مذاق الحرمان

بارت 23

الكاتبه بنين احمد
روايه مذاق الحرمان

-من برة تاكاني ابتسم
-من جوة اطك من البجي
-ما بيه اكمل هل درب
-تعبان !
-خلوني انتجي ."
........................

بقو يلحون علي اله رد ، سد الخط وجه انكلب اسود ..

سليم ..خير محمد شبيك منو هذا

-بت خالي سوسن ماتت

بقينه كلنه بحاله صدمه شلون ماتت ليش

نهاد ..شنو ؟

-شعليه اني دك عليه ابن خالتي حمزيه كال ماتت

سليم ..شلون ماتت

-والله ما ادري ..كومو يالله خلي نروح

رحنه كل احنه قفلنه الباب ومشينه ، وصلنه البيتهم جانو عايشين بلعرب

لكينه الناس كلها موجودة طبينه جوة لكينه بنيه حاطينه بلكاع ومغطينها بأبيض حتى وجها ما مبين كلشي منها حاطين مبردة كدامها وكاعدين
راحت نهاد الخالتي تسئلها

نهاد ..خاله شنو الموضوع شلون ماتت
حجت وهيه تبجي ..
-قتلها اخوها

-شنو شلون كتلها
-نصي صوتج محد يدري ابوها وامها ضامين السالفه ما يردون يحجون خاف ينفضحون

-زين ليش بت زغيرة يقتلها موت شنو السبب ؟
-متعاركين هوة وياها راكض وراها وصاعدة فوك السطح وقافله باب البيتونه بقه يدك بلباب ما فتحته بقه يهدد ما فتحته بقت ساعه فوك على ما مشه طلعت برة اجاها يركض خافت منه
وكامت تركض ما تدري وين تروح بقت تركض
وصلت يم الكرمه وجان بيها شياش طالعه هواي وكفت على الحافه مالت الكرمه

بقه يمشي على كيف رجعت للورة من الخوف وهيه طاحت بلكرمه على الشياش الطالعه طب واحد براسها رئستا وماتت والباقي ترس جسمها

-اسمعها واني مصدومه شلون كدر يسوي بأخته هيج وهوة يدري الكرمه بيها شيش وممكن اطيح بيها ..

زين همه شكالو للناس

-جانت يم الكرمه زلكت وطاحت

كعدت بلغرفه الحاطينها بيها واني اباوع عليها شلون مغطينها ومحد مهتم لا ابوها ولا امها

راحو للنجف يدفنون ومرة الفاتحه والناس عبالها صدك زلكت

حلا ..رجعت للبيت قبل لا تخلص الفاتحه لان عندي دوام
رحت ويه البنيه صديقتي للكليه مالتي جان القسم بعيد عن الكليه مالتنه اله باص اله توصل للكليه

بقينه هاي الفترة اني وبنيه انروح مشي بس كل ما نمشي بلدربونه يطلع النه ولد ما لابس ملابس ويضحك من الخوف كمنه نركض اني وياها

تكررت هاي الحاله بس ما نكدر نروح باص لان الكروة هواي والفلوس ما تكفي

رسبت بلكورس الاول بس نجحت بلكورس الثاني