🍒المفروحة ومول الحانوت 🍒( مكتملة)

part51

‏‎~المفروحة و مول الحانوت ~
‏‎بقلم : رجاء جاكار
ج 51
جات طايحة على السداري .. كانت بنت صغيرة هي لي دفعات عليهاا وجات طايحة عليها ..هزاتها كضحك وقرصاتها من نيفها بطفولية ..
فرح : الشنيولة طيحتيني ههههه
البنت : ههههه مشفتكش ..
ومشات دايها معاها لكوزينة جلساتها على لبوطاجي كضحك معاها وكتخربق ليها ف شعرهاا ..مشات جهة الثلاجة هزات القرعة و عمرات كاس د الماء وشرباات وشافت ف لبنت كذلك

فرح : تشربي ..
لبنت (ملك): اه
عطاتها تشرب و وقفات غادة حتى وقفاتها ملك كتشوف ف شكلان لي كان فجنب البلاكار
ملك : بغيت شكلاط
شافت فين شيرات وجبدات ليها شكلاط وعطاتو ليها.. وعنكشات ليها شعرهاا
فهاد الأتناء كان دخل عهد حتى هو لكوزينة يشرب من قوة الصهد و الشطيح حتى شاف منظر فرح هي و لبنيتة كتلعب معاها وكدلعها
ملك : عرفتي أطاطا فرح بغيت ندير كرينات بحال سناء  ..
فرح : واخا اغزالة ديال طاطاها
حنحن وتم داخل مكمل طريقه لجهة القرعة ..
___