مذاق الحرمان

بارت 1

الكاتبه فخر العراق
روايه مذاق الحرمان

ولا واحد فگدني شگد نمت مهضوم .💔
.................................
في زمن 1982
_جنت موزرة بنص الگاع مالتنه وارعى بلغنم والدنيا راح اصير مغرب صاحت عليه امي

فخريه.. ولج صديقه لمي الغنم وتعالي
_خير يمه بعد وكت
_لا راح اصير المغرب ابوج يريد يحجي وياج
_اذا على الزواج ما ازوج وين الطايح من السگف يجيني
_انجبي لا اجيج بنعال يالله بسرعه

:-سكتت واني ضايجه يردون بس يخلصون مني.. لميت الغنم واجه اخوي صباح عمرة عشر سنين
_صديقه المهن وياج
_اسوي فضل ما بيه حيل من الخمسه الصبح لهسه ادگ بيه الشمس

لمهن وياي واجه اخوي ناصر
ناصر.. يالله ولكم بسرعه
صباح.. شعدك
_نروح نحش لباجر لان باجر من الصبح نروح نلم الملح
صديقه.. انتم ما عدكم غير الشغل
_واني شكو ابوج وامج
_خرب حضي
_ماتدرون شصار
_خير شصار
_صدام بدة الحرب على ايران
صباح.. صدك
_والله
_ليش
_شدراني ناس ما تگعد تستفزة يسكتم الهم
صديقه.. يمكن راح نروح بلرجلين من ورة صدام وحروبه
_لا تخافين محد يگدرله
_الله يسمع منك

لمينه الغنم حطيناهم بلمحصار (الاسطبل) ورحنه للگاع نحش بلحشيش

_ناصر الاذان اذن خلينا نرجع حشينه هواي
_اي هسه

كملنه ورجعنه للبيت
طبينه للبيت لگينه علي ابن اخوي ناصر وبته سمر يتعاركون
فخريه.. ناصر سكت جهالك
_يعني هسه انتم بلضلمه وتتعاركون
صديقه.. يمه وين الاله(الفانوس)
_ما ادري شوفيها
_شلون اشوفها هيه الدنيا ضلمه
رحت شغلت شمعه ولگيتها شغلنه البيت وگعدنه نتعشه كملنه وحجه ناصر
_اسمعوني مساع سجلت بلجيش وبعد اسبوع اروح التحق
فخريه.. شگلت ولك تروح تحارب
_اي يمه شكو صار سنتين والحرب بدت وهسه صدام گدر يسيطر لان عدنه ذخيرة
_ليش ما اصم حلگك وتنجب
_يمه
_اسكت احسلك جهالك وين تروح اذا صار بيهم شي
_بس اني شنو ترة كلها
_لا
_رضيتو والمارضيتو اروح سدو الموضوع

وحجه ابوي..
كافي سدو الموضوع ما دام كلكم گاعدين اريد احجي وياكم بموضوع
ناصر.. احجي يابه نسمعك
_اليوم اجو خطابه
صديقه.. بويه زواج ما ازوج هذنيج اخواتي اربعتهن مزوجات فقرة وكاتلهن الضيم
_لا وان شاء الله تردين تنامين على گلبي وينه العدة فلوس بهذا الوكت
ناصر.. يابه على كيفك، صديقه اطي مجال يجوز يطلع خوش رجال ويگدر يعيشج
جمال.. الرجال عايش بلولايه وبنص السوگ وقضاء يختلف عن القضاء ذيج المنطقه حلوة وناسها مثقفه شسوين باقيه بلعرب
_بويه هذا الولد شسمه
_اسمه جواد يبيع مخضر راح تگعد ويه اخوانه وامه وابو بيت واحد وجبير بعد شتريد اكثر
_بويه يبيع مخضر وتگلي بعد شتريد
_شتريد مثلا حالها حال اخواتها
_ان شاء الله بعد اسبوع العرس وملجه الشيخ،
شگلتي صديقه
_ها هيه يابه براحتك
_والله الناس اعرفهم وكلها تحلف بيهم وخوش ناس لا من اليبوگون ولا من اليشتغلون بلحرام لا ضيعينه من ايدج
بقه گاعد يسولف وياي ويقنع بيه اقتنعت وقررت اوافق علي واهم شي هوة اطلع من العرب واگعد بلمدينه