🍒المفروحة ومول الحانوت 🍒( مكتملة)

part41

‏‎~المفروحة و مول الحانوت ~
‏‎بقلم : رجاء جاكار
ج 41
صباح جديد داخل ب أشعته الشمسية .. فاق مخسر كيف العادة توجه لحمام قضا روتينه الصباحي توجه لماريو جبد قميجة و سروال لبس عليه .. قاد شعره بيديه دار نضاضره وخرج هابط ف إتجاه الصالون .. لقا غا علي كيفطر بقهوة صباحية ..توجه ليه باس ليه رأسه
عهد الدين : صباح الخير ..كيف صبحتي ؟
علي : بيخير وعلى خير اجي تشرب لقهوة
جلس جنبه كيشرب القهوة .. وخرجوا ف إتجاه السوق ..و الشمس حارة
أما عند فرح لي نضمات وقتها .. فاقت بكري لدوش وخرجات قداته ب البلاك .. ومشات من جديد كتصبغ ضفارها وهاد لمرة ب الغوز بيبي ..
وهزات الأيفون كتسنابي بيه ..
جمعات بيتها هو الأول عاد خرجات عندهم كانو كيفطروا تبسمات ليهم وجلسات كتفطر ..جنبهم
فرح : صباح الخير ،كتفطروا بلا بيا هادي هي ديالكم ..
حسن : بغينا نخليوهم ناعسة شوية
فرح : ههههه ياك
هشام :خاصاك شي حاجة ؟
فرح : هاد ساعة براكة عليا غا داكشي لي جيتي ليااا
بشرى : هاكاك كوني قنوعة ..
وهاكذا داز عندهم النهاار ..فرح غير مقابلة راسهاا وجميع مع مهاا أما فدار سي علي ريحة ديال الطياب كتشم من برا الدار ..
كوثر : صافي أمااما سيري ترتاحي انا نكمل هاد لبسطيلة ..
مريم : يرضي عليك أبنتي ها أنا مشيت و إلى دخل عهد قولي ليه يحط الحولي ف الفران باش كيف نقربوا نحطوه غير نسخنوه ..
كوثر بإبتسامة : غير كوني هانية طلعي قادي راسك انا دابا و انا ساليت ..
مريم : واخا .. ها العشاء كتوذن جبدي داك الفاكية حطيها ولبسطيلة بانت ليا طابت واقيلة ؟
كوثر : داكشي لي بان ليا حتى انا تحمرات ..
طفات على البسطيلة وقادات الفاكية ف الطباسل كيف قالت ليها مريم حتى دخل عليها عهد هاز صينية فيديه فتحات ليه لفران حطو فيه ودار عندها مبتاسم ..
عهد الدين : عيتي ؟
كوثر : بزااف ، غير صابرة وصافي
خربق ليها شعرها بيديه وتبسم ليهاا
عهد الدين : ولفتي العگز و الفشوش لهيه ها المعقول هههه
كوثر : حشومة عليك هههه
حتى سمعوا دقان ف الباب ..
كوثر : انا نمشي نبدل عليا هاد لحالة سير فتح لباب غيكونوا بداو يجيوا
عهد الدين : واخا ..تمشا بخطوات موزونة جهة الباب الكتاف عراض و المشية روجولية ب إمتياز ..فتح الباب وتبسم كيشوف فيهم فرد ب فرد حتى إستقر نضره على جهة وحدة !!