مذاق الحرمان

بارت 16

الكاتبه فخر العراق
روايه مذاق

لا تنسون التصويت على البارتات 😊

راح العمر وخلصت ايامنه
ولا فرحنه بيوم ولا حققنه احلامنه ..
....................................

محمد..
يمه بيت عمها قابل غربه شنو سالفتج

-اني هذوله ما احبهم ذيج ولدهم الزوجوها حاطينهن بس خدامات الهه تريد بتي اصير خدامه الها مثل ذنيج ما اطيها

-يمه ليش اسوين مشاكل
-اني اريد اسوي مشاكل عمامك لا نفع ولا دفع مبارك بيد النسوان شتكلهم يسون

-من انعل حتى ابو عمامي اني شعليه بيهم
-لان ما بيهم خير ولدهم طلعت مخانث عليهم ما اطيها همه الزينين ماتو والحثاله ضلت
جواد جان احسنهم كلهم ولفته يهلي برايح والجاي ذوله حتى مالحكو يعيشون لان بيهم خير اما هذوله لا ضلو نايمين على كلوبنه

-يمممه شنو هيه اطي البت وفضي السالفه احسن ما تطينها للغريب

-روح الها الرضت رضت بس دير بالك تجبرها محمد والنتائج انت تتحملها لان ادري واحد جبان ومابي خير

التفات ..جنه واكفين كلنه وما ندري ياهو منهم يردونها من عدنه والمن

بيت عمي جاسم ولدهم كلها مزوجه الباقي بس مؤيد وجلال شي اكيد المؤيد بس منو منهن يردون

بقينه كاعدين على ما اجه سليم واخواني وكلهم كاعدين البيت كله وحجه محمد

-اليوم مؤيد اجه خطب التفات

صاح ابو حربه بصوت عالي وهوة متفاجئ ..
-شنننووو مؤيد تطي التفات

كرار جان يشرب ماي شرك وكام يكح طلع برة وعيونه صارت حمر ..

-جنت متوقعه ردت فعلهم لان همه ما يحبون عمامي واحنه كل احنه ما نحبهم لان همه ماكفو ويانه باصعب اوقاتنه ولا سئلو علينه

محمد ..عليمن صحت شبيك انكرصت

طبعا محمد طبعه ما يحجي الكلمه اذا ما وياها فشورة الفشاير عندة سلك والبيت كله صار مثله بس هوة فشايرة ما ينلبس عليهن ثوب

:-اني ما اذكرهن لان استحي حتى اكتبهن ..

ابو حربه ..شنو انكرصت مؤيد الجبان تطي التفات عوفنه هسه من الجبان بيت عمك وشنو همه بيت عمك الله يحفضهم ياخذون الجنه يخلونها خدامه ذيج مرت وليد حتى ما تلحك تنام وكل هذا ويحجون عليها وبعدهم ما راضين وعلى اساس وليد على حورة هوة حتى رجلي بلكوة يمشي عليهن ومعوق

-لا التفات يعاملونها غير

-هههه اي كلش من ط**
-عابت الك والالفاضك

جان كرار واكف باب المطبخ ومبين حيل عصبي لان هوة ما يحب مؤيد اذا اجه كرار يختفي دوم يكول اختنك منه