مذاق الحرمان

بارت 2

الكاتبه /فخر العراق
روايه مذاق الحرمان

يقال ان الله اذا احب عبدا ابتلاه...
يبدو ان العراقين لهم مكانه خاصه عند الله... ❤
..................................................
صديقه..
گعدت الصبح على صوت صريخ يجي من بيت اهلي لبست شالي وطلعت اركض لبيت اهلي طبيت لگيت اخوي واخواتي وامي ومرة ناصر يصرخن ويبجن

من شفتهن احس النفس گام ما يطلع گعدت گبال امي واحجي وياها

_يمه شبيجن اصرخن
_ولج ناااصر رااح اخوج راح
_يمه شنو راح وين راح لا تخبليني ناااصر وين ما تحجن شبيجن.. درت على امي اريدها تفهمني،، يمه احجي الخاطر محمد ناصر شبي

صباح.. صديقه اخوي استشهد راح يجيبونه ضليت وحدي يا خويه

_اسمعه وعيوني تنزل ما اگدر اصدك الجاي اسمعه.. استشهد وين استشهد احجوووااا راااح تخبللللوووني

_استشهد طبو عليهم الفرقه مالت ايران فجئه ورمو علي همه وجماعتا بيهم عشرة

_بقيت اباوع عليهن وما ادري شلون نااصر اخوي اي اخوي راااح ناااصر راح

گمت اصرخ وابجي والطم على نفسي بقينه ساعه نبجي ونصرخ التمت علينا الجيران وجابو ناصر بتابوت ملفوف بلعلم حطو بنص الصاله والتمينه علي

_بقينه نصرخ ونبجي وامي طاحت على التابوت شلناها ضغطها هبط خذو ناصر يشيعونه كملو ورجعو حطو فوگ السيارة واحنه النسوان اجت سيارات اخذتنه صعدنه اني واخواتي وبلگوة امشي من الصدمه والمصيبه نسيت حتى جهالي وين وشصار بيهم انوبه نهاد زغيرة ركبنه بسيارة وطول الطريق نبجي ونصرخ وصلنه لاامام علي طبينه للضريح وبس صوت الصريخ

حطو بصحن يصلون علي باوعت واشوف 10 توابيت واحد وره الثاني ملفوفات بعلم والنسوان اصرخ طببو للضريح وحطهم كلهم سوة وصلو عليهم اخذنه ناصر ورحنه للمکبرة الگبر محفور وجان بس گبر اخوي بنص الگاع

طلعو من التابوت وحطو بلگبر وامي اصرخ
_يمه وليدي رااااححح يمممه وللللك ناااصر هسه ارتاحيت من طمك التراب

ولك جهالك وين تروح ناصر ولك يمه اگعد شوف حال ابنك راح يموت ناااصر

بقينه نبجي ونصرخ كملو دفن ورجعنه للسيارات بس رجعنه فاقدين واحد من عائلته شعور كلش،صعب تدفن عزيز وترجع خالي

طبگو على المطعم عشو الناس الويانه واحنه ما اكلنه
كملو اكل ورجعنه للناصريه وياريتني ما طابتها حسيت روحي راحت من دخلت للبيت وبس نصرخ ونبجي اباوع على غرفته وهوة ما بيها وبس جهاله يكسرون الخاطر

گعدنه بصاله والنسوان كلها ملتمه علينا جنت ساندة راسي على الحايط ودموعي تنزل دخل محمد وهوة شايل نهاد تبجي اجه گعد يمي ويحجي وياي..