مذاق الحرمان

بارت 25

الكاتبه بنين احمد
روايه مذاق الحرمان

««««««««««««««««««««
عادي
احنه متعودين على الهم والدموع !
وشنو يعني لو تزيد همومنه!
عشنه بلدنيه
مثل عيشه يتيم بلا ابوه !
شايلين الضيم ويه هدومنه
وفه ماكو
وعلمصالح كلشي بلدنيه نبيع!
»»»»»»»»»»»»»»»»»»»»»»

محمد.. ماتحملت وحسيت نار كبت بكلبي

منتظر.. فلتت بلترك ومااحس غير ابوي لازم الصونده ويركض وراي

_زينب ..رحت اريد بس اطلع منتظر من ايدة واني اشوف عيونه حمر
نهاد من جهه واني من جهه وهوة جنه وحش ولا مهتم ويرد الكلمه بعشرة

نهاد.. عيون محمد يجدحن نار من العصبيه وينتضر منتظر مثل الوحش حته يضربه

جان اول يوم رمضان كعدنه ومحد طايق الثاني
ومحمد وجه مايكصه الطبر

ابو حربه.. اجيت تعبان وماصدكت اكعد ارتاح واكل كم لكمه اله واسمع صوت نهاد وزينب يتعاركن وصوتهن واصل للشارع

_ بنين :سمعت صياح امي وعمتي نهاد بطارمه خفت ورحت ركض للمطبخ ورة علي

_ زينب : كمت مااتحمل هذه الوضع قررت اخذ غراضي واطلع من البيت بس فكرت بيني وبين روحي اذا اروح ياهوه اليستقبلني اني وجهالي

ابو حربه.. من رحت شفت زينب تصيح عله حلا وتكول مااضل بلبيت ماتحملت وكتله
_تردين اجيب جنطتج واني بيدي اوديج بيدي
الباب يوسع جبل اني اوديج

بنين... جنت اباوع على علاوي وكلبي يوجعني من الداخل من اشوف امي تعارك واول مرة اشوف علاوي ويطلع منه هذا الكلام حسيت جان ضامه بكلبه ويريد بس يطلعه

_صارت عركه كلش جبيره والأصوات علت بلزايد البيت نكلب كلاب

سليم.. دخلت شفت البيت هوسه وكله تصيح وتعارك اجيت افك بيهم بلغلط دفعت حلا على حافه الطارمه وطك راسها بلحافه وهيه اختنكت..

حلا.. جنت منهاره ومااحس غير اخوي سليم ايده نمدت عليه وضربني ومااحس غير نار وكبت براسي

بنين.. من شفت المنظر روحي راحت ما ادري منو الضرب منو العارك واني اشوفها بلكوة اجر النفس

نبأ.. من شفت حلا رحت اركض عليها لازمينها كلنه وهيه ترفس مثل الطير المذبوح بلكاع
صحت على بنين واني اباوع على علوش بس يصرخ

صاح علاوي بعلو صوته.. نبأ اخذي الولد كووومي

نبأ.. كمت اخذته وحطيته بيد بنين.. بنين اخذي وطبي جوة بلغرفه لا تخلينه يسمع الصوت

بنين.. اخذته واني حايرة شنو اسويله هوة يبجي واني مكابلته وابجي

_سليم.. اخذناه للمستشفى واني رجليه بلكوة شايلاتني لو اعرف شنو سبب حالتها جا ارتاحيت