جمـعـنـا قدر لكـن علـى وش نقــدر ؟

البارت الواحد و العشرين

" البارت الواحد و العشرين "
•

•
في أبها
بيت ابو رَّي
رَّي الي مخذها التفكير بعبدالعزيز
مرام مدت لها كوب شاهي
رَّي بستغراب : ما نمتي ؟
مرام بتفكير : يبنت شايله هم اختبار بكره
رَّي ضحكت : حياه العاطلين حلوه !
مرام رمتها بالمخده : غبيه سحبتي على تسجيل الجامعات
رَّي : بخذ راحه السنه ذي و السنه الجايه بسجل
مرام الي كانت مركزه على مستقبلها و حياته اكثر من رَّي الي كانت متساهله بذي الاشياء
مرام : غباء غباء
رَّي فتحت جوالها و قعدت تقلب في سنابتها بديره
رَّي بحزن : اشتقت لفدوش
مرام ضحكت : فدوش ولا ابو العز ؟
رَّي بصدمه ضحكت : من ابو العز ؟
مرام : رَّي ! لا عاد تستهبلين ترا حتى جدي يعرف انس تحبينه هيا على تراب !!
رَّي ابتسمت : اجل يلا دامس تعرفين وش راييس بذوقي ؟
مرام ببرود : خايس !
رَّي رمتها بمخده : كلي تراب
مرام سكتت و ناظرتها
رَّي : يمه النظره وشش
مرام ابتسمت : الصراحههه ذويقه والله الولد كرزما و شكل كلها رغم الاجواء المحيطه الا انه ما تغير
رَّي : اوففف يا مرام يا انه صارت بينا مواقف
مرام زعلت : والله انس رافعه ضغطي تقولين كل شيء لفداء و مهمشتني وجع
رَّي ضحكت : والله فدوش تنشب انتي تسحبين علي و تعطيني وضعيه الي بعلم امي بس اصبري
ام رَّي دخلت : وش تعلموني فيه
رَّي الي طحتت بخرشه
مرام شهقت : امي !
ام رَّي جلست بستلعان : ايه اسمعكم علموني
•
بيت ابو عبدالله
ماجد : السالفه بما فيها الديره ما عادهي امنه ابدًا !
مازن ناظر ماجد : ماجد انت في نحرك هرجه ثانيه غير ذا الكلام غير تاحاك ما احد بيدري
ماجد ضحك : واضح بزياده؟
مازن : اعرفك
ماجد شرب شاهي : هذا و انت مازن اجل لو انه سراج ههههههههههههه
مازن : سراج بيطلع الهرجه من نحرك ههههههههههههههه
دق جوال ماجد : الذيب عند طاريه
مازن : سراج ؟
ماجد رد : هلا سروج
سراج : افتح الباب اقول ذبحني البرد
ماجد نط : يلا يلا
راح ماجد فتح لسراج و دخلوا
سراج : اوووه مازن و ساري هنا
ساري : امي احرقت الجوال
سراج : هات هات !
مازن : اها و انا اقول وشبه معد هرج له ساعه
ماجد ضحك : قامط العافيه
سراج رجع الجوال لساري : خلاص تقول دامه معك عادي
ماجد بتفكير : من باقي ؟
مازن : كيف من باقي !؟
ماجد : الفريق ناقص باقي سيف و سليمان
سراج : مشعل و غيث ؟
ماجد : متى بيجون ؟
مازن : بكره بيجون
ماجد الي ابتسم بطريقه مشبوهه
مازن انتبه له : انت معك علم لكن نقول بسم لله
دق الجرس
اسراء الي جالسه بغرفتها هي و غند
اسراء بستغراب : ايش قوم عيال الديره سرو علينا ذليل
غند : ماجد مو على بعضه من فترة يختي!
اسراء نطت تطل من الشباك : على اساس انه مجمعهم يرفه عن نفسه ، معه مصيب زوجس ذا و سلامتس
غند نطت معها بشباك : وش عرفك انتي ؟
اسراء رجعت : اوف سليمان و سيف والله الاحداث كبيره
، ايه تقولين وش عرفني؟
غند : ايه ؟
اسراء : اخته من 19 سنه و قريب بكمل 20 سنه
و بعدين لما يكون معه مصيبه يروح المركز كثير و لا تشوفين الا هوفته في البيت (هوفته=ظله)
غند بتفكير : تصدقين حتى ما ياكل و حالته حاله
اسراء و هي تطلع صندوق من تحت الكرسي : لا بنسبه للاكل من زمان كذا
غند بحزن : وجع تعرفين كل شي!
اسراء ناظرتها : غند ترا بصكس بذا الكتاب
غند ضحكت: ابغا اعرف حتنا !
اسراء: يعني غنود سهله اساليه و سوالفي معه
غند : والله اساله و اسولف ما يقول شيء اسحب الكلام من فمه تسحيب
اسراء : شوفي هو ااصدق ما ينفع معه السوالف و تسحيب الكلام لانه لو تتنكسين ما بيتكلم
غند انسدحت بتعب : اوووفففف يخي
......
في المجلس
ماجد وقف فوق المركى : همممم
سليمان وهو ياخذ الفنجال من ساري : ماجد خلاص اكتملنا تكلم
سيف : عظامي توجعني
ساري سحب سيف : انسدح على المركى مطول ذا
سيف : والله يا حبه للمماطله و التكبير المواضيع
سليمان : باقي احد ولا لا اخلص
ماجد ضحك : لا باقي ناقص الفريق
مازن بطفش : من باقي معد الا شيبانا في البيوت
ماجد وهو يناظر جواله : وصلوا
سراج بستغراب : ها من هم
راح ماجد و فتح الباب لباقي اعضاء الفريق.......
سليمان : من ذا الباقي
مازن : شكلهم راجي و شلته
سيف : علاجي في البيت
سراج بطفش : هيا خذلك و ذا قلب شايب
ساري : ههههههههههههههههههههههههههههههه
مازن : ما شاء الله يا ساري كن خاطرك زان ذلحين ؟
ساري : ايه شعندك ؟
مازن بخبث ضرب رجله : ولا شيء استمتع لكن دور لك عذر اول ما ندخل على ابوي بعد شوي
ساري رجع ضاق خاطره : حسبي الله ونعم الوكيل يبعص بس
سراج : معليكم بقول معي
مازن ناظره : لا تسوي فيها بيقول وانت بعد شمقعدك لذا الحزه
•
مقر المنظمه
عبدالكريم الي انهد حيله من الشغل على اخفاء ادنى دليل يخص الضحايا الثلاث
النائب ببتسامه خبيثه : ما قصرت والله كل شيء في مكانه الصحيح
عبدالكريم تنهد بضيق : انقلع مني والله مو فاضي لك
النائب : احم بعيد عن انك صاير فظ و قليل ادب بزياده وش فيك
عبدالكريم ناظره بستخفاف : انت تدري اني اقدر اطردك الحين زي الكلب ؟
النائب الي كان ابرد من الثلج :هدي هدي بروح الحين حاول تهدا
عبدالكريم الي منحاس من نظرات عيون اسراء الي بقت في باله من ذاك الوقت و قرر يقول لماجد كل شيء و ينكبهم كلهم و كل خططهم
عبدالكريم فتح جواله
•
بيت ابو عبدالله
عند العيال الي جالسين بتعب من ماجد
ماجد دخل و قفل الباب : جاهزين تشوفون باقي الفريق ؟
سليمان : ماجد والله انه بذا الفنجال !!
غيث دخل : هديها يا سلموني
مازن و ساري : غيييثث !
غيث : ايييه
و جا وراه مشعل
عبدالعزيز دف غيث و دخل : السلام عليكم
الكل انصدم وشلون جاو كلهم دفعه وحده
سند الي مو واسعته الارض رجع لديره : وش رايكم في السبرايييززز !!!
سيف نط : علي الحرام انها اطلق سبرايز
سند الي حضن سيف : جيناكم جيناكم
ثاير : مالنا غنا عنكم و خاصه بذا الوقت
سليمان : وشلون جبتهم انت !
عبدالعزيز : كانك ما تبغان يا اسود الوجه
ماجد صفق : انحشر المجلس خلونا نطلع المشب ابوي بينتف راسي
سراج قام و اخذ الثلاجات و الفناجيل : مشينا
و توجه الكل للمشب
مشعل : يعيال فيه صوت !
غيث و خلف ركضوا للبوابه ما كان فيه احد
خلف : ما فيه احد !
غيث : شسالفه يولد !
ماجد : ادخلوا بسرعه الحين
دخلوا وراح ماجد يطلع شناط كبيره و دخلها للمشب
سليمان : بسم الله وش ذا !
ماجد قفل الباب و تكلم بجديه : يا عيال الوضع اننا راح نحمي الديره ! بمساعده الامن اكيد كلكم سجلتكم منسوبي للامن العام يعني لكم الاحقيه بطلاق النار دفاع عن الاعراض و غيرها هذا اول ثاني الاحداث الي صارت و قلتها لكم تراها مو صدفه ولا شيء تراها مخطط لها كلها كل جريمه صارت مخطط لها و قتل عن عمد لكن للاسف المجرم او بالاصح المجرمين سابقينا بخطوه ابغا فزعتكم يا عيال عمي والله اني شاد ظهري فيكم
سند و غيث و خلف : ابشررر بعزكك
ثاير : معك يا ماجد
مازن : نعيد و نكرر يا ماجد ، دندن و غن
سيف : ابشر بنا
ساري : معك ما نقول لا
سليمان : انت امر و احنا ننفذ
مشعل : ماجد بدون ما تقول اكيد اننا معك و احتزم والله
سراج وهو يضحك و يشرب شاهي : يعني اتفق مع ميشو
بدون ما تتكلم
مشعل ناظر سراج بقرف : ميشو ! يععع
عبدالعزيز ضحك : ماجد ترا يعرف اننا بنوافق والله ما غره لكن يجربنا ، خذ ذي مني والله لو انك مودينا على درب الموت و احنا نعرف اننا معك يبو زايد
—نص خارج الروايه——
غيث : الكاتبه خلت اجمل مقطع لبطل الروايه سبعااه كنت بكون افخم لو انه انا
عبدالعزيز ضحك : انت قلتها بطل الروايه
ماجد بطفش : يا كاتبه رجعينا الروايه لو سمحتي
الكاتبه : اوكييي
—انتهى———
الكل صاح و رموا غترهم على عبدالعزيز الي هرب عند الباب بضحك
ماجد بصراخ : ايييييههه يبو نايف اييييه
مشعل و هو يخذ غترته : الشناط ذي وش
ماجد : بما اني شرحت لكم كل شيء هذي اسلحه كل واحد بيخذ سلاحين
مازن ناظر ساري : و الي ما يعرفون يستخدمونها ؟
ماجد و هو يوزعها : يحاولون مافيه وقت !
و بعد كم دقيقه اندق باب المشب
ماجد اشر لهم يسكتون و قرب و هو يسمع خبط خطواته على الارض
فتح ماجد و ركض وراه لكن ما فيه احد و الشارع كامل فاضي
مشعل حصل ورقه على الباب : ماجد لك
اخذها ماجد و كان مكتوب فيها ورا اسمه
ماجد تنهد : بقرا لكم المكتوب
الكل وافق و جلسوا يسمعون
المكتوب :
كيفك يا ماجد ؟ حاب اقول لك اسماء البنات المستهدفات من ديرتكم :  غند ، خوله ، رَّي ، اسراء ، فداء ، اماني ، نوايهم عليهم ما هي زينه تقدر تعتبرني جاسوس لك وسط هذي المنظمه و حل اللغز الي قبل ترا الوقت يمشي
{ انا معك ماني ضدك }
عبدالعزيز ناظر خلف الي توتر و خاف اخته و حبيبه قلبه مستهدفين عبدالعزيز سكت بعجز جاو على نقطه ضعفه رَّي...
سراج الي كان الوحيد الهادي فيهم رغم ان زوجته و بنات اخوانه ضمن الاسامي المذكوره
غيث بغضب : يعني بيضرونا في اعراضنا ؟
ماجد بهدوء غريب : اسمعوني زين
الكل التفت لماجد اما سراج الي يعرف وضعيه ماجد ذي زين
ماجد : كل المذكورات هنا بنخذهم و نجمعهم في بيت واحد و نتناوب على حراستهم !
عبدالعزيز ناظر ماجد : السؤال الاول كيف تقنع فهد و صالح تخذ بناتهم ؟
ماجد : هذي عند مازن و غيث و سراج
مازن : عندي بس وش ذا الخطه الغريبه ؟
غيث : لا اشوفها حلوه و زينه بدال مو كل وحده في مكان نجمعهم و ننتبه لهم من قريب
عبدالعزيز : طيب السؤال الثاني اماني مع اختي في الرياض وشلون نجيبها ؟
العيال كلهم ناظرو عبدالعزيز بصدمه
خلف و سند ضربوا روسهم نكبهم عبدالعزيز
ثاير : خفنا من سند ينكبنا لكن طلعت اخس منه
عبدالعزيز الي ما ادرك العيد الي جابه : وش فيكم
ماجد ابتسم بفهم : اهاااا طلعت انت الي مهربها !
عبدالعزيز استوعب و ابتسم بورطه : اااااا- الموضوع... قاطعه سند : نشرح لكم بعدين ما هو لحاله كلنا الاربعه و ابوي و امي و اخت عبدالعزيز و ناس كثير ساهمت في ذا الشيء
ماجد صفق بدهشه : ما شاء الله القبيله كلها مشاركه !
مازن ضحك : راعين فزعات يا رجال تعزوا و ابشر بهم
سراج الي باقي يستوعب : لحظه كيف كذا اصلا !؟
غيث ضرب كتفه : على اساس ما تعرف ايش السالفه
سراج : الا اتذكر ابوي و رَّي قامت بينهم القيامه ذاك اليوم لكن فيه اساله كثير ما لحقت اسال ريونه عنها
عبدالعزيز الي ابتسم تلقائي من سمع طاريها
خلف همس له : عزوز عمانها ثلاثه هنا و مازن لوحده كانه عمود ما ابغا ارجع البيت مصفق يُفضل انك ما توضحها اكثر
غيث شافهم : خلف وش فيك !؟
خلف و عبدالعزيز الي انخرشوا
خلف بتلعثم : لـ-لا لا ولا شيء اعلمه ان بارد الجو و يده يمكن توجعه
عبدالعزيز يهز راسه بتسليك : ايه ايه
غيث : اما باقي توجعك
ماجد ناظر غيث : ترا رصاصه مو شوكه يبو
غيث : صح
ماجد : تدري انه ما يقدر يتوظف في العسكريه بسبب الرصاصه ذي !
عبدالعزيز ناظر ماجد : من قال بتوظف في العسكريه
ماجد : مثال مثال
سراج مسك كتف عبدالعزيز : اصلا وجهك مو وجه عسكريه ههههههههههههههه
غيث ضحك : والله صدق هههههههههههههه
عبدالعزيز سكت وهو معصب و همس لخلف : عشانهم عمان رَّي بسكت
خلف ابتسم بتسليك و همس له : اسكت بكل الاحوال
سليمان : ما شاء الله دخلتوا بسبعين موضوع
ماجد : انت تشوف هههههههههه
مشعل : يلا انا بروح باقي وراي جدار بنط من فوقه و باقي وراي بوابه افتحها و ليلي ساري
غيث ضحك : الله يعينك هههههههههه
ماجد : بكره بروح ادور مكان نجمع فيه البنات  ! اشرحوا الاوضاع لاهاليهم خاصه الصغار منهم
سراج : خوله و فداء و رَّي عندي !
ماجد : و اسراء و غند عندي
عبدالعزيز : و اماني بشرح الوضع لعمتي و بترسلها
سليمان : يعني كذا انتهينا
ساري : ايه مشينا
ماجد : الله يستر عليكم
و بكذا تفرقوا العيال و اقدموا على خطه تجميع البنات و لكن وش ينتظرهم و وش بيصير لديرتهم ؟
•
{ اليوم الثاني }
•
بيت ابو رَّي
الي كانوا على الفطور و دق الجرس
ابو رَّي : محمد افتح
محمد راح يفتح : ارحبببوا
ابو رَّي الي قام : يالله حيهم وش ذا الزياره ؟
غيث : عسى مو عاجبك
مازن : شكله
ابو رَّي ضحك : لا والله الي مرحبا
دخلوا و جابت مرام القهوه و الشاهي و سلمت على عمانها و جلست
سراج نزل فنجاله : فهد ودنا تزهم رَّي الموضوع يخصها !
مرام اسنغربت : رَّي ؟
محمد : شكلها سوت مصيبه جديده
ابو رَّي : عسى ما شر وش
مازن : نادها و نعلمكم دفعه وحده
جات رَّي : اووووه والله الثلاثي موجودين و مسوين نداء خاص بعد وش السالفه
ابو رَّي بتوتر : ايه وش السالفه !؟
سراج شرح لهم كل شيء بتفصيل بسالفه الديره بخطه ماجد و بتهديد و ان رَّي من المستهدفين و كل كلمه
ابو رَّي بصدمه : الحين وش سوت رَّي عشان يختارونها !؟
مازن : على حسب تحليل عبدالعزيز فأنه عشان يلحقون الضرر فينا
رَّي فزت لطاري عبدالعزيز
و قالت بدون وعي منها  : عبدالعزيز هنا ؟
سراج ناظرها : ايه جا البارحه هو العيال
غيث : ماجد فجعنا خلينا كل شيء و جينا طيارن لديره
مازن الي شك بسؤال رَّي عن عبدالعزيز : وش تسالين له انتي ؟
مرام الي تبلع ريقها بتوتر
اما رَّي الي رقعتها : اسال كذا سمعت انهم راحوا لرياض
مازن : اها
سراج : طيب يا فهد موافق بناخذها لمكان باقي البنات
ابو رَّي : موافق انا لكن امها
محمد جا : امي موافقه لكن تقول لمتى ؟
غيث : قول الين الله يفرجها
مازن و سراج ناظروا غيث
غيث : امزح
مازن : لا عاد تمزح بالله
سراج : والله العظيم وش حن فيه وش انت فيه ، المهم قول فترة قصيره مره !
مرام همست لرَّي : حظس بتقابلين عبدالعزيز !
رَّي بتفكير : اقول الموضوع يخوف
مرام مسحت على كتفها : فداء معس و خوله و اسراء و اماني اهدي انتي و اسمعي وش يقولون و انتبهي
•
عند نقطت التجمع الي حددها ماجد
وصل ماجد الي معه غند و اسراء و انتظروا البقيه في السياره
اسراء الي جالسه في الوسط : ماجد يعني حتى السيارات ما عندك ذوق !
ماجد بصداع : يعني وقته تقيمين ذوقي ؟
غند : اسراء مو خايفه ؟
اسراء حضنت ذراع ماجد : كيف اخاف و مجودي معي ؟
غند الي خايفه و مالها خلق اسراء : عاد الله و المجودي
ماجد ضحك : غند وسعي خاطرس الامور طيبه ما بيصير لكم شيء و الامن قوي اصلا يعني ارتاحوا
غند ابتسمت لماجد
اسراء : يالليل يالخوافه خوله موجوده اهجدي
غند : اوفف ماجد انت ما بتقعد معنا ؟
ماجد بجلطه من غباء غند : اقعد معس فين ؟
غند : تعال
ماجد نزل و نزلوا غند و اسراء
ماجد أعطى اسراء مفتاح البيت : هاس ادخلي و شوفي البيت
اسراء الي فهمت انه يصرفها : اوكي
راحت اسراء
ماجد راح لغند الي كانت خايفه : ايه هذا انا جيتس ؟
غند ناظرته : ماجد وش بيصير لنا ؟
ماجد مسك يدينها : ما بيصير لس شيء و انا معس ان شاء الله
غند ابتسمت : ان شاء الله
و بعدها بثواني وصلت سيارة سراج الي كانوا فيها رَّي و فداء و غيث و نزلوا لماجد و البنات دخلوا مع غند
وكان وراهم مازن في شاص
نزل مازن و اخذ فروته و جواها سلاحه و شماغه على كتفه و طاقيته و عقاله على راسه و كان منفس حيل
ماجد شافه : لا إله الا الله هذا لو تشعل فيه انفجر
سراج ضحك : ذا عبي مازن
غيث : تلومونه وصلت السالفه للبنات و هو مو عاجبته خطه تجميعهم
ماجد : اهـا طلع كذا الوضع مو عاجبه
غيث : معليك منه
مازن جا : السلام عليكم
الكل : وعليكم السلام
ماجد ضرب كتفه : كيف حالك ؟
مازن ناظر ماجد بطرف عين : بخير ، انت ؟
ماجد : نحمد الله
غيث و سراج ناظروا بعض
•
بيت ابو صالح
ام صالح الي جالسه بعد ما شرح لها مازن كل شيء و قال لها تخفي عن ابو صالح
ابو صالح ناظرها : الا مازن وينه ؟
ام صالح بتوتر : راح لماجد
ابو صالح بغضب : ماجد ذا مهو طيب مغير مخذ. عوالي كلهم معه في كل مصيبه ولا حتى يحاكي اخوه ولا ابوه مغير عوالي
ام صالح بصدمه من كلامه و بصوت عالي : وشذا الكلام !!
ابو صالح بستغراب من رفعه صوتها : اقصري صوتس يا مرآه !
ام صالح بغضب : ماجد ولدنا و واحد من عوالي ما ارضى عليه ذا الكلام و مازن و سراج و غيث اخوانه ! ماجد رجال ينضرب فيه المثل ! والله ان عاد سمعت ذا الكلام منك والله العظيم ان تزعل عاني اعلمك يبو صالح و هذا علم وصلك
ابو صالح بخرشه منها : سمي لكن وش قومس اشتطيتي كذه !؟
ام صالح قامت بزعل : معدني بكلمك
ابو صالح بحده : بموت على حكاس انا
ام صالح بسخريه : ياما رقدت على باب بيت ابوي عشان اسامحك والحين بتموت على حكاي توكل بس
ابو صالح : ايييه ولت ذيك الايام !
ام صالح اخذت القهوة و راحت
ابو صالح بصدمه : مُهررره هاتي القهوة !
ام صالح صفقت الباب : مافييه !
ابو صالح بستغراب : هذي وش بلاها ماجد اغلى عندها مني ؟!
•
بيت البنات
عند العيال برا
الي كانو واقفين يشيكون على الموقع انه بعيد عن اي خطر
مازن : حلو انك حطيتهم قريب من المركز !
ماجد الي يملي سلاحه رصاص : ايه هذي الخطه
سراج ناظر غيث : غيث
غيث : هاه
سراج : الجو بارد صح ؟
غيث بستغراب : ايه وش ذا السؤال
ماجد حس بحركه غريبه : عيال اصصص !
سراج اشر لهم يخبون الاسلحه : ايه و كيف حال شيبانكم والله اعز من جانا
ماجد فهم قصد سراج ان يسوون طبيعي : ايه الحمدلله
مازن : امشوا ندخل من البرد
غيث : ايه هيا
و بعد كم دقيقه وصل عبدالعزيز بعد ما استقبل عمته و اماني في المطار و اخذهم....
.......
عند البنات
بدوا يسلمون على بعض و مستانسين بجمعتهم و ماهم حول الي قاعد يصير
خوله الي دخلت بصحن حلى و وراها اسراء بقهوه و شاهي و غند بصحون فطاير و السوالف و الضحك
رَّي ببتسامه : باقي اماني بس
فداء : وربي اني مشتاقه لها
اسراء الي مره فاقده اماني مر فترة من تقابلوا
غند فتحت الشباك : بنات فيه سياره جات
خوله وهي تاكل : وش هي السيارة ؟
غند : جيب
اسراء طلت من الشباك وهي تاكل : اوه لكزس عبدالعزيز
غند : يخي بزر ليش معطينه ذا السيارة
خوله وهي تاكل : عمره 21وش بزر
غند : بس يعتبر صغير من وين جابها ؟
خوله ابتسمت : انتي الصغيره والله ابوه المتوفي تاجر البر و البحر و تارك له ورث 22 مليون من غير الشركات و الاراضي و السيارات و عنده خيل قيمته مليون !
غند بصدمه : كللل هذاا !!
خوله ضحكت : شفتي الله يرزقنا ، بس انه كيوت مو متكبر على ذا كله
غند : ما شاء الله الله يزيده و يرزقنا ، ابوه متوفي ؟ يعمري
رَّي بحزن : ابوه و امه توفوا بحادث قبل اربع سنوات
غند تأثرت : يا عمرييي كلهم ! الله يرحمهم يارب
اسراء : بنات معه حريم عبدالعزيز !!
رَّي : اكيد انهم لياء و اماني !
فداء اخذت عبايتها : بنزل استقبلها
غند : بيذبحكم ماجد
رَّي : و مازن من وراه
خوله اخذت عبايتها : تعالوا معي ابن ابوه يدرج حرف تبغون تستقبلون صديقتكم مطولين منها صح ولا ؟
رَّي ضحكت : صحح
خوله : امشوا كلنا نستقبلها !
و اخذوا كلهم عبايتهم و توجهوا للباب
......
عند العيال
مازن الي شاف البنات طالعين و صاح : هييييه ! وش طلعهم ذولا !!
ماجد بصدمه : غننددد ارجعوا
غيث ابتسم بخُبث : غند اجل هههههههههه
ماجد رجع لغيث بيصفقه
عبدالعزيز بصدمه من الي قاعد يصير : يا عيال رجعوهم وش مطلعهم هذولا
غيث : هوا انا لو اعرف هقولك ياباشا
عبدالعزيز : عمه كلميهم يدخلو...
و انقطع حس عبدالعزيز من التقت عيونه بعيون رَّي
و قعدوا الاثنين يناظرون بعض بشبح ابتسامه
عبدالعزيز قال في نفسه :
" لـيـت القاء حان في وقت احسن من ذا الاوقات
ياما تمنيت شوفك و دايمًا التمس لشوق الاعـذار
لكن قالوا ان ما لوصل المـحبين مـكانً و مـيقات
راضي في لقاك و شوفك و بنهاية هي احكام و اقدار "
[ الكاتبة / اولًا عبدالعزيز مو شاعر لكن يقول ابيات حافظها ثانيًا انا الي كاتبه الشعر و انا الشاعره مدلعتكم روايات و اشعار 💗😭💗😭 ]
و فجاءه داهمهم صوت رمي رصاص في الجو و كان المقصد انهم عرفوا وين يخبون البنات
مازن بصدمه : لووو مره ابهرني يا ماجد لو مره
ماجد الي طلع سلاحه : ياااخي كل تبننن وش دراني انهم بيعرفون المكان
اما غيث و باقي العيال دخلوا البنات وحاوطو البيت
•
•
•
أنـــتــهــى⌛️
__________________
{أستغفرُ اللهَ العظيمَ}
{سُبْحَانَ اللهِ الْعَظِيمِ وَبِحَمْدِهِ}
{لَا إِلَهَ إِلَّا اللَّه}
——————————
اليوم: الاثنين
التاريخ: 14/5/2023
الساعه: 4:30 AM
————————-
الكاتبة:ريناد[انـستـا:rxiina_90]