مذاق الحرمان

بارت 29

الكاتبه بنين احمد
روايه مذاق الحرمان

««««««««««»»»»

الوطن مثل الصلاة
لحد يكطعه
وعيشوا حريه وأمان
وخلو قبلتكم تراب الناصرية
ولا تحبون أصفهان

»»»»»»»»»»»»»

سيد جاسم..  ولكككمم جلال طااح

ابو حربه.. بقيت محتار لا اكدر اروح الجلال ولا اني اعرف كرار وحيدر وين
رحت على جلال رفعت راسه خليته بحضني وهوة ما يكدر ينطق الكلمه..

ابو حربه.. نوميه وين الاسعاف راح يموتون

_ماكو اسعافات بيش ناخذهم

_جيبو سيارات ستوتات خلي نشيل الولد راح تموت خلص دمهم...

خمس دقائق واشوف الستوتات والتكاتك طبگت كامت اشيل بلولد وماكو..

شلنه جلال حطينا بتك تك والدم ترس التك تك..

نزلنه ما اكدر امشي حتى على رجليه بالي كله يمهم حطا على متنه نوميه وطب يركص للمستشفى طبيت ورا واشوف المستشفى عبارة عن ولد مدمايه تارسه كراسي الاستراحه والحديقه والكاع الي مشدود راسه والي حاطيله مغذي حتى مكان ماكو..

حط نوميه جلال على السديه بقو واكفين بلممر ماكو مكان يطببونه حطوله مغذي والدكتور يفحص بي..

راح على ثائر شافه وهوة صاح على الممرض..

جيبوو اسعاف حطو جلال وثائر وحولهم للناصريه بسرعه..

ركض الممرض للاسعاف..

ابو حربه.. دكتور حالتهم خطرة

_لا ان شاءلله ما بيهم شي

_وثائر

_ثائر احتمال يروح صوته هسه احنه مخلينه على الاوكسجين لان يموت رئسا يموت اذا وخرنا..

اخذوهم حطوهم بلاسعاف نوميه راح وياهم واني وسيد جاسم اخذنا تكسي ورحنه وراهم.. طلعت تلفوني ادك على كرار ما يرد دكيت هواي ما رد احس حتى ايدي كامت ترجف من خوفي عليهم اذا صار بيهم شي اموت..

دكيت على حيدر فتح خط..  الو حيدر وين انتم وينن رحتو 

_نحصرنه بشارع بيت عمي ابو جلال وطبينه بيتهم ما يرضه عمي يطببنه يخاف..

_كبر لفه.. وين انتم هسه

_كاعدين فوك السطح تارسين الشارع لا نكدر نطلع ولا نكدر نتحرك..

_ديرو بالكم على رواحتكم.. كلكم سوة انتم مو

_اي كلنه سوة

_خوش اليوم باتو لا اطلعون اني رايح للناصريه ويه جلال وثائر المستشفى مابي مكان وحولوهم.. جاي اسولف وبس صوت الرمي يجي من التلفون وصار صوته عالي سدة بوجهي كبل..