🍒المفروحة ومول الحانوت 🍒( مكتملة)

part81

‏‎~المفروحة و مول الحانوت ~
‏‎بقلم : رجاء جاكار
ج : 81
‎4:00 د الصباح عاد داخلين لمراكش فاقت كتشوف فيه شعرها مخبل شافت فيه كتحك فعينيها ونطقات بصوت خافت ..
فرح : نعست و فقت وعاودت نعست وفقت ومزال موصلنا ناري بزااف هادشي ..
عهد الدين : ياك ناعسة مخيرة ماشي نتي لي شادة طريق عضامي كنحس بيهم طايحين
فرح : متغايرين دابا ولا شنو ؟
على فيها عينيه مخنزو فيهاا وشاف فيها بجدية ..
عهد الدين : بسم لله عليك رجعي نعسي حسن ليك ..
فرح : ولله لارجعت يالاه طلق شعبي ..
عهد الدين : راسي ضارني منبعد ؟
فرح بضد : دابا شنو ؟شاد ضد
عهد الدين : فرح لله يرحم الوالدين راسي فارعني ..
هزات راسها مدام مبغاش يدير ليها الشعبي تجبدات مع الكورسي وبدات كتغني بجهههد ..
عهد الدين بعصبية : واش ضاربك حمار الصباح ولا مالك ، نزلي ها حنا وصلناا
علات عينيها ف الشاريع بان ليها الحي ديالهم ..
فرح : صوني على هشام يهبط يفتح ليا لباب انا تلفوني طفا ليا
عهد الدين : اوك ..
هز تلفون صونا على هشام لمرة لأولى و ثانية و ثالثة ..
عهد الدين : متيجاوبش ..يالاه معاياا
خرجات عينيها فيه مخنزرة بجهد ..
فرح بعصبية : لا نتا صافي زعمتي بزااااف كاااع
عهد الدين : مال مك عقلك خامج تمشي تنعسي مع كوثر راه تكون مزال فايقة ..
فرح : عاود صوني عليه ..
عهد الدين : مشغووول واش باغة تسطي دين مي ..
فرح : وا بعد مني ياك غنصطيك

مجاوبهاش وخرج كيطرطق عضامه بتعب شاف جهتها كانت واقفة مخنزوة كتشوف فيها هازة حاجبها فييه ..

عهد الدين : زيدي يالاه ..
فرح : صوني على بابا ..
عهد الدين : صوني عليه نتي اختي بغيتي زيدي راني صابر بزز ..

تنهدات منفخة وزادت غادة داخلة معاه وتشوف هنا وهناا ..