الكاتبه فخر العراق
روايه مذاق الحرمان
سواد الليل يبقه وتطفى الالوان
واعيد بذكرياتك والمشاهد..
................................
صباح..
يممه يممه اسمعينييني وللج يممه اگعدي
اجه ابوي يمها وهوة وجها اصفر..
_صباح بسرعه حضر الفرس والعربانه، شمتاااني مااا تمشي
رحت اركض طلعت الفرس والعربانه رجعت للغرفه وبس صديقه تصرخ صحت عليها بصوت
_صديققه كااافي ما تخليينني اشوف حتى طريقي
شلناها اني وابوي حطيناها بلعربانه وجها يخوف
وصلنه للمستشفى نزلناها جابو السديه دخلوها ربع ساعه وطلعت الدكتوره وجها ما يبشر بخير
صباح.. خير دكتوره شصار
_البقيه بحياتكم
گالت هيج وسندت ايدي على الكرسي وصديقه تصرخ
حجيت والكلمه بلگوة تطلع مني.. شنو سبب الوفاه
_جلطه بلدماغ
صديقه.. ولج يمه عفتيني وحدي ولج يمه وين اروح
كله منك ناصر ماااتتت من ورااك رحت وخذتها وراك
_صحت بوجها واني بلگوة مسيطر على اعصابي... كااافي قابل ناصر كتل روحه راح شهيد لا اول واحد ولا اخر واحد شوفي الناس الراحت وحتى جثه ما الها
بقت تبجي واصرخ.. دگ ابوي على گرايبنه واخواتي هم اجن گلبن المستشفى والخايف منه اكثر صديقه حامل وخايف يصير عليها شي
سوينه شهادة وفاه واخذناها نشيعها بلمنطقه كملنه وحطيناها بصاله نفس مكان ناصر حتى صرت اشائم من هذا المكان بقن يصرخن ويبجن بساعه طلعه التابوت حطيناها على سيارة ورحنا للنجف وصلنا طول الطريق بس بجي وصريخ بلحضه تمنيت اموت من الصوت
نزلنه التابوت للمغيسل كمل تغسيل الجثه ورجعناها للسيارة وصلنه للنجف ورحنا گبل الامام علي زورناها وصلينا عليها واخذناها للمگبرة كملنه دفن واني گاعد يم الگبر واحجي
_ليش يمه هيج ضليت وحدي وحتى اخوي راح ليش سويتي بروحج هيج المفروض منج اصبرين مو هيج
شنو الاستفاديتي من حزنج غير القهر والموت الله يرحمج يايمه
گومت اخواتي بلگوة وصديقه حتى ما تگدر تگوم گومتها وهيه تمشي وتون صعدتها بسيارة ورحنه للمطعم نزلنه اكل للناس ورجعنه للبيت وهاي ثاني مرة نرجع واحنه خالين الصبح نايمه بغرفتها وبليل نايمه بلمگبرة
_طبيت للبيت واني بلگوة امشي من البجي والحمل طبيت والنسوان لاگتنه اصرخ واني اصلا بلگوة مسيطرة على روحي دخلت للغرفه مالت امي نمت على الجربايه مالتها واني ابجي غفيت وما حسيت بروحي گعدت الصبح على بجي النسوان عفتهن وطلعت برة متروس زلم صحت على جواد اجه
_ها حبيبتي شلون صرتي
_شلوني جواد امي وراحت
_هذا يومها تعترضين على حكم رب العالمين
_ونعم بالله
_روحي دخلي جوة وديري بالج على نفسج لان انتي حامل خوش
_اي، الجهال وين
_يمي بس اخذي نهاد يمج من امس واليوم تبجي
_اخذتها من حضنه وهيه نايمه
_ديري بالج على نفسج
_اي يالله روح
أنت تقرأ
مذاق الحرمان
General Fictionامراءة خلدها التاريخ واجهت صعوبات الحياة بمفردها واجهت العراق بمفردها هل تستطيع ان تربي 8 ايتام بمفردها؟ هل تستطيع التصدي لحروب العراق؟ هل تستطيع حمايه ايتامها من السوء؟ هل تستطيع مواجهة الفقر بمفردها؟ هل تستطيع مواجهه المصائب في العراق؟ من...
