جمـعـنـا قدر لكـن علـى وش نقــدر ؟

البارت الرابع

•

•
في بيت خال اماني | المطبخ
اماني كانت تساعد ام احمد بالبيت ام احمد تخصرت:اماني فكي الي بيدس و تعالي المجلس عند خالس يبغاس
أماني هزت راسها بعمنى(طيب)
جات اماني
ابو احمد:تعالي صبي القهوة
أماني بغضب قالت في نفسها"الله يخذك يارب حاطيني امانه عندك ولا خدامه"
اماني صبت لهم
و قال ابو احمد بدون مقدمات:خطب عندنا فراس ولد الشيخ و بزوجس
اماني طيحت الثلاجه"ترمس" و انصدمت صدمه قويه و طاحت من يدها الثلاجه و صرخت:نننننننننعم!!!!
ام احمد بغضب على الثلاجه:كسر يكسر يدس يالمتخلفه
ابو احمد بغضب:اقصررري صوتس يا بنت ولا والله و اني لدفنس هنا حيه هـو أنتي سمعتي
أماني بضحكه ساخره و دموع متجمعه بعيونه:ايه لازم اسكت و لا بموت لان ما وراي اهل ولا وراي احد لكن والله ما اسكت عنك و ان تشوف وهربت بتطلع من الباب و تصيح و تستنجد باهل الديره بس كانوا متوقعين و مسكاها احمد عند الباب و رجعها و قفلوا عليها الباب و سحبوا كل اجهزتها و أماني انهارت بشكل يخوف
•
في بيت ابو صالح | السطح
عند رَّي الي كانت تتسدح و تتبطح و تنتظر فداء الي ارسلت ساري للبقاله يجيب لهم اغراض السهره على سالفه وسن
ساري من ورا الباب:هـاك هذي الاغراض كامله و هذا الباقي الله و اعلم من صيدتكم الليله
فداء ضحكت:هـات هـات بس
ساري:الناس تقول شكرًا
فداء دفت عليه الباب:اقول لا يشوفنا احد ذبحنا اذلف
ساري:قله حيا
و طلعت فداء ركض لسطح الي جهزوا جلستهم فيه و لقت رَّي مجهزه كل شيء و على طول قفلت باب السطح و جلسوا
رَّي بحماس:ايييي وش السالفه
فداء تكت و هي تشرب قهوة:وسن هذي بنت ابو فلاح لا حسيب ولا رقيب ضايعه حرفيا عمرها 19
رَّي:أستغفر الله الله لا يبلانا
فداء:من اول هـي تحب عبدالعزيز من يوم كان يتردد لديره و تنتظر جيته من الرياض دايم
رَّي:يايييي كيوووتتت
فداء نزلت كوب القهوة:اقول ما فيه شيء كيوتت الا حماره
رَّي:ايه كملي طيب
فداء:المهم انها تتكشخ له و تتضبط مره يعني حتى تروح له بدون نقاب ما تستحي صدق
رَّي: اعوذ بالله يالرخص الي فيها
فداء:شفتي المهم عبدالعزيز ما اعطاها فرصه وربي ولا وجه و يطنشها تخيلي وقحه ناشبه له الين الحين الولد رفضها رفض قطعي ذي صامله صدق الين جا يوم صرخ عليها تبعد عنه و انهارت بكى و طلعوها العيال الباقين لان عبدالعزيز عصب مره منها
رَّي بصدمه:يمه وش ذا خلاص اسكتي تكفين عبدالعزيز بعد يخرش وش ذا
فداء:معه حققققق معليش
رَّي ناظرت بطرف عين:الا وش مصدر اخبارس انتي؟
فداء بورطه:ااااا-
رَّي:ايييه؟؟انطقي
فداء خفضت صوتها:خلف
رَّي بغمزه و ابتسامة:اهـااا
فداء:مصدر قوي
رَّي:ايش معس مع ذا الخلف قولي قولي
فداء الي كانت علاقتها بخلف تبادل اخبار و مشاكل بس
و قالت:والله بس كذا اسحب منه علوم بما اني متزاعله مع اخباريه الديره
رَّي صدعت:من هي زاد ذا الاخباريه
فداء:وجن اخت وسن الصغيرة
رَّي:كم عمرها؟
فداء:18 زينا
رَّي:وش وضعها ذا العايله
فداء:مادريت
رَّي:شنسوي الحين
فداء:ننادي مرام؟
رَّي:تلقينها نايمه
فداء:لا لا شفتها قبل شوي منسدحه تسولف مع عمتي فاطمه
رَّي نزلت تناديها و جاتهم مرام و قعدت تهاوشهم ليه ما عزموها على الجلسه من قبل
•
في بيت اول مره نزوره بيت عائلة اسراء او بيت ابو عبدالله