🍒المفروحة ومول الحانوت 🍒( مكتملة)

part136

~المفروحة ومول الحانوت ~
بقلم : رجاء جاكار
ج:136
دخلات لبيت كتنهد براحة و فرحة هزات تلفون كتبسم منين شافت من عند مصطفى مساج دخلات بسرعة فرحانة هي بدات تقراا و هي تكوانساا ..
📩 مصطفى :  سمحيلي بزااف والديا متقبلوش فين عايشة مراضونيش ناخد بنت من داك الحي  فقير سمحيلي بزاف ..
نفاجراات ب البكاا كتحرك راسهاا بلا مصدووومة بجهد بدات كتحرك راسهاا وتنتف فشعرهاا و تخبش ف وجهها حتى لواحد لحظة هبطات يديها فاشلة  و الدموع كيهبطوا بغزارة لحظات قليلة رجعات تصروفاتهاا كلهاا و أش دارت ..
و اش كانت باغة دير لحظات صمت كتراجع نفسهاا حتى غمضات عينيها سخفانة من وثيرة الضرب لي ضرباته ف راسهاا ..
هزات يديهاا كتنادي لله ..
ريهام : ياااربي اغفر ليا ياربي اهئ اهئ ذنوبها هي خرجوا فياا ندمت ندمت ..
لقطات لي كانت تعاملت بيهم مع بثينة كلهم جاوها فداك لحظة و اش كانت ناوية ليها تفرقها مع خوهاا و تحشيمة لي حشماتها قدام صاحبتهاا ..
مسحات عينيها بقوة .. ونطقات بخفوت ..
ريهام : الحمد لله معطيتكش شرفي و مديتي مني والو لكن هاد الفقيرة غتوريك اش كتسواا ..
ناضت بضعف ناحية الحمام توضات و فرشات سجادة و لبسات عباية طويلة كتعاود و تناجي راه يوقف معاهاا و يغفر ليهاا داكشي لي دارت ف بنات نااس
سالات و وقفات قدام المراية كتهضر مع راسهاا ..
ريهام : خاصني نطلب منها السماحة ضروري .. هي مدارت ليا والو انا لي بديت ..
تنهدات بخنقة كتمسح أثار الدموع فعينيها الراحة النفسية لي حسات بيها منين صلاة راحة نفسية لا مثيل ليهاا ..

لبس قدك يواتيك عائلته نقصو  منا وصافي مابقاتشي فالفلوس والاملاك وانك تكون ن كتعرف بنادم شحال من عام عدهادا ولا اصلا تكون كتعرفو من قبل وبغيتيه وفديتيه بأغلى حاجة عندك باش يصدق ولد الناس واخا قليل ولكن المهم كاين الفرق فولد الشعب لي راضي بلي عندو وعازم يجيبا من فم السبع المهم تكون حلال يفديك بروحو ومايفوتكشي وبين ولد بابي ومامي الكيلينيني لي جبرى واجدة ولي فتح عليها دقمو تجيه ديك الساعة واي حاجة يعملا غير حيت عندو الفلوس ولا باش يجمعوم ماهاموشي واش حلال ولا حرام ولكن ماننساوشي بلي الناس طوب وحجر وحتى زين ماخطاتو لولة او حتى البنات فيهوم او فيهوم ماشي كلشي مزيان وماشي  كلشي خايب ولي كيبان خايب مزيان ولي مزيان خايب حاجة اخرى عاود قالك كما تدين تدان والكاس لي شربتي منه غيرك غيجي نهار وغتشرب منه حتى نتي ..