مذاق الحرمان

بارت 28

الكاتبه بنين احمد
روايه مذاق الحرمان

«««««««««««««««««

"مررنا بلأسوء ليس صعبا هذه المرة سنتخطى"

»»»»»»»»»»»»»»»»»»»»»

بنين..
بقينه ساكتين شويه ونسمع صوت بمبه نفجرت صوتها كلش قوي بقينه واحد يباوع بوجه الثاني طلع منتظر وكرار وعلاوي ونهاد اصيح وراهم

_ولكم لا تجي بيكم ولك كرار  هسه انتم شعليكم..

بقينه واكفين بلباب اني وعمتي نهاد وصابرين الشارع انترس بلولد الناس كلها طلعت..

اجو يضحكون طبو للبيت تحاجيهم نهاد وهمه مغلسين..

نهاد.. كرار شكو رمي وبمبه شكو

كرار.. شعلينه عسى ما يحترك الشارع

درت وجهي على منتظر وحجيت..
_احجي انت

منتظر.. رعد رئيس البلديه

_شبي هذا الحرامي

علي.. دكو خوش دكه زرف بابه وحمسو بمبه طيرو نص الحايط..

حلا.. طبه مرض صارله سنين يبوك بلبلديه ما شبع

علي.. هسه هوة ما يستحي يوميه داكينه.. بس اليوم طيرو الحايط

نهاد.. طبه مرض.. امشو طبو كدامي يالله خلي اشوف واحد بيكم بعد يطلع  شعليكم

منتظر.. نتفرج

_اي وانت مدري منين طلعتلي انكس منهم

كرار.. من عاشر القوم اربعين يوم اصبح منهم

نهاد.. اني من يدفنوني بنجف اله ترتاحون

تقرب يمي ابو حربه  علي وباس راسي..
_اسم عليج الغاليه

عافتهم وطبت جوة..

علي.. دكتورة بنين سويلي جاي

كرار.. واني افرشيلي اريد انام

منتظر.. بنبش من اسوين اكل احسبي احسابي وياج

حيدر.. سويلي ارگيله وياج

بنين..
اباوع عليهم واريد اخنكهم..
_مخلفتكم وناسيتكم وما ادري

طبيت جوة حطيت القوري على النار ورحت فرشه الكرار وسويت اركيله الحيدر كملت كعدنه ناكل اني ومنتظر بلمطبخ ما خلينه واحد ما حشينه..

_نضير شبعت ذنوب من وراك
_غير اختي
_نضوري
_اهاا السالفه بيها نضوري.. احجي
_لو متت هم تبجي عليه
_ابجي عليج ليش واعوف الحم
_غير اني اختك الوحيدة وبعد ما عندك اخت
_الله يرحمج
_شكد جلب
_افتخر.. تصبحين على خير اختي المرحومه
_طياح الله حض المطايه
_اولهم حضج

كمت شلت المواعين غسلتهن ورحت نمت..

فزيت الصبح على صوت عباس وعلوش صحت بيهم صوت بكل صوتي..