مذاق الحرمان

بارت 15

الكاتبه فخر العراق
روايه مذاق الحرمان

اجي نعسان للفراش
وابد ما انام
هوسه براسي
دوخه الصوت
واضن غكرة قديمه النوم
خل نجرب نموت
.................................

_اجه على كرار وگدام الناس والمنطقه وجماعته كتله وشبعه ضرب اخر شي لزم راسه وحطا بلجفرة

من شفته شلون خنگه بلجفرة بقيت مصدوم شلون توصل بي الهاي المرحله شنو من قساوة

طلع راسه وهوة مختنگ كل هذا ومحد كلف نفسه يحجي ويه محمد كلها تخاف منه

وحتى امي هوة ابنها ليش مطيه مجال لمحمد

راح كرار طب جوة گبل للحمام
شويه وطلع عيونه حمر من العصبيه والغضب والحرگه بلحضه اليصير بيدة يموت
هوة گاعد وجانت اليوم النتائج بس ما ندري هوة ناجح لو راسب على اساس راح يجيب النتيجه

گعدت گباله امي وحجت..
_كرار نجحت
باوع عليها وهوة بعيونه الخذلان من عدها..
_هوة هذل همج يمه يحط راسي بنص المجرة وگدامج وما حاجيتي انتي ليش تكرهيني كل همج نهاد ومحمد اما احنه ممسوحين لا شئ جا يبتنه من الشارع

_ايأدبك لو ما يخاف عليك جا ما سوة هيج

:-گام كرار وهوة راح ينجلط من العصبيه گام يدگ بلباب مالت الدوانيه بأيدة ويصيح يريد بس يفرغ غضبه

_شيخاف عليه مسح كرامتي بلگاع گدام الناس كلها بنص الشارع ومحد كلف نفسه يحاجي

_كرار كااافي
_لا مو كااافي اني مليت يوميه وعلى اقل شي كاض حزامه ويگطعه علينه شنو احنه مطايه احنه بشر لو حيوانات فهميني

گعد بلگاع وكاض راسه ويبجي من شفت منظرة انكسر خاطري شلون لو صرنه بعركه جبيرة منو اليفزع ويانه

صار المغرب وگبت العركه بين زينب والتفات وهاي يوميه المقاله

خلصن عركتهن وامي بكل مشكله اصير توگف ويه زينب هذا الشي خله البنات تغار لان ما توگف وياهن

رسب كرار بلمدرسه واني ويا صرنه لواعيب وگمنه ندخل بطولات خارج المحافظه والاقضيه

سليم عاف بت خالتي وضحك عليها هيه والبنيه ام الديوانيه وانوبه رجع على بت خالي فاطمه بعدهه زغيرة وعمرها ب 14 سنه واحنه ندري بي يجذب عليها بس هوة ما ينرد

مرت سنتين ونفس السنه فاز العراق بكأس اسيا اول فرحه للعراقين
وزينب حامل جابت 2007 والفرحنه اكثر طلعت بنيه لان قبل ماكو سونار اول بنيه بلعائله احنه منتضر وهوة ما يطيح من ادينا ونهار كله يفتر ويانه

جابت البنيه وجان منتضر يبجي يريد امه من الصبح
اخذه حيدر  وهوة ويا واگف براس الشارع متانينها تجي