مذاق الحرمان

بارت 14

الكاتبه فخر العراق
روايه مذاق الحرمان

مرات اكو بگلبك حجي
بس تنجبر ما تحجي
ومرات دمعك ما يصب
بس تلگه گلبك يبجي
......................................
نهاد.. اذبها براسج مو هيه شافتج تسحگين عليهن برجلج

_واني شعليه لا سوين الج طلابه صارلج اسبوع ما متعاركه

صحت عليها اله سكتت لان ادري راح اصير من الروس

حسين.. زنيبه كافي ترة مصختيها تدرين عدها مدرسه ليش هيج تخبثين يمته هسه تلحگ تغسلهن ويبسن وهنه بس ذني عدها

_اي انتم التميتو عليو تردون بس تعاركون

باوعت عليها واني مخنوگ من عدها شنو من بلوة جابتها امي النه الله يساعدك محمد شلون راح تگضي العمر وياها

راحت التفات تغسل ملابسها ودگ الباب رحت
اشوفه لگيت محمد واگف يمه ولد من جيرانه ويحجي بعصبيه

گام يحجي على محمد وكرار والعرفته كرار متعارك ويا

حلا.. جنت ادري كرار متعارك ويه ولد اجه ولبد بين الطباخ والثلاجه وگدامه تنكت دهن ما يبين بس طالع شويه من فالينته

طب محمد عصبي يدور على كرار ما لکا گلب البيت گلاب گلاب جنت بس اني اعرف بكرار وين لابد بس ما حجيت خفت علي

بقو يدورون بشارع كلها خايفه علي ماكو صارت دنيا اليل وهما يدورون على كرار فص ملح وذاب

رجعو مأيسين كرار اختفى طب محمد اليحاجي يموت بيدة من العصبيه باوع على الطباخ وما جانت طالعه بس فالينته منها شويه

راح علي وخر تنكت الدهن لگا وكأن اسد لگه فريسته سحله وطلعه بطارمه كلها واگفه على صفحه وتباوع محد تدخل ونقذه من محمد وهمه
ما يعرفون الحق ويامن ويه الولد لو ويه كرار بدون ما يسمع الاحد يجي علينا كتل كرار وعذبه بأنواع الضرب ضل حلگه يصب دم وجها صار كله اثار

راح طب جوة وكأنو شي ما صاير اباوع على كرار وجان دائما ينكتل لان هوة وحسين دوم سوة ومشاكلهم سوة وكرار شراني اكثر من حسين
لان طبع كرار ما يسكت عن حقه وعصبي فلهذا السبب انكتل ومو اول مرة ينكتل كرار يجوز هاي الالف مرة

گام غسل وجها وطلع گعد يم الفرس رحت ورا اباوع علي گاعد بلخرابه يم الفرس واحس هموم الدنيا كلها على راسه

بقه بساعه گاعد وطب لان الساعه صارت متأخرة حيل

گعدت الصبح رحنه للمدرسه وحيدر اول سنه اله بلمدرسه راحو

رجع كرار من المدرسه وره حلت المدارس بساعه جان يختفي مدري وين يروح

اجه ومبين علي متعارك من ذبه الكتب مالته شويه ودگ الباب وصار شي عادي شكايه على كرار