مذاق الحرمان

بارت 26

الكاتبه بنين احمد
روايه مذاق الحرمان

««««««»»»»»««««««»»»»»
هواي اثار ضلت ؛
بس ألم لا !
المخطط يسموني الكثرهن ..
عندي جروح من التفت تلتاف
لان واحد بواحد صرت اشدهن ..

»»»»»»»»»»»»»»»»»»»»

بنين..
_باوعت عليها رفعت اديها وتحجي بنبرة قهر..
نهاد.. الهي مجاه هذا الاذان مجاه الزهرة تاخذها وتخلصنه منها ساعه السودة الاجيتي بيها للدنيا

_جنت اباوع عليها متفاجئه بكلامعا ونبرة صوتها ودعائها الانسان الوحيد الماتوقعته بحياتي هيه عمتي نهاد هيج تحجي دموعي تنزل على خدي واحسها جمر تحرك بيه

راحت تركض للطارمه اجت عليه وهيه بيدها مكناسه رفعتها وكامت تضرب بيه بكل قوتها جانت امي وحلا يباوعن ساكتات على صفحه تعبت من المكناسه تضرب بيدها وهيه تحجي..

_الله ياخذج ان شاء الله الله يحرك كلبج شنو فايدتج شنو نفعج كل الطلايب منج الله لا يوفقج يا ربي ان شاء الله بتابوت تنشالين

_جنت اسمعها ومتفاجئه بل كلام التحجي اني شنو مسويه اني شنو ذنبي صرت بين جهتين شنو ذنبي صرت بت زينب التكرهوها ليش اني اتحمل اذيه امي... عافتني وطلعت وهيه تباوعلي مشمئزة مني

بقيت كاعدة ابجي مو من الضرب جان كلامها مثل السجين نبتتها بكلبي ما جنت يوم من الايام اسمع هيج كلام ومن منو اقرب الناس الي بعد بيبيتي اكثر شخص جنت احبه بس من ذاك اليوم ما نسيت الموقف..

مر الوكت اجو كلهم عرفو بلصار بس ولا واحد حجه ولا كلمه وكأنما شي عادي ولا واحد دافعلي حسيت نفسي ما الي سند اذا كلهم ضدي زين ليش ضدي اني شنو ذنبي..

تغدو واني ما اكلت كعدت بلاستقبال اصلي ودموعي وحدها تنزل ما اكدر اسيطر عليها من هذا العمر واني جاي ادفع ثمن اغلاط مو اغلاطي بذيج الحضه كرهت الناس كلها كرهت امي الدخلتني بهيج موقف كرهت
ابوي الي ما كلف نفسه يكول كلمه كرهت عمامي الي يباوعولي بنفس نضرة نهاد كرهت حتى روحي..
كل ما اصلي اكول لرب العالمين شنو اني مسويه حتى اصير بين اهل هيج اني شنو ذنبي واشوف الكره الي بعيون اهلي اني شعليه بأمي اذا جانو وياها على مشاكل..

مر اسبوع واني حتى ما احجي ما صار الي واهس جنت احبهم احبهم كلهم واموت اذا احد منهم انشخط بس احس كلبي شال عليهم ما اكدر انسى ما اكدر اتخطى الموقف جان على طول على بالي موقف ما راح انسى كل عمري جانت لحضه صعبه..

جنت نايمه فزيت ب 8 الصبح مرعوبه من الحلم كمت واني لازمه كلبي بأيدي لكيت نبأ كاعدة كعدت يمها جانت بس هيه تحسسني بقيمتي بس هيه تحسسني اني بشر مثل البشر احس اهلي يعاملوني معامله لا وجود الي..

كعدت يمها وهيه تعجن..
_صباح الخير نبيوه
_يا هلا صباح النور
_تريكتي
_لا جنت متانيتج تكعدين
_راح اسوي جاي
_خوش سوي على ما اكمل البيدي