~المفروحة ومول الحانوت ~
بقلم : رجاء جاكار
ج:180طلعات لبيت بزربة متشوقة لهاد الخرجة لي قال ليها و لي جات على غفلة بالنسبة ليها هي ، لبسات كسيوة طويلة مستورة ف لون الأسود مع سبرديلة ف لون الأبيض مشطات شعرها و دارتو نص جنب مدارتش لمكياج ، خرجات على طبيعتها دارت ساعة ديالها وخرجات لعنده كتجري ف الدروج ..
وقفات عنده كتنهج وشافت فيه
فرح : ها انا واجدة يالاه نشوف فين غادين
طلعها من راسها لرجليها حقق فيها مزيان عاد نطق بصوت خافت ..عهد الدين : مزيان بان ليا وليتي تسمعي الهضرة
مجاوباتوش خرجو نيشان لسيارة وكتشوف ناحية دارهم كانت باغة تخرج معاه و فنفس الوقت باغة تجلس مع الجماعة
وقفات الطنوبيل قدام محالات تجارية كبيرة من فيها اي حاجة حتاجيتيها ، نزل هو الأول عاد تبعاته هي كتشوف فيه غير بنص عين ..
فرح : باغي تشري شي حاجة لا ؟
عهد الدين : اه شي حاجة لعيد نييت
فرح : امم باغي زعما تلبس على ذوقي ؟شاف فيها هاز حاجبه شداته الضحكة من الشوفة لي دارت فييه
عهد الدين : بحال داكشي ..
فرح : اذن اي حاجة عطيتها ليييك لبسها بلا كتقول ليا لا ولا كيفاش ..
تمشاو غادين ف اتجاه المحالات بان ليها واحد كبير واحد الجهة فيه حوايج العيالات و جهة اخرى رجال ..
فرح : اجي نشوفو هنا عجبني هادشي لب عندهم
دخلات و كذلك هو غير متبعها بعينيه وقفات بنت قدامهم ب إبتسامة عريضة ..
الموضفة : مرحبا بكم عندنا شرف لينا تزورو محلنا تفضلو
تبسمات ليها فرح ودخلات كتشوف ناحية التيشورطات و السراول ، هزات سروال تجين و تيشورط ف لون الأحمر ومداتهم لييه
فرح : دخل قيصهم نشوف كيف يجيوكشدهم من عندها ومشا ناحية البلاصة فين كيبدلو عليهم
أما هي بقااا نيت واقفة تما كانت جهة نتاع رجال نص فيها لباس تقليدي و النص لاخر العصري ..
توجهات لتما تشوف لييه شي عباية نييت كانت باغا تشريها ليييهيالاه حطااات يديها على واحد لعباية ف لون الكرونة حتى وقفات عليهااا بنت باينة خدامة تماا نييت ، كانت بنت عامرة و زوينة و لمكياج خفيف و شعرها صابغاه ب لون الأبيض لون لي موديل حاليا ..
الموضفة : عفاك اختي نسولك
دارت فرح تشوف شكون حتى شافتها و تبسمات ليها ب لطافة ..
فرح : وي حبيبة تفضلي !
الموضفة : هذا صحيبك ولا راجلك "ضحكات" غير قولي بيناتنا
عقدات حواجبها فيها وشافت فيها بنضرة غير مفهومة ..
فرح : علاش لاش باغة تعرفي ا ختي ؟
أنت تقرأ
🍒المفروحة ومول الحانوت 🍒( مكتملة)
Humorسلام هانا جيت 🙄معرفتونيش طبعا حيت اول مرة غنبان 😌 لمهيم انا جيت نشارك معاكم قصة😍 نتمنى تعجبكم قصة بعنوان : المفروحة 😜و مول الحانوت😅 بقلم: رجاءجاكار ❤️ -البطلة : النحس تابعها 😒فيينماا كاان شي نحس🤦🏻♀️ جمعااتو فيهاااا الكوااارث د دنيا و دين...