🍒المفروحة ومول الحانوت 🍒( مكتملة)

part196

~المفروحة ومول الحانوت~
بقلم : رجاء جاكار
ج: 196

" الأجزاء الأخيرة "

كوثر : كتخلعي لله يعطيني وجهك ..

وقفات بعد ما بعدها عهد الدين شوية وشافت فيه كتخنزر

فرح : تديهاش سوق راسك شوية ؟

كملو الجولة ديالهم فراحة ، دازت خريجة زوينة و الدنيا عامرة نساو الهموم و تمارة د العييد الحال بدا يظلام و الدنيا بدات كتخواا ..

عهد الدين : الحال ظلام نشدو الطريق لا ؟
هشام : داكشي لي بان ليا صافي
كوثر : خليني نسالي غا زعزع ديالي
فرح : ساليتيه قبيلة ا لبكرة مالك قولي باغة نزيد واحد سويعة..
عهد الدين : مالكم وليتو بحال المش و الفار هشام هز موصيبتك و زيد

قرب شد فرح من يديها و جرها غادي ناحية السيارة ..
عهد الدين : شحال ولات فيك ديال الهضرة ويا بنتي
فرح : ومالي منهضرش ..
عهد الدين : لا هضري لكن داكشي ب لقياس قوة الهضرة بلا فايدة بلاش ..
فرح : ياك دابا أنا هضرتي خايبة
عهد الدين : ماشي هاكاك افرح ركبي ركبي أنا لي داير راسي فيييك

بعد ما لتحقو بيهم هشام و كوثر شدو طريق راجعين لمنزل ..

طلعات لبيتها نيشان كتحس برجليها عاطينها لحريق مع الطالون لي لبسات و تمشات و العيا ديال الصباح كلشي تجمع فيها ..
جلسات على طرف السرير كتحيد الطالون و فنفس لوقت كتحيد جلابة ، لبسات بيجامة سروال و تيشورط و جمعات شعرها لفوق كعكعة مهملة
هزات كريم بنكهة الفاني وبدات دير مساج لرجليها بنفسها حسات بييهم ترخاو وراحة بانت على ملامحهاا ..
لبسات صندالة وهبطات ثاني داخلة عليهم الصالون كان الناس لي جاو مشاو  ..

جلسات جنب بشرى حاطة راسها على كتفها وبشرى عاطياه الخاطر كله

بشرى : عيتي أ زغبية
فرح : اح بزاف رجلي مبقيتش كنحس بيهم كاع كنحسهم تقال علياا
بشرى : ماعبرات غير بثينة رتاحي ليك مع راسك أبنتي مجتهدين عليك
فرح ب إبتسامة : واخا أماما

لتاحقو بيهم الجماعة الضحك و النشاط مع بعضهم شحال زوينة تكونو غير جيران حتى توليو عائلة وكتكبر ب الأحفاد فاهمين و عارفين بعضهم ..
واقفين قدام الباب كتسلم عليها غادين بعد العشاء و لمة لي شاركوها من صباح
حسن "طبطب على كتف فرح " : وا غدا مرحبا بيك فداركم ابنتي متحتاجيش لعراضة دار باك ديما مفتوحة
فرح : بابا ههههه أكيد غدا قبل تفيق غتلقاني عندك
حسن : لله يرضي عليك ، اوا الفاشي خليناكم على خيير وغدا مرحبا بيكم النهار كامل

بعد ما سلمات على عائلتها ، جلسات مع مريم شوية كانو جالسين غا بجوج
مريم : اوا بنتي نوضي ترتاحي طلعي
فرح : ا نجمع صالون و نطلع أخالتي ..
مريم : ولله ما تقاديه سيري طلعي ترتاحي
تنهدات ونطقات بخفوت ..
فرح : واخا تصبحي على خيير
طلعات مع الدروج حاسة براسها سخفانة غير فتحات لباب بان لييها جالس على الفوطي و لبيسي حاطو على الطابلة و مربع يديه كيتفرج..
ما تكلمات ما والو قربات لعنده و  تخشات فحضنه حاطة راسها على صدره ......