مذاق الحرمان

بارت 18

الكاتبه فخر العراق
روايه مذاق الحرمان

يبدأ الانسان بكم هائل من الاحلام
والاماني بعدها يصبح حلمه الوحيد
ان يكون مطمئنا لا اكثر 💙.
...................................................

حلا..
اجه خبر صدمنه كل احنه من گالت امي سيما اخت زينب نهبت يعني شردت ويه واحد

كل احنه بقينه خايفين لان السمعه راح توصل النه وهيه بت خالتنه

بقينه بلبيت واحنه ما ندري شنو انسوي
بس احنه وامي ندري انو سيما شردت بس زينب ما ترضه نگول هيجي اتگول انتحرت شلون انتحرت

لبست عباتها امي وراحت جنه احنه بقضاء واخوات امي بقضاء

صديقه.. طبيت للبيت ولگيته فارغ رحت البيت اختي الثاني جان قريب عليهم

طبيت لگيت بس بناتها هيه ماكو..

_ولجن وين امجن
_خاله راحت للشط ورة خالتي
_شسوي رايحه للشط
_غير على اساس يگولون انتحرت
_انتحرت
_اي

تحجي وادري بيها ما مقتنعه انو هيه انتحرت واني ادري جذب ما منتحرة شاردة لان سمعت زينب اسولف انو هيه شاردة بس محد يقبل يگول الحقيقه

رحت للشط ولگيت امها گاعدة يم الشط ودگ وتلطم هيه وبناتها

باوعت عليهن وهزيت ايدي والله يعرفن يمثلن

صحت عليها..
ام علاء.. كاافي شلج بهاي العبه البت شاردة عمي البت نابها شردت ويه صاحبها شنو يعني ما تنعرف

_لا تگولين هيج بتي انتحرت تعالي شوفي نعالها وكتبها

اسمعها واني بلگوة كاتمه ضحكتي رحت اشوفها حاطه نعالها والكتب يمها والله لوتيه

بقت الناس گاعدة يم الشط 3 ايام متانين الجثه تطلع على اساس ليفوك علمود ياخذونها بس ماكو الجثه ما طلعت

راحو جابو غواصين طبو جوة ساعات طلعو ماكو شي اله انةصارت 10 ايام وسيما ماكو يوميه طابين الغواصين وهم ماكو

اله ان گاعدين بلبيت يمها لان كسرت خاطري اعوفها وحدها گاعدين اني واخوانها انفتح الباب وصدمتنا كلنه

من دخلت علينا سيما دخلت بس شكل ثاني ملابسها كلها تراب ومبين عليها راكضه رجليها مجرحه من المشي

من دخلت گامو اخوانها يردون يكتلونها بس ابوها وقفهم

ابوها جان واحد ضالم سكير لا صلاة ولا صوم يصلي فقط گدام الناس اما هوة لا سوالف الطايح حضها كلها عندة ولدة بعد انگس منه

دخلت وگفهم ابوها
_دير بالكم واحد يحاجيها

حجه علاء وهوة عصبي..
_وين جنتي دايحه ويه صاحبج مو