مذاق الحرمان

بارت 20

روايه مذاق الحرمان

اليل شبعني سفر وانا بمجاني .♡
............................

الو حربه ..
-بشر دكتور التحاليل ما بيها شي مو
-والله ما ادري شكول بس امكم طلع بيها ورم بدماغ

من كال ورم بدماغ حسيت النفس انكطع عني
شنو ورم مين اجه شلون

كعدت على الكرسي واني كاض راسي ودموعي تنزل لا ارادي

محمد .. من كال هيج فقدت الامل بلدنيا كلها اذا صار عليها شي شلون بيه بهاي الولد والبنات
وامي على الاقل من ارجع للبيت موجودة تتلكاني اذا راحت اني شلون اتحمل

بقينه كاعدين وكأنو صاعقه طاحت على روسنه بلخبر

كعدنه ويه امي وفهمناهه ما خافت وعدها عادي

رجعنه للببت طبينه واني وابو حربه ساكتين واحد يصفن بوجه الثاني شلون راح نحجي شلون راح نفتح الموضوع

بعدين حجت امي والبيت صار عبارة عن صريخ نهاد نريد انسكتها ما تسكت حتى الجيران التمت علينا

بقو كاعدين يم امي يبجون ودخل سليم علينه بعد اسبوع اندك علي ما يرد علينا

طب سليم وراحت اله امي تبوس بي وتحضن بساعه عرف سليم وكعد يبجي اتسكت بي امي ما يسكت

كعدنه على السفرة وكلها ساكته وما تاكل وامي تحاول تبين ما مهتمه واسوي جو بس البيت انكلب كأبه

-سليم لازم ادور الك مرة علمود تزوج اني مريضه وخاف اموت وما الحك على عرسك

-شنو سالفتج يمه صلي على محمد لا تموتين ولا شي هسه نروح الدكتور زين واصيرين زينه وترجعين مثل قبل

-هاي السوالف ما تفيد وسالفه الدكاترة كلشي ما نحصل منها بس نطي فلوس اضل على ما الله ياخذ امانته

كرار ..تروحلج فدوة الفلوس شنو سالفتج نحجز عد دكتور ونعالجج

-نهاد اني وياج بعد اشوي نروح لبيت ام هيفاء نخطب هيفاء لسليم

سليم ..يمه عوفج من الزواج هسه طيبي وبعدين اخطبيلي التعجبج

-لا راح اخطبلك وتعوف الحشد وما توصل اله سمعت

-يمه

-اسكت كاافي

نهاد ..
صار العصر ورحنه انا وامي لبيت ام هيفاء حجينه وياهم بلموضوع

رجعنه ورة يومين ردولنه خبر يردون 15 مقدم 20 مؤخر

سليم ..شنو مثلا ياهيه ملكه جمال العراق بس هيه بنيه

-ختولي سليم نشوفلك غيرها بس اول شي تعوف الحشد

-لا اول شي نعالجج يمه

محمد ..باجر نروح للدكتور العصر حجزت عد دكتور زين

رحنه العصر للدكتور طلب نسوي الها عمليه بس هيه ما قبلت اطاها علاجات كلش هواي