🍒المفروحة ومول الحانوت 🍒( مكتملة)

107

~المفروحة ومول الحانوت ~
بقلم : رجاء جاكار
ج : 107
تنهد قلبه ضاره على اش قال ليهاا بدون شعور منه ..
قرب لعندهاا ممسوقش لبنادم كاع شد ليهاا فيدهاا وزير عليهاا بجهد باش متخطفهاش وشافت فيه بعينين مدمعين ..
أشرف : مقصدتش أ بثينة خرجات بلا شعور عرفاني منين كنتعصب كيف كنولي مكنتحكمش ف عصبيتي ..
شهقات حاطة جبهتها على صدره وشافت فيه ..
بثينة : مكانش عليك تقول ليا هكاك جرحتيني أ أشرف ..
تنهد مرة أخرى كيشوف فيهاا مكيحملش يشوف دموعهاا ولا حزينة ..
أشرف : سمحيلي مكنتش قاصد ولله راه متحكمتش فراسي وصافي (بتاسم كيشوف فيها ) أخر مرة أقلب قلبي صافي ؟
بثينة : متعاودهااش تبقاا تسمع مني أنا لولة ..
أشرف : صافي متعاودتش وعد .. زيدي أ لكبيدة لهاد لمحل اراا برع ..
تبسمات ليه ومشات غادين ف إتجاه المحل ..
بثنية من النوع لي كتسامح دغياا ومكتحقدش ولا كتشد فقلبهاا معندهاش مع لمشاكيل وداك لمعاطية وداك تخربيق كتحاول تجنبهم ..
دخلات لمحل خاص ب ملابس المحجبات ستيل لي كيعجبهاا وداكشي التركي .. بدات تدور عليهم تماا حتى قشعات غوب بيضة  ب لفولار ديالهاا حمقاتهاا ..
تبسم كيشوف ف ملامحهاا البريئة الفرحة غتخرج ليهاا من عينيها ..
أشرف : عجباتك ..؟
بثينة ب إبتسامة : بزااف
جبدها  و مدها ليهاا ..
أشرف : دخلي لبيسيها أ لكبيدة ..

ف منزل السي حسن .. كيف العادة الحركة فدار دايرة شي يتسخر من هناا وشي يجمع من هناا مهم كل واحد داير يدو ..
جالسة فبيتهاا مجبدة كتفكر بعيد وبعيد سمعات تقرقيب براا وخرجات عندهم ب بيجامتهاا الجديدة وشعرهاا لفازك شوية عاد حيدات الشال لي كانت دايراه ..
دخلات عليهم لكوزينة فين مجموعين جااهاا الملل بوحدها ف لبيت ،العيالات كيقادو الحلويات ف الطباسل
بشرى : الطبقة الثانية مجموعة ياك ؟
إسمهان : اه اخالتي راه صباح جمعناهاا أنا وندى ..
بشرى : مزيان أبنتي ..

هاكا داز النهار ما قبل العقد عندهم معاونين على الشغل ..
أما فدار السي علي ، ف الطبقة الثالثة منزل عهد الدين واقفة مريم و كوثر وخولاتهاا جوج و عماتهاا كذلك ..
العمة : هانتي راه الكوفرلي جا زوين مع لون البيت و حتى إتجاه الناموسية لي بدلناه جا غزال ..
الخالة : اه حتى مع لبالكو منين زدنا داك الورد وتقاد جا زوين ..
مريم : وداك لكوزينة لي خاوية ؟
الخالة : علاه هي غطيب هناا تهبط تشاركو طعام لا ؟
مريم : ولله ماعرفت أختي ..
كوثر : حتا يطلع عهد من الحانوت ونشوفوه اش يقول ف هاد المسألة يالاه نهبطو ..البيت راه مقاد
هبطوا مجموعين ف الدروج ضاحكين ناشطين خالقينهاا بيناتهم جلسو ف الصالون مجمعين مع بعضهم حتى نطقات أخت مريم ..
بديعة : كلشي مقاد الأمور مقادة ؟
مريم : اييه الحلوى واجدة و الطيابة غداا ف الصباح تكون هناا مع ستة باش تنقي الدجاج  و التريتور كذلك ..
بديعة : اواا صافي كلشي هو هداك و عهد موجد رأسه اش يلبس باش يمشي ؟
مريم : منين رجعوا من السوق هو و كوثر وهو كالس ف الحانوت ..
كوثر : بلا متخافو علييه هو ديماا مقاد الحالة عهد الدين و أجرك على لله ههههههههه
و الحديث بهادشي باش غادي ف أمور العقد لي غيدار غداا  ف بيت السي حسن !!