس كان طول اليوم سارح بحزن خلف ضاق من ضيقه و
قال مزح:عبدالعزيز وش فيك تفكر في رَّي صح
عبدالعزيز ناظره بحزن:ايه
خلف بصدمه:تحبها؟!!
عبدالعزيز تكى بزهق:يخي كل شيء عندك حُب ما صارت حاله لا ما احبها
خلف:اجل وش
عبدالعزيز بحزن:مدري حلمت فيها اليوم
خلف:طيب؟
عبدالعزيز ناظره:وش الي طيب حلم شين يمسلم
خلف تدارك الوضع:اها وش كان طيب
عبدالعزيز تنهد و قال:حلمت فيها مكتفه من رجال و صوبوها برصاصه و تركوها غارقه بدمها بحضني و كانت ميته والله خايف  صح كله حلم بس قلبي يوجعني ناغزني مو مرتاح ابد
خلف شال هم معه:وش بنسوي الحين الاحلام ترا على جناح طائر
عبدالعزيز وهو يمسح على وجهه بضيق:مدري مدري عسى الله يحفظها لاهلها
خلف قال وهو يبغا يغير جو:آمين و يحفظها للي يحبها
عبدالعزيز رماه بالمناديل
خلف بضحك:هـاه وش قلت انا قلت احفظها لعبدالعزيز؟؟
هههههههههههههه
عبدالعزيز وهو يقلد ضحكته:يارب تطيح على وجهك
ثاير دخل:السلام عليكم
الكل وعليكم السلام
عبدالعزيز و هو متكي:شعنده الحلو معصب
خلف رفع رجوله على الكرسي الثاني:متى شفناها مروق اصلا كله معصب
ثاير الي متعود على غثاهم:سند وين؟
عبدالعزيز اعتدل:مدري ما شفته ليه؟
ثاير قطب حواجبه بغضب:دقيت عليه اليوم الصبح وينه ما جاء ؟ قال بيجي وين راح
سند طب عليهم من فوق الجدار:سلللاااامممم عليكم يا جماعه و ابتداء يسلم على الشيبان الي بدكه
ابو سعد:كيف هو ابوك يا سند
سند ببتسامه عريضه:ابوي بخير
خلف الي كان يناظر سند:يخي صدق انسان خالي من الهموم طب يضحك و رايق وهو يدري انه بيندعس من ثاير بعد شوي
عبدالعزيز بقهقه خفيفه:الله يديمها بس اخاف عليه والله من ذا الروح النقيه بتطلع عرض الحين عند ثاير هههههههههههه
اقبل سند الي ما شاف ثاير الي دخل معصب منه
سند:كيفكم
عبدالعزيز:ماشي الحال و انت
خلف بضحك:على ما تحب
سند بخوف:ثاير وين؟
عبدالعزيز الي ياشر له ثاير من ورا سند"قول مو هنا":ما قد جا ليه؟
سند ارتماء براحه على الكرسي:اووففف زين المهم اذا جا قولو اني من اليوم هنا
ثاير طلع من وراه و قال:ايه معليك بنقول بنقول
سند الي انصعق و نط بيهرب بس مسكه ثاير:ايه كنت تقول انك موجود بدكه و كذا جيت ما شفتك عسى ما شر
سند بكذب واضح:رحت مكان قريب و رجعت
خلف بضحك:اجحد مهما كانت الادله قويه هههههههههههه
سند يبغا يضحك بس انه في موقف ماله وجه يضحك فيه
عبدالعزيز الي شرق بشاهي من الضحك على وجه سند يوم سمع صوت ثاير وهو يضرب الطاوله من قوه الضحك و زاد ضحكه من ذبات خلف الي ما وقفت
و مع كل ذا الضحك و الطقطقه الى ان ثاير كان صامل حرفيا ما ضحك ولا شيء سند:خلاص اخر مره لا تشدها عاد
ثاير بحزم:ما احب الكذب تاخر عادي بس لا تكذب
خلف الي وقف يتمغط:اوووه احمد ربك انك ما حلفت و انت تكذب والله ان يدفنك
ثاير اشر لخلف و هو يناظر سند:بضبط
سند:يووووه خلاص اسف
عبدالعزيز يبغا يشبها:اوووه بذا السهوله يبو ناصر
سند ناظره بحقد:انت على كثر ما غدرت فيني الا اني وثقت فيك يا كلب بغا يطيح قلبي في مصاريني يوم سمعت صوته يا وجه الله
عبدالعزيز انفجر عليهم بضحكته الي تضحك الي ما يضحك و حلوه و الكل كان يناظره و يضحك معه
ابو سعد ببتسامه:الله يديمها من ضحكه
عبدالعزيز طلع يمسح دموعه من الضحك
•
في بيت ابو صالح
فاطمه بانهيار:في ذمتتتككك
محمد:مسرع ذا الموته
منال:امداكم توصلون المستشفى؟؟
رَّي الي شافت راس ساري متخبي في المرتبه الاماميه بسياره:لا تمثيل زي الناس ولا مقلب زي الناس الله يخلف
فاطمه فهمت و اخذت عصا:نعنبوك انفلقت هنا من البكى و انت تسوي لي مقلب
ساري مجبر راسه:امي صلي على النبي
و هرب مسرع و فاطمه ما لحقته لانها كانت تعبانه
و مازن هرب و ابو صالح يلحقه بسرعه ما هي في شباب
الكل طنشوهم و بدو يركزون على اشغالهم
رَّي و فداء قررو يروحون السوق و يقابلون اسراء و اماني
دخلوا لسوق
فداء دقت رَّي و غمزت:امانه رَّي تحبين عبدالعزيز
رَّي بفهاوه:هـاه من عبدالعزيز
فداء:يمممه يالكذاب مسويه ما تعرفينه
رَّي كانت من جد ناسيه:والله مدري من تقصدين
فداء اشرت براسها على الدكه
رَّي فهمت:اهاااا الخكري قصدس
فداء بضحك:ترا من الجماعه لو ما تدرين
رَّي:امانه و لهجته شوضعها
فداء:طول عمره برياض اكيد بتكون لهجته غير
رَّي:طيب وش جايه هنا
فداء بحزن:من يوم ماتوا امه و ابوه يقول عمه انه عاف الرياض بالي فيها
رَّي انصعقت بحزن لما عرفت وحزنت:الله يرحمهم كيف ماتوا؟؟
فداء:اتوقع حادث
رَّي بحزن:الله يرحمهم يعمري حزني
فداء:امين شفي وجهه كيف فيه برائه الورعان
رَّي التفتت تدور بعيونها عبدالعزيز شافته يوزع الشاهي و يضحك و كان من جد فيه برائه غريبه
فداء مسكت يد رَّي بقوة: رَّي تحبينه
رَّي سكتت شوي و قالت :يا بنت لا اكيد بس ما بكذب لما اكون قريبه منه ما احس بانضباط و احس كذا ودي اضربه
فداء :مو من جدس يا رَّي وش الي ودي اضربه واضح منتي حول الحُب
رَّي ميلت فمها:والله مالي شغل في الحُب
فداء شافت اسراء و صارت تاشر لها
جات اسراء و اماني وسلموا على بعض
أماني ببتسامه:بنات وش فيكم تناظرون لدكه و تسولفون عسى ما طحت عينكم على احد من عيالها ههههههههههههه
رَّي بطقطقه:ايه
اسراء بضحك:الله من سعيد الحظ
فداء ضحكت و ناظرت رَّي:ايش رايكم بعبدالعزيز
أمـاني الي كانت  وسن بنت عمتها قالت بضيق:من كلام وسن انه واحد شايف نفسه مره
رَّي:وسن مين؟؟
اماني:بنت عمتي تحب عبدالعزيز مره بس هو ما يكلمها حتى ولا يعطيها وجه
فداء الي تعرف وسن و سوالفها و قله حياها بس سكتت عشان اماني و كتبت في جوالها"بعلمس سالفتها اذا رجعنا" و ورتها رَّي هزت رَّي راسها بـ"خلاص طيب"
رَّي:معرفه مره هالعبدالعزيز بس واضح اصلا انه هـطف
ولا انتبهت لعبدالعزيز الي وراها و قال:ما شاء الله ما تعرفينه و هطف بعد ولا كانك امس كنتي بتخنقيني
رَّي و اماني و فداء صرخوا بخرشه منه اما اسراء ضحكت عليهم لانها قد شافته جاي
رَّي وهي حاطه يدها ع صدرها و صرخت عليه:سبعاااه اشتلوك ويابتي الواحد ما يسلم لعنه شتبغا
عبدالعزيز الي ما فهم ولا كلمه و قال: Excuse me, but what language is this؟الترجمة"المعذره لكن اي لغه هذه؟"
رَّي بسخرية:جنوبيه تعرفها؟؟
عبدالعزيز ضحك:ايه اعرفها
اسراء:ما شاء الله تتكلمون إنجليزي كلكم
رَّي ضحكت و صد عبدالعزيز و قال لرَّي:ابي اكلمك بموضوع
رَّي اشرت على نفسها:انا؟
عبدالعزيز بطفش و تنهد:ايه انتي ممكن تعطينا شوي من وقتك ؟
رَّي بلعانه:اممممم اشوف جدول الاعمال حقي و اكلمك
عبدالعزيز الي كان متردد يقول لها اصلا راح و كنسل كل شيء
رَّي الي ما تحب ذا الحركة:ولدددد تعال وين
عبدالعزيز:خلاص هونت
رَّي لحقته:على كيفك
عبدالعزيز:ايه
رَّي مسكته من ذراعه و لفته عليها لكن عبدالعزيز انحرج مره منها و سحب يده بسرعه و قال:والله خلاص
رَّي حست انها ثقلت عليه و قالت:بكيفك اجل
رجع عبدالعزيز الدكه و خلف فهم انه ما قدر يقول لها و سند و ثاير مو فاهمين شيء
عند رَّي الي رجعت للبنات و ما قصر عبدالعزيز اعطاها هم تشيله
اسراء غمزت لرَّي: رَّيييييي شصايييرررر شدنيا فيس معه
اماني بصدمه من العلاقه الغريبه و الميانه بينهم الي ما قدرت وسن توصل لها برغم محاولاتها من ثلاث سنوات
و قالت بعفويه:وسن طول ثلاث سنوات و بجمالها و برقتها ما قدرت تكسبه لكن رَّي قدرت ههههههههه
فداء تدور حرش:لانها ما سوت قله الحيا الي سوتها وسن
اماني بغضب:نـعم؟ وش سوت وسن حبت و حاولت تكسب الي تحبه
فداء:اذا تحبه تكسبه بطهاره بعفه بشرف فهمتي؟
رَّي:خلاص هدوا و ترا ما بينا شيء اذا تبغاه وسن فهو حلالها كله ما احبه ولا شيء معرفه اصلا
اسراء الي حبت اسلوب رَّي:من جد اماني انتي و فداء شوضعكم
اماني:اسفه خربت جوكم و اسفه لس يافداء
فداء:خلاص مو مشكلة
و بكذا تفرقوا البنات
•
•
•
أنـــتــهــى⌛️
__________________
{أستغفرُ اللهَ العظيمَ}
{سُبْحَانَ اللهِ الْعَظِيمِ وَبِحَمْدِهِ}
{لَا إِلَهَ إِلَّا اللَّه}
——————————
اليوم:الخميس
التاريخ:6/1/2022
الساعه:PM 2:24
——————————
الكاتبة : ريناد [انـستـا: rxiina_90]
__________________