مذاق الحرمان

بارت 21

روايه مذاق الحرمان

انا صيار امس هاي السنين منين ..
..............................................

محمد ..
-شبيج ولج ليش اصرخين
-حسن استشهد

صديقه ..يا حسن
-حسن ابن عمي البلحشد

حلا ..حجت هاي الكلمه زينب وامي تصيح بأسم سليم وكأنو راح يضيع منها وتريد تلحك علي ..

-سليم ولك سليم وينك

سليم ..رحت يمها لزمت جفوف ايدها اريد بس اهديها احجي وياها وتكول ..

-لا تعوفني يمه سليم عليك بداعتي بطل والله اموت وراك

:-مسحت دموعها بأيدي واحجي وياها ..
-لا تخافين يمه اني يمج بعد ما اروح لاي مكان يمج والله يمج باجر اروح واقدم استقالتي

:- حجيت هيج اله سكتت اباوع عليها لا اشوف ولا تكدر اسوي شي شلون راح ارجعها مثل قبل واعالجها ..

اخذنه زينب ورحنه البيت عمها
وصلنه للبيت لكينه الجثه واصله للبيت حاطينها وامه واخواته كاعدات يم التابوت ومرته حامل

شفت المنظر واتخيلت امي واخواتي اني ليش اخليهن بهيج وضع  شنو ذنبهن

صح من واجبي ادافع عن بلدي وارضي بس جانت اكو هواي شغلات اعترضت بطريقي امي ومرضها الخطير اخواني اخواتي شنو راح يكون حالهم

زينب ..
مرت الفاتحه واني ليوم السابع يمهم جانت ليله خميس
المغرب كاعدين كلنه بلطارمه امه واخواته ومرته حامل وابنها بي غدة بظهرة
كاعدة امه اسولف وتباوع على دولكه الماي حطتهه على الحايط واسسولف وياها وعيونها حمر من البواجي
تحجي بكسرة واشتياق .. يكولون يوم الخميس اذا خليتو دولكه بيها مي على الحايط راح يجي الشهيد ويشرب منها

تحجي وهيه بلكوة اجر النفس وتشهك ..
:- سويت هيج حتى اشوف حسوني وحيدي  يجي يشرب ماي من بيته ويشوف جهاله ..

تحجي وتبجي جان الموقف كلش صعب من حجت هيج حسيت روحي بمكانها شلون لو خسرت اخوي صلاح مثل ما استشهد ابن عمه هوة هم جيش وبعد اخطر

من خوفي عدلت عباتي ورحت البيتنه طبيت للبيت اصيح بأسمه واني وصلت مرحله لو احطه بشيشه كزاز واضمه ..

اجه صلاح على صياحي يحجي وهوة خايف ..
-شبيج زينب عليمن اصيحين خو ما صاير شي

-شنو هوة الماصاير تعوف الجيش وتروح تقدم استقالتك

-شبيج تخبلتي شنو اعوف الجيش
-اي صلاح تخبلت تريد اصير مثل ابن عمك

-هيه هاي الدنيا وحد عنه
-اي وحد

على صياحي اجت امي ..
-شبيج زينب عليمن اصيحين
-كلي لبنج يمه خلي يعوف الجيش ويكافينه شرة ترة روحي طكت