مذاق الحرمان

بارت 6

الكاتبه فخر العراق
مذاق الحرمان

كل الدروب نگطعت اله درب النجف ♡.
...............................
صديقه..
_استغفر الله ونريد الله يلتفت علينا
_شحجينه يعني ترة هذا الصدك
_جوااد كاافي
_سكتت
التفات.. اتمنى نگعد وما تتعاركون
_غير ابوج هذا

راح جاب روبه وگعدو ياكلون يوم الثالث من ولادتي گمت واخذت غراضي وخليت حيدر يم نهاد رغم عدها مدرسه بس لازم اشتغل كملت الشغل ورجعت للبيت

لگيت نهاد تتعلم تعجن
_شجاي اسوين نهاد
_جاي اتعلم اعجن انتي تتأخرين واحنه نجوع وحيدر يبجي من رحتي لهسه گوليلي شسويله
_انتي تخبزين بعدج زغيرة
_ميخالف بس يمه ومدرستي اليوم ما رحت
_عوفيها هسه مدرستج اخوج وين اودي وتدرين بيه اشتغل
_يمه بعدة زغير وانتي اول امس جبتي شلون اطلعين
_عادي متعودة

رحت علمتها على الخبز واني اباوع عليها لا دراسه ولا شي تخبز وهيه عمرها 8 سنوات شنو من حياه هاي

بقيت على هذا الوضع من اطلع تبقى نهاد يم حيدر وما تروح للمدرسه واني اشتغل وارجع راسي يوجعني من كثر ما اشيل الملح على راسي گمت من اطلع اوصي ام سلام على الجهال وارجع
وجوااد حالته اسوء ما تتحسن وصار ت رگبته مزلغه مثل الحبايه هنا صدك خفت علي اذا هوة ما يعالج شلون راح يطيب
ورة نصف السنه وفصلو نهاد من المدرسه وهيه ب 2 ابتدائي لان ما تروح بطلت وگعدت واني اشوف جهالي واحد ورة الثاني يدمرون ويدفنون نفسهم بلحياه
صار ست شهورة على ولادتي وجواد صار اله تسع شهور مريض صارت حبايه كلش جبيرة برگبته واذب جراحه گاع كل ساعه يختنگ وناخذه للمستفى اله ان اختنگ اخذنا اني ومحمد وسليم وياي دخلنه للمستفى وجها صار ازرك لان ما يگدر يتنفس واگفه باب الغرفه وكاضه گلبي بيدي لا يصير بي شي شلون بيه بقينه نص ساعه وطلع الدكتور رحناله نركض وميتين من الخوف

محمد.. احجي دكتور ابوي شلون صار
دنگ راسه وحجه الدكتور..
_البقيه بحياتكم للأسف ما لحگنه لان المرض نازل علي وهوة ما معالج ورگبته حيل محفورة

محمد..
حجه هيج واحس روحي راح تطلع امي اصرخ وگلبت المستشفى واني وسليم طبعنه ما نضعف ننقهر ونحزن بس ما يبين على وجوهنا

ارتجيت على الحايط وحاط ايدي على راسي مسؤليه ابوي صارت كلها عليه خسرته وبنفس الوقت زود الحمل عليه شلون راح احافظ على اخواني واني عمري 17 سنه راح اشيل هاي المسؤليه بلحضه حسيت هموم الدنيا كلها عليه

صديقه.. من گال البقيه بحياتكم اهنا نسدت كل اباوب الدنيا گدامي هوة الوحيد الجنت اسند ظهري علي
بقيت ابجي واصرخ واطلع الحرگه البگلبي الراح تكتلني شلون اربي هاي الولد شلون احافظ عليهم شلون اعيش شلون اطب البيت وهوة ما موجود

اجو اخوانه واهله واخوي وهمه عدهم السالفه مثل شربت الماي كلفو نفسهم شيعو ودفنو وعلى هاي الحسبه اني يوميه دافنتلي واحد بنجف حسيت النجف صار بيت اهلي هم يجي يوم واصير حالي من حالهم
كملنه دفن ورجعنه من طبيت البيت وهوة ماكو هنا ما ادري شلون صرت قويه واني اباوع على جهالي وعلى حيدر حتى ما لحگ يشوف ابو وعلى حلا العمرها سنتين بهاي الحضه قررت اكون اني الرجال والمرة بنفس الوقت اني الي راح اصير الهم كلشي اني الاعارك والاهد وياهم اني الادافع عنهم ولا راح اخليهم يحسون بلفرق انو ما عدهم اب ولا احسسهم همه يتيمين