🍒المفروحة ومول الحانوت 🍒( مكتملة)

part194

~المفروحة ومول الحانوت~
بقلم : رجاء جاكار
ج: 194

" الأجزاء الأخيرة "

هزات التلفون بالزربة دوزات رقم أشرف ، غير شد الخط نطقات بزربة كترعد ..

بثينة : أشرف أجي عندي لحمام عفاك وا تشوش حد ..
حطات تلفون بعد ما قدات لباسها صابرة على الحريق
حل لباب بزربة كيشوف فيها و جهها شاحب و أصفر و شفايفها لون دياله مشاا ولاو بيضين
أشرف : بثينة مالك
شد فيديها بجوج كيحاول يوقفها ، وقفات مسندة عليييه شادة  على يديه مزيرة علييه
أشرف " بخوف " : مالك
هبط راسه لأرض بانو لييه قطرات من الدم  خرج عينيه بخوف وشاف فيييها كيحاول يفهم حس براسو فهاد لحظة راسو جامد معارف ما يدير ..
اشرف : انا نهزك لطبيب دغيا
بثينة : بلا ميشوفنا شي واحد عفاك

شد فيديها بجوج مخرجها بالزربة بلا ميرد ليهم حد لبال
غادي ف الطريق بسرعة سريعة مرة يشوف فيها كيفاش مزيرة على يديها و الدموع على خدها و الأنين ديالها مسموع ..
أشرف : واش ليغيكل تدير ليييك هاكا ؟
بثينة : لا عمرها دارت ليااا هاكا كنتقطع أ  أشرف اهئ

أشرف : ها حناا وصلنا حتى كلينيك مفاتح ندخلو نشوفو اش كاين و هاد نزيف منين ..

نزل هابط بزربة شاد ليها ف يديها وهي غادة بشوية والدموع مزال على خدها شلال
كان المستشفى الإقليمي خاوي قليل غير  بعض الممرضين و الإطباء لي كاينين تفكرات اخر مرة منين جات لهنا زيرات على يديه كثر ..
كانو بعض الممرضين قدام الباب دغيا دخلوها لقاعة الفحص منين شافو حالها و نيشان عيطو على الطبيبة لي كانت عندها الحراسة فداك الوقت ..
دخلات لطبيبة وشافت ناحية اشرف و تكلمات بهدوء ..
د.ك : ممكن تخرج تخليني نفحص المريضة ب خاطري

قبل متكمل كلامها خرج مخنزر مباغيش ينوضها تما معاها و على سبب تافه و هو فقمة غضبه على زوجته

تكاتها على السرير الطبيي و بدات الفحص ديالها بعد ما عطاتها بثينة كلشي الحريق و اش لقات و بقعة د الدم لي شافت ..
وقفات الممرضة جنبها دارت ليها صيروم فيديها و الطبيبة مزال على لفحص ديالها تشوف هنا و ترجع لهنا ..
منين سالات شافت فيها بغضب منين بانت ليها نتيجة
د .ك : أ بنات ليوم واش مكتعرفوش تكلسو وتبتو غير طايرين ف السماء
شافت فيها بثينة بعدم اهتمام بعد ما الحريق بدا يمشي شوية بشوية ..
د.ك : مهددة ب الإجهاض و الجنين ما مستقرش و زيد عليها الدم لي خسرتي ونتي فيك فقر الدم منين عارفة راسك حاملة عطي الراحة لراسك ..

شافت فيها وعينيها ممتيقينش اش قالت ما عرفت واش تبكي ولا تفرح و لا تضحك

بثينة : دكتورة انا معرفاش راسي حاملة
د.ك : الفحص بين حاملة أسابيع قليلة و الجنين ممستقرش خاص تعطي الراحة لراسك و تبعدي على شي حاجة لي تعصبك ولا تقلقك
بثينة : عاقلة قبيلة هزيت حاجة ثقيلة يمكن هو لي سبب ليا هاد النزيف ياك
د. ك : وي بون يكمل صيروم و تخرجي و ها الأدوية بعض الفيتامين يعاونوك وحاولي تاكلي غير الحوايج الصحية و المفيدة لك و لجنين ..

خرجات الدكتورة من قاعة لفحص عينيها دموعو بالفرحة ، بدون شعور حطات يديها على أسفل بطنها بحنية و تكلمات بنبرة مغنغة بالبكاء ..

بثينة : ولدي كنتي غتمشي ولكن هادشي بسبابي و لحمد لله ما وقع ليك والو و لحمد لله لي رزقني لييك غنتسناك بنفاذ صبر إيمتا تجي لدنيا أ لحبيب د ماماها ..

تبسمات كتمسح دموعها منين سمعات باب الغرفة تفتحات شافت فييه و عينيها مدمعين و بريق الفرحة متكون على عينيها ..

أشرف : اش قالت ليك الدكتورة بغيت ندوي معاها لقيتها مشات
بثينة ب إبتسامة : ممم غتولي بابا أشرف عما قريييب
خرج عينيه مامتيقش من الخبر اش قالت
أشرف : ياك بصح متتكذبيش ؟
بثنية : لا هههههه

قرب ليها كثر و باش جبينها بحب وحط يديه على بطنها

أشرف : حبيب باباه