مذاق الحرمان

بارت 30

الكاتبه بنين احمد
روايه مذاق الحرمان

««««««««««««««««
يوماً ما سيكتب على حدود العراق انزع نعليك انك في أرضاً مقدسة..!
»»»»»»»»»»»»»»»»»»

_طبو علينه وحركو خيمنه ابو حربه الخيم كلها احتركت جوادرنه كلها احتركت ابو حربه

ابو حربه.. شنوو منو حركها منو حركهاااا.. جايكم واحد صار بي شي بيكم شي احجي

_اخذو حسن الحوت اخذو ناشطنه ابو حربه شلون بينه راح نتيه ورا

_لك انت خبلتني شنو خذوا

_طب علينه الشغب واحنه نايمين بلخيم اشتعلت النار طبو على جادرك نايم بي حسن الحوت اخذوا وحركوا الساحه كلها..

_سدة سدة جاي

سديت التلفون وكمت لكيت كرار ماكو بفراشه لزمت كلبي بيدي وين راح هذا..
لفيت الجراويه اخذت الدراجه ورحت كبل للساحه..

لحضه صدمه وكفت بنص الساحه واني اشوف الخيم كلها محتركه والغراض كلها مكسرة باقي بس الرماد.. ما اشوف غير بقايا النار مشتعله والمتظاهرين كاعدين يباوعون على الخيم ويبجون..

جنت واكف لحضه صدمه كلشي راح مابقى شي حتى ناشطنه خذو..

رحت يم الجادر مالتي ما باقي منه اثر بس العلم كله رماد الحرك.. تقربت يمه شلته من الكاع اباوع علي ودموعي تنزل هاي تاليتها هيج ايصير بينه..

كعدت بلكاع منتجي على حديدة الجادر..

اجت مجموعه تكاتك وكفت وبيدهم صور حسن الحوت وملثمين نزل من التك تك صديق الحوت وكف بنص الساحه لازم السماعه يحجي..

وينهم اهل ال ** انتم زلم ما يهزكم شي حتى لو راح الحوت من عدنه ما راح نستسلم هوة امنه علىى الساحه لازم نكون كد المسؤليه احنه كد الوعد لازم ال ** يوكف ليل ونهار نطالب ونرجع الحوت الساحته حتى لو كان الثمن ارواحتنا ما نتنازل عن ساحتنه والحوت..

هسه راح نرجع مثل قبل واحسن انظف الساحه ونجيب خيم جديدة.. ومجوعه منكم يروح للناصريه يوكوفون بساحه الحبوبي تضامنن ويه شهدائنا الله يرحمهم بجسر الزيتون العين جميل الشمري وما راح نتنازل اريدكم اصيرون ايد وحدة وما اريدكم ترحون للحبوبي كلكم لان ما يصير نطلع كلنه لازم قسم يبقى منكم هنا..

لا تخافون وعباس جريمه بضهركم راح نرجع الحوت للساحه بفضلكم ولدنا.. لا تنسون احنا زلم الناصريه وال **

ابو حربه.. جان جاسم واكف بصفي..
_سيد كرار وين

_بناصريه

_شنووو

_دكو علي صاحبه استشهد على جسر الزيتون

_لا إله إلا الله شنو من مصيبه هاي دخيلك ربي