🍒المفروحة ومول الحانوت 🍒( مكتملة)

part95

‏‎~المفروحة و مول الحانوت ~
‏‎بقلم : رجاء جاكار
ج : 94
دوز ليها الخط دقائق قليلة و رنين الإتصال كيتسمع حتى زفر بعصبية يالاه عيقطع حتى سمع صوتهاا ..
فرح : شكون معاياا ؟
عهد الدين بهدوء : معرفتينيش
فرح : مم لا
عهد الدين : ندخل لموضوع نيشان باش تعرفيني قالو ليا عندك شروط اشنو هوما الآلة فرح ؟
فرح : اش ناوي بعداا نتا تستقر هناا ولا لهيه ..
عهد الدين بهدوء : عرفتيني دابا ولا مزال ؟
فرح : مم مزال بس جاوبني على سؤالي
عهد الدين : لدابا معارفش انا براسي لكن غنمشي شهر ونشوف اش كاين ..
فرح بجدية : غنكونوا درنا العقد ولا مزال
عهد الدين : درناه،  السيمانة جاية غنديروه
فرح : ولاش هاد الزربة كاملة ..
عهد الدين بجدية : نمشي نشوف خدمتي ..ديجا قلتها ليك ..
فرح : و أنا ؟
عهد الدين : مالك نتي ؟
فرح : من الأحسن نبقاو مخطوبين حتى تفكر ونشوفوا
عهد الدين : لا العقد هو الأول و قروي نتي فين ما عجبك بغيتي دارك بوحدك ولا تسكني مع الواليدة عادي ..
فرح :  بغيت نجلس فدارنا ..
عهد الدين : بحال بحال دار أونفاص لدار تقنطي ولا توحشيها تمشي لعندها ..
فرح : بففف مبقيت فاهمة والو ..
عهد الدين : متخافيش مغانمشي حتى نخلي كلشي مقاد ..
فرح : أوكي ..
عهد الدين : شنو الشروط ؟
فرح : هذا و غنكمل قراية باش ناخد الديبلوم ف مجال تصميم وداكشي ..
عهد الدين بهدوء : معنديش مشكل .. هادشي لي كاين ..
فرح : مزال ممولفاش عليك وكيف غندير
عهد الدين : داباا تولفي ..
فرح : ياك غاتمشي ..
عهد الدين بعصبية  : نتي باغة تحمقي دين مي داباا راه دويت معاك ..
فرح : نتا مالك باغي تخرج ليا من تلفون كالم كالم ..
عهد الدين : وسيري زبليها عاود غداا بشي حاجة راه وليت حافضك ..
فرح : كتحداني دابا ؟
عهد الدين : لا اختي وتقولي .~ تتمة الجزء ~
فرح : الخوت مكيتزوجوش اخويا ..
عهد الدين : تصبحي على خير سيري تنعسي ..
فرح : نعس غا نتاا ..
عهد الدين : تصبحي على خير ..
قطعات الخط وتنفسات بعمق حطات التلفون و تجبدات ف بلاصتها وطلقات موسيقى خفيفة هادئة كتفكر ف هادشي الجديد عليهاا ..
صباح جديد أشعة الشمس داخلة من نوافذ غرفتها ناعسة بعمق ، تفتح الباب بخفوت كانت ندى لي عاد وصلوا حطات الباليزات فواحد الجهة وقربات جهة فرح تبسمات بشر مقررة ترجع لييها داكشي لي دارتو ليها المرة لي دازت هزات خيط خفيف وبدات كدوز ليها على نيفها و فمها كتهرهاا خسرات وجها كتعقد فحواجبها ب الإزعاج ..
فرح : مممم (كتبعد يدين ندى على وجهها )
قربات لوذنيها بدون حس و غوتااات بجهد حتى فاقت فرح شادة على وذنيها ومخسرة سيفتهاا ..
فرح : الصبحاتو لله شكون نتي اختي (حكات عينيها وكتحاول تفتح عينيها )
ندى ضحكات بجهد : لآلة العروووسة نوضي نوضي ..
عقدات حواجبها من صوت ندى تتشوف فيهاا ..
فرح : باتية تحلمي بيا ولا شنو ؟
ندى : نوضي نوضي قبل مدخل عليك خالتي بشرى ..
مدات يديها لتلفون تشوف ساعة فاتحة عين ولأخرى سداهاا ..بانت ليها ثمينة ونص ديال الصباح ..
فرح : لانتي هبلتي بعدي خليني نعس ..
جرات ليها الغطا لي كانت مغطية بيه وشافت فيها دايرة يديها على خصرهاا
ندى : نوضي ولا نقولها لخالتي راكي عرفاهاا
فرح : سيري اختي (ورجعات سادة عينيها )
يالاه ندى جاية عوتانو تفيقها وهي دخل بشرى كتصفق بيدها ..
بشرى : ا لغااشي نوضي نوضي (كتحرك فرح ) الدووش نيشان ..
وقفات كتأفأف كتمسح على شعرهاا شافت فيهم بجوج ونطقات بجهد ..
فرح :  هاهيا ناايضة تقولوو عندي العرس داباا ..
بشرى : ترجعي تنعسي نوريكدخلي نيشان لدوش دوشي باش ندى تقاد ليك شعرك وراه القفطان لي غتلبسيه ف خطبت خوك أما تكشيطة لي غتلبسي ف خطبتك راها لفوق حتى نرجعوا ..
مداتهاش ف هضرتهاا دازت نيشان هزات لفوطة ديالهاا ومشات داخلة لدوش عينيها مغمضين ..
نصف ساعة دازت ..كانت خارجة من الدوش مصححة مكادة كان البيت خاوي ندى كانت ف الكوزينة كتعاونهم ..هزات دوبياس ف لون الغوز بيبي و شي كريمات وبدات كتلبس و ذهن ولبسات بيجامة خفيفة منزلية وخرجات لعندهم نيشان لكوزينة كانت رحة ديال الطياب كتشم من بعيد وبعيد ..
فرح : ا صباح  لخير ..