~المفروحة ومول الحانوت ~
بقلم : رجاء جاكار
ج : 115
هبطوا و الصمت سيد الموقف بجوج غير كيشوفوا قدامهم غا وصلو لجهة نهاية أخر الدروج شافوهم و الكل بدا يصلي على النبي جات مريم و بشرى وكثر كلشي جاو منين شافوهم يالاه هبطوا ..
مريم بخفوت ف وذن فرح : كون غير صبرتو نهبطوكوم مجموعين ..
فرح : أنا ماكنتش هابطة غا عهد الدين بزز عليا وصافي ..
كوثر : سيري سيري قولي ليها طلق لينا شي أغنية ..طلقات الموسيقى على أغنية عرسي ليلة
تجمعو دايرين دائرة و عهد الدين وفرح ف لوسط قربات مريم لجهتهم وشدات يديهم مع بعض ..
- شفتو حبيته وحلفت لا خليته لغيري
- خطفته ديته ليهم حيت أنا لي عرفت ليييه
- عرسي ليلة إوا يواا لليلة طويلة إوا يوا
- كلشي يشطح إلا لي حسدنا إوا يواا
دخلته لراسي و نا راسي عاصي كيشد ضد ..عينيه مثبتين على عينيهاا يديهم غير كيتحركوا فقط مع أنغام الموسيقى حتى سالات الموسيقى ، حيد يديه على يديه وهمس ليها فوذنيها بخفوت ..
عهد الدين : ديري عقلك ..
شافت فيه كطول الشوفة فيه تبسمات ليه بخفوت أما هو غمزها ..
وخرج طالع لطبقة الثانية فين كاينة صدقة ..
كانو الدنيا بدات تعمر السي علي ف لباب كيستقبل الناس وقف جنبه حاط يديه على كتف باه ..
عهد الدين بهدوء : غتكون عيتي ب لوقوف لا ؟
علي : لا لا اشمن هاد نهار عندي كبير كملتي نص دينك و ديتي بنت الناس تربات بينا و وسطناا لله يتاويكم بالخير
عهد الدين : امين ..
مع نهاية جملته مع دخول أيمن ..
أيمن بإستهزاء : مبروك مادرتي اسي عهد الدين
ضبط نفسه أمام باه مباغيش يسب ولا يدير شي حاجة ..
رد عليه فقط ب إبتسامة باردة
عهد الدين : شكرااا
.
.جلسات ف الصالون وسط العيالات كتجاوب على قد سؤال و ضحك معاهم حتى جات عندها البنيتة الصغيرة ملاك لي كانت لصقات فيها يوم زواج بثينة ..
فرح ب إبتسامة : الفنكيشة جيتي اجي اجي جلسي جنبي ..
جلسات حداهاا ملاك وشدات ليهاا فيديها ونطقات بنبرة طفولية ..ملاك : صافي أطاطا حتى نتي تزوجتي وغتجيبي لينا بيبي ..
أشرف 👇بثينة👇
أنت تقرأ
🍒المفروحة ومول الحانوت 🍒( مكتملة)
فكاهةسلام هانا جيت 🙄معرفتونيش طبعا حيت اول مرة غنبان 😌 لمهيم انا جيت نشارك معاكم قصة😍 نتمنى تعجبكم قصة بعنوان : المفروحة 😜و مول الحانوت😅 بقلم: رجاءجاكار ❤️ -البطلة : النحس تابعها 😒فيينماا كاان شي نحس🤦🏻♀️ جمعااتو فيهاااا الكوااارث د دنيا و دين...