مذاق الحرمان

بارت 12

الكاتبه فخر العراق
مذاق الحرمان

هاجمني الاكتأب في وقت
كان علي ان اقضي اجمل ايام حياتي .❤️‍🩹
...........................
نوميه.. هههه على كيفك اجيت انبهك خاف تريد تتراجع
ابو حربه.. لا مشكور
_يعني هسه قرارك الاخير تبطل من المدرسه
_اي لان اني اصلا مو زين
_ليش ما تكمل الثالث وتروح دورة مالت ضباط
_اله واسطه واحنه عشيرتنه كلها ما بيها واحد دارس
_هم صدك، بس الحمال صح الراتب زين وهواي بس يدمرك مو زين حتى على صحتك يعني نطلع ب 3 بليل نرجع ب 2 الظهر
_اهم شي احصل فلوس مو مهم

_براحتك
_خلينا نرجع لان ميت من الجوع والشمس سمطتنه وراح اطيح من النعاس
_بعد عدك شكاوي هههه
_انجب ههه
رجعنه اني ونوميه هوة راح البيته واني رحت للبيت لگيت عربانه بابنه الي اعرفه مالتنه بعناها هاي المن طبيت لاگتني امي

_الله يساعدك حسون
_ويساعدج ، يمه هاي العربانه البلباب المن
_عربانه المن ما عدنه
_واالله ما ادري لگيتها بابنه
_ماكو غير ذوله الشياطين اخوانك
_اني راح اسبح گلي للتفات خلي اصبلي غدة
رحت للحمام واسمع امي گامت اصيح

_ولك حميد انت ما توب
_خير يمه شكو
_انت تريد تموتني
_غير افتهم شكو
_العربانه البلباب المن
_هاا هاي اني اشتريتها هيه والاحصان
_من دهر دهرك ان شاء شسوي بيهن بدل ما تشتري الحصان بمليون والعربانه ب 300 الف اشتريلك قطعه ب 500 الف ما طول بعدهن رخيصات بعد يومين انت تعزل اخوانك يزوجون ما تفكر

_يمه شو سكتي شنسوي بيها القطع گاعدين بلبيت وهاهيه
_واخوانك هم يردون يزوجون نضل بهاي الحفرة لو ما جايبه طابوگات جا الصاله لهسه ما بانيها

_يمه شو روحي عني

_بعد يومين هاي القطع اصير بملاين وتتندم وتگول ما گلت
عفته وصحت على التفات، الفيته گومي صبي لخوج غدة
گامت وجانت نهاد گاعدة حاطه ايدها شلون محترگه وصافنه عليها
اجه كرار
_نهاد وين كتابي
گمزت بوجها وصرخت
_وخر عني اني شمدريني شعليه بيك شلگيتني ادرس مثلكم حتى كتابه ما اعرف اكتب
_على كيفج شگلت
_فوگاها بعدك ما رضي
_عليمن اصيحين عليه حارگج اني

صديقه.. كرار كافي عوفها ما تدري وين كتابك
_يمه سئلتها هيه لمت الغراض

_نهاد وين كتابه ما شايفته
گامت وطگتني بجتفي ومشت
_واني شمدريني شو روحي عني