🍒المفروحة ومول الحانوت 🍒( مكتملة)

part193

~المفروحة ومول الحانوت~
بقلم : رجاء جاكار
ج: 193

" الأجزاء الأخيرة "

عهد الدين بغضب : واش هبلتي ولا مالك
فرح : شد فمك عندك نكون فوق لمزيان
عهد الدين : هاهوا ساكت ، تندمي بنادم لاش يهضر

خنزرات فييه ورجعات جلسات جنب لبنات حتى سمعو الدقان نيت ، كانت فرد من عائلة سي علي ..

كيف العادة الصواب والترحيب بالضيف و الكرم
كانت عائلة كبيييرة من أطفال و نساء و رجال

الشي لي خلاهم البنات كلهم ينوضو لكوزينة ..

واقفة على لافابو هي وخولة كيغسلو ماعن د كاس أتاي و الدراري على برا مقابلين الشوا ..

خولة : باقي لييك لقنط نييت ؟
فرح : منين احح السعادة منين كتحسي بدار عامرة
خولة : ياك عهههههه

مع الدار عامرة العيالات جالسين و البنات ف الكوزينة قادين بيها ، دخلات علييهم مريم هازة طبسيل د لكاطو ..

مريم : افين وصلتو ا لبنات شوا واجد ؟
فرح : كلشي واجد اخالتي انا ندخل نشوفهم اش دارو
دخلات لعندهم لبلاصة فيه كانو جالسين جنب الشواية وقفات علييه حاطة يديها على خصرها كان بحده أما دراري خرجو ..

فرح : فين وصلتني ؟ أحباااس بعداا
عهد الدين : مالك ؟
فرح : حيد تيشورط واش هبلتي صافي شيع ريحة د الشوا و بلاتي باش تخرج

حيدو و مدو ليها بسرعة ..
عهد الدين: صبنيه و ديريه ينشف صافي ؟
فرح : بقا ليا غا صابون هاد ساعة
عهد الدين : واخا سمحي لينا الآلة فرح خووولة

غا سمعات سمية خولة عقدات حواجبها وخطفات لييه تيشورط بالزربة ..

فرح : ارا لله تقول ما عندك مراا

عهد الدين : لله يهديك قولي امين
____ تبقى ستر مع فرح 😂.." تتمة الجزء "

هزات تيشورط ودارتو ف الماء نييت تما و صبناته بكل جهدها ، دارتو ينشف وشافت فييه ..
فرح : صافي مزيان
عهد الدين " غمزها " : هاكاك لله يرضي علييك

كلسات على كرسي جنبه وهو عاطي تركيزه لشواية لا تحرق ليييه

هز قطيب ديال لحم مدو ليها ..
عهد الدين : هاكي كولي
فرح ب إبتسامة  : شكراا

تبسم ليها ورجع كيكمل الشواء دياله ..
أما لداخل فالصالون النساء و الرجال مجمعين من موضوع لموضوع ومنهم نييت بثينة و كوثر لي لتاحقو بيييهم بعد قليل ..

بثينة : فين ديك فرح ثاني ؟
كوثر : خليتها جالسة هي وعهد كانت كتصبن لييه تيشورط دياله
بثنية : هكاك هههههه

حبسات ضحكتها منين حسات بحال شي نغزة ف أسفل بطنها ، كملات كلامها عادي مع كوثر كتحاول تنسي لوقت و نغيز غير غادي و كيجهاد ..

منين كانت ف لكوزينة واقفة وهي كتحس بنغير لكن دغيا كيمشي ، حسباته طبيعي

وقفات مبسمة إبتسامة صفراء ل أشرف لي حاضيها من بعيد و عاقد حواجبه فيها بمعنى " مالك "
تمشات غادة ناحية الطواليط ، غير بعدات على الصالون شدات ف أسفل بطنها من الوجع لي غير زاد كثر ..

تأوهات ب ألم و دخلات لحمام بسرعة ..

يالاه هزات لكسوة و هبطات السروال كتحس بشي حاجة سخونة هابطة بين رجليها ..

تمعنات كثر كتشوف وكتجي براسها ف أي لحظة ممكن تسخف ..
بان لييها الدم شهقات حاطة يديها بقعة كبيرة ديال الدم ف السروال ..

هبطات السليب يديها كيرجفو و الألم غير مزاد علييها كثر و كثر ..

بانت لييها شي حاجة بحالة مكبدة وحمرة .........