مذاق الحرمان

بارت 19

الكاتبه فخر العراق
روايه مذاق الحرمان

_ولا واحد فگدني شگد نمت مهضوم ،
_جني بيت وادم فقرة حبل هدوم ،
_بشر مدري جرح كل ساعه ملجوم ،
_انه المتعوب بس الطايح يتجي ،
_مثل حايط هلي ما صرت مصلحجي ،
...................................................
ابو حربه..
وصلت واحس راسي ورم من الخوذة والالم مو طبيعي طحت بلگاع ما اگدر اتنفس

بقيت اتگلب بلگاع مثل الواحد المختنگ اريد النفس يرجع طبيعي ما اگدر

الضابط فوگ راسي واگف يصيح عليه گوم واني ما اگدر اگوم

_گوم ابني

ساكت ما اگدر ارد علي

_گوم ابني استعد

گمت بلگوة وگفت گالي روح واني ما صدگت رحت شربت ماي اريد بس ارتاح

وصلو الباقين واني گاعد متانيهم يمته يوصلون علمود اروح بس ارتاح

وصلو والي طاح بنص الطريق والي شالو بأسعاف

وگفنه استعداد كلنه بساحنه العراضات وصاحو بأسمي اطلع لان اني الاول التدريب الثاني ما راح ادربه

ما صدگت طلعوني رحت للكرفان بلگوة امشي ذبيت روحي على الفراش وراسي احسه صار شكبرة ورجليه وجسمي كله ما اگدر احركه

نمت بملابسي گعدت درجه حرار تي حيل مرتفعه وبلگوة افتح عيوني باوعت لگيت عادل گاعد عد راسي ويسويلي كمادات

عادل.. يمته تبطل هذا عنادك على 3 ايام اسوي بروحك هيج

_3 ايام شويه
_ضريت روحك شنو الفايدة، گوم خليني اخذك للمستشفى مالت المقر يطونك علاج واصير زين

_ما اريد هسه اصير زين
_كل اليصير بيك من اعنادك هذا طيحت حضك بهذا العناد العقوبات والطياح الحض من الاعناد البراسك اسوي

_عويدل حطلي ماي بارد هاي الوصله الحاطها صارت حارة

_احترگت عشيرتك
_احرگها وداعتك اسلگها سلك اني مال منها لا فايدة ولا نفع

_هسه عوفنه من عشيرتك گوم خليني اخذك

_عادل عوفني بحالي رحمه لهلك
_طبك مرض

بقينه گاعدين شويه ونسمع العركه گبت والضباط اصيح طلعنه من الكرفان

لگينه سامي متعارك
والضباط تريد تعاقبه

بقينه واكفين نباوع ..
اشر علينه الضابط وحجه ..
-سامي هذوله متعاركين همين

دار وجها سامي وحجه ..
-اي سيدي تعاركو وياي

ابو حربه ..اباوعله واني فاك حلكي والله جذاب
-ولك انت شلون تتهمنه مو جنه بلكرفان

-شنو القصه هيه هاي الصحبه يعني تقبلونها اتعاقب وحدي اني راح تتعاقبون وياي سولي واهس