🍒المفروحة ومول الحانوت 🍒( مكتملة)

part134

~المفروحة ومول الحانوت ~
بقلم : رجاء جاكار
ج:134
من داخل سيارتهم طالقة الموسيقى بالجهد ناشطة ضاحكة مع راسها أما هو فقط بعض لمرات كيخطف نظرة منها ويضحك بخفوت من هاد المفروحة لي دخلات لحياته و قلباتها ليه رأسا على عقب ..
على أنغام أغنية  ~ إنساي ~ مطلوقة على الجهد ف السيارة كضحك و تصور وتشير بيديها لسيارة هشام لي كانت من موراهم ..
فرح : إنساااي بلي شي نهاااار عرفتيني إنساااي يالاه باااي أووو باي أنااااا ماشي ليك يالاه باااي ..كح كح
نقص الموسيقى وشاف فيها
عهد الدين : بشوية عليك عندك تجيفي
فرح : واا نشط و طلق داك الغوبااشة تموت غا بيها ..
.
.
من وسط منزلهم جابدة صباغة ديال الظفار ف لون الأسود .. وشعرها مقادها هازه لفوق ولابسة بيجامة جديدة صيفية شافت ف خولة لي جالسة أمامها دايرة يديها غلى خدودها كتشوف فيها ..
خولة : دابا قولي ليا دابا و هما دخلو ؟
ريهام : اييه دابا راه عاد قالها ليا
خولة : ولاش معلمتيناش بكري خليتينا حتى لدقيقة التسعين مفعايل موالو هادو أ ريهام ..
ريهام : واا سيري خرجي عاوني مك و متحشميناش ثاني ..
تنهدات خولة من كلمات أختهاا ف دقيقة التسعين عاد علماتهم أنه شي ناس جاين يهضروا فيها ..
خرجات كانت الأم كتقاد من هنا و هنا بتوثر خايفة لا تحشم مع الناس و اب أشرف جالس فالصالون شاد التسبيح كيستغفر لله ..
جلسات جنبه الأم حاطة يديها على خدها ..
الأب : حتا نتي ياا هااد المرة دايرة لخاطر لهاديك جاتنا بلا حشمة بلا حياء راه الخطاب جاين فياا ..
الأم : غاا قولي اش ندير أهااد الراجل غا قولي هي كتقولي مابقا والو ويدخلو نقولها لا ؟
الأب : للهم الصبر الصبر داك لبنت خرجات ليا من جنب الصبر الصبر ..
الأم : أداك شي لي كاين الحاج
الأب : و ضروري خوها خاص تكون فراسه هو الأول ..
الأم : وراه مع مرتو دابا مسافرين خلي حتى يجيوا ..
دقائق قليلة حتى تسمع الدقان ف الباب وقفات الأم لابسة قميص راندة وفتحات الباب ب إبتسامة بشوشة ..