🍒المفروحة ومول الحانوت 🍒( مكتملة)

part130

فرح : ولاااش مقلتيش ليهاا مزوووج ولا مزال عاجبك الزهووو ؟
قلب وجهو كيزفر و يستغفر لله مباغيش يكثر معاهاا ..
عهد الدين بهدوء : قولي ليا دابا فين المشكل الخاتم حطيتوا منين كنت كندوش ونسيتوا لاش هاد الغوات كامل على والو ؟
فرح : ومكتقول والو حتى وصلني الفيديو غير من بنات الحومة شوفي راجلك فينه ؟
عهد الدين : فرح نوضي مافيا لي يتصادع معاك على الصباح ..
فرح : ياك دابا وليت أنا لي غالطة من هادشي كامل ؟
عهد الدين : لا أنا لي غالط صافي ؟
مشات كتبركم و تعيب فسيفتها عليه براسها ستغربت لاش دارت هاد ردة الفعل كاملة ..
خرجات من البيت غادة جهة الكوزينة عصرات ليه قهوة وخرجات لوسط الدار كتشوف فيه جالس وكيخدم ف البيسي دياله ..
فرح : هاك قهوة ديالك ..
عهد الدين : شكراا ..
فرح : اسبحان لله تبدلتي ..
عهد الدين بدون ما يشوف فيهاا : بان ليا لعكس ولكن خليك هاكا حسن ..
فرح : دابا ايمتا غادي بحالك ؟
عهد الدين : و تسخاي بيا زعما ؟ متحوشينيش ..
فرح : اوا هادي عي دنياا ايمتا غادي ؟
عهد الدين :  مبقيتش غادي ..
فرح ب إستغراب : وخدمتك ؟
عهد الدين : هاني كنخدمهاا و الحانوت كذلك غنجلس فيه ..
تأفأت غادة هابطة ف إتجاه بيت كوثر ..فتحات الباب بلا دقان دخلات مدرمة ..
فرح : عروستنا كيف صبحتي هههههه
كوثر : واا الخلعة طلقي مني ..
فرح : اياااه رجعتي على كلامي داباا ههههه وليتي صفرة يا الزغبية ..
كوثر : نتي كتزيدي عليا سير فحالك ..
فرح : تتجري عليا واخا لمك ههههه
هبطات غادة بخطوات خفيفة  ف اتجاه الكوزينة فين كانو جالسين العيالات كيفطروا جميع ..
فرح : صباح الخير عليكم ..
نجوى : اجي ياا الحبيبة جلس حداياا هناا وياختي وهاد البنت وشحال حلوة ..
..💙المفروحة ومول الحانوت ~
بقلم : رجاء جاكار
ج :130
فرح : صباح الخير عليكم ..
نجوى : اجي ياا الحبيبة جلس حداياا هناا وياختي وهاد البنت وشحال حلوة ..
تبسمات ليها بفرحة بكلامها مطلع ليها المورال جلسات جنبهاا وبداو الهظرة كيف العادة ..
نجوى : مريم كاين الشطيح اليوم ولا والو ..
مريم : ولله معرفت اختي غنديو العروسة مع الدفوع ديالهاا تروح لدارهاا ..
نجوى : الا مكان نشاط اناا نخلقوا راه عندي بنت ختي وحدة ..
فرح : انا معاك هههه متافقة ..
نجوى : نوضي تكعدي قدامي نطلعوا نقادوا راسناا أراك لحيحة نعام اسي ..
جراتها نجوى طالعين لطبقة الثانية فين كاين بيوت الضياف ، فتحات الغرفة ديالها كانت مجموعة مقادة و صاكها محطوط ف الجنب جلسات فرح على السرير كتشوف ف نجوى ونطقات بصوت عامر حماس ..
فرح : اش غتلبسي ؟
نجوى : وا ختي عيت ب القفاطن و التكاشط غنلبس واحد الفستان كلاص ف لكحل ..
فرح : على هاد لحساب حتى انا نلبس غير شي كسيوة
نجوى : اييه ا لحبيبة عندك بعدا ولا لا ؟
فرح : كانت عندي وحدة جابهاا ليا هشام من فرنسا شحال هادي
نجوى : وطلعي جيبيها دغياا باش نقادو راسناا
فرح : واخاا
خرجات من لبيت غادة طالعة بحماس كبير و فرحة كذلك ، فتحات باب دارها كان مزال كيف خلاته ، فتحات لماريو وجبدات لكسوة لي كانت ف لون الأحمر الدموي طويلة ..
خرجات غادة جهة الباب تهبط حتى سمعات صوته و خطواته جاين ناحيتهاا ..
عهد الدين : في غادة طايرة ثاني ؟
فرح : غنهبط نلبس عليا راه قرب لحال
عهد الدين خنزر فيهاا : و مال هادا ماشي مكان يلبسوا فيه الناس ؟
قلبات عينيها بملل و جاوباته بصوت خافت ..
فرح : متزيدش فيه ثاني أ عهد غير نجوى قالت ليا اجي نقادو بجوج
عهد الدين : اهاااه بعدا اري نشوف هاد لكسوة
هزها من يديها كيعبر ويشوف فيها ويرجع ثاني يحقق الشوفة ..
عهد الدين : بدليها معرية  من لفوق صدرك كيبان ..
  قربات عنده شدات ليه يديه بحنان وشافت فعينيه بحنية ..
فرح : وعفاك مكيبانش بزاف بليز ..
عهد الدين : لا ..
قربات عنده شدات ليه يديه ثانية كذلك وقربات تعلات باستو من حنكه بخفة ..
فرح :وعفااك ..
تنهد مخدر من لبوسة الخفيفة و الحنينة خلاته بلا هواه يتبسم بخفة ..
عهد الدين : وندير ليك خاطرك هاد المرة و الصلاة على النبي ..
فرح بفرحة  :  ياااي
بدون شعور منهاا مشات عنقاته بقوة فرحانة ..
عهد الدين : ازعمتي أ شعيبية ههههه
فرح : لا هههه مم عرفتي نلبسوا انا وياك بحال بحال حتى نتا لبس قميجة حمرة
عهد الدين : صافي ا مدام متعاودش هههه
فرح : يالاه هاني هبطت نتلاقاو ..
شيرات ليه بيديه بمعنى باي باي

هبطات كتجري ف الدروج بفرحة ودخلات لبيت نجوى من جديد
نجوى : تعطلتي ا فرح
فرح : بزز باش تفكيت مع عهد الدين مخلانيش نلبسهاا ..
نجوى : لحكام ههههه اوا و اش درتو
فرح : خلاني نلبسها هادشي لي كاين  وأجي بداي قادي ليا لميكاب ..
بدات نجوى كتقاد ليها المكياج ب إحترافية مكياج خفيف و ناعم أما شعرها كان ديجا مقاد دارت ليها غير لبابيليز من لتحت ..
نجوى : تهزي شفتك ستحليتيها واا نوضي
فرح : شكراا جا غزال ..مم عرفتي غنصبغ ضفاري عندك صباغة ؟
نجوى : راها لهيه
مشات جهة فين شيرات ليها جبدات صباغة ف لون الأبيض و بدات كتصبغ بقات معاها حتى نشفات وشافت نخبة نجوى لي كتقاد مشيطة سامبل ..
هزات الكسوة حيدات بيجامة بقات غير بدوبياس ولبساتها جاتها مع لطاي ديالها لاصقة كيوت مع إكسسوارات بسيطة ..
فرح بإبتسامة : كيف جيتك ؟
نجوى : غزالة مشاء لله عليك ..
تبسمات ليهاا وشافت فيها كذلك كطلعها ..
فرح : حتى نتي جيتي غزالة هههه انا نخرج نطلع لبيت نشوف عهد الدين فين وصل
نجوى : سيري احبيبة سيري ..
..💙