الكاتبه فخر العراق
مذاق الحرمان
السكته تكتل والحجي يزعل سلف .😕
................................
التفات..
الفلوس قليلات واحنه محتاجينهن خذتهن
_شعدج محتاجتهن وينها هيه الفلوس وانتي واخوانج الهتليه اطشرون بيهن
_هسه تموت لو اخذنه منهن شيصير
حجيت هيج واجاني راجدي لزگني بلگاع
_تروحين اجيبين الفلوس وتجين لا اگوم اطيح حضج
گمت واني ابجي اخذهن وراح بشارع لان اليوم العرس جان كلش حلو وهوسه وناس ترگص صح ما شايفين العروس بس تونسنه
احنه بعشيرتنه العرس مالتنه يبقه اسبوع البيت هوسه ودگ ورگص
اجت الزفه وطب محمد وهوة گايدها وفرحان اول مرة اشوفه مبتسم
ولد عمه يهوسون ورا لان جانو كلهم اكبار
طببو للصاله گعدو على الكراسي واحنه نرگص حتى ما ركزنه بلعروس بس اشوف بنات عمي ونسوانهم يحجن بسكته وكأنوا اكو شي ما عاجبهن
زفوهم للغرفه وخلص العرس بقينه انضف والولد تغسل بلجدورة بلشارع
گعدت الصبح البيت هوسه وبت عمي هاي بكل عرس يسمونها الداگوگه شغلتها تدگ وتغني
وحدة من اغانيها من الصبح گاعدة ومتربعه وحاطه بحضنها الطبله تدك ببها وصار لقبها فرح الداگوكه
_شلون رگصج يعمارة.. هيج وهيج
_وشلون تاخذلك مرة.. هيج وهيج
_من غير حمرة محمره.. هيج وهيج
_تلگاني وتلگيته ولا مال
_ولا عين استحت منه ولا مال
_وشلون ردحج يعمارة.. هيج وهيج
بقت تغني والولد برة همين گمت وعبرت من غرفه محمد والباب مفتوح جان باب الغرفه بصف باب غرفتنه احنه وامي واشوفها واگفه على المرايه تمسح بلمكياج
باوعت عليها وگمت ابجي رحت اركض الامي ابجي واحجي وياها
_يمه ليش مرة اخونه مو حلوة
سدت حلگي بأيدها وتخزر بيه
_سكتي ولج عيب ما يصير تحجين هيج
_يمه والله مو حلوة خطيه محمد
طلعت من الغرفه وكلها بقت صافنه من اجت شكل وطلعت شكل گامن يحجن على امي لان مو حلوة
بقينه واگفين باب المطبخ ونباوع عليها ونبجي وهيه تباوع علينا وتريد تاكلنه احسها تريد تموتنه وبگلبها حقد مبينه من وجها
بقت شايله خشمها علينا وبس تسوي مشاكل وهيه توها بدايه الاسبوع
اجه العيد مالت الاضحى وامي دوم ما عبرت ضحايه ابوي حتى من جان ما عدها تشتري اطلع الفلوس من جوة الگاع واسويله ضحايه
اول يوم العيد وكلنه ملتمين على الجوله وگاعدين وعليها ماي حار بجدر ومحمد گاعد حجت امي
_حمودي ودي مرتك بعد اشوي لهلها وسلم على الناس عيب صار اسبوع
_حجه وعيونه حمر من العصبيه.. يمه سدي هاي السالفه
_لا ما اسدها توديها عيب شتگول علينا الناس اول روحه وما جايبها رجلها
أنت تقرأ
مذاق الحرمان
General Fictionامراءة خلدها التاريخ واجهت صعوبات الحياة بمفردها واجهت العراق بمفردها هل تستطيع ان تربي 8 ايتام بمفردها؟ هل تستطيع التصدي لحروب العراق؟ هل تستطيع حمايه ايتامها من السوء؟ هل تستطيع مواجهة الفقر بمفردها؟ هل تستطيع مواجهه المصائب في العراق؟ من...
