الكاتبه فخر العراق
روايه مذاق الحرمان
بلكي نموت خلصنا العمر لجمات محد يفهم شبينا الوجع لا حگنا من كل صوب حافظ حتى اسامينا..♡
..............................
ابراهيم..
ياريتني ما راجع ياريتني ميت
لفته.. لا تگول هيج يا بعد روحي گوم خل امك تشوفك
طبيت للبيت واجتني امي وبيبيتي جان موقف كلش، صعب ترجع لهلك بعد سنين وتلگه ناقص شخص جان جدي بلنسبه الي عزيز عليه
مر اسبوع واجه يوم السابع گاعد يم عمامي ولد عمي وسمعت صوت صريخ كلش قوي عبالي يصرخن على جدي بس طلع ضني غلط طلعت اختي ايمان اصرخ رحت الها اركض
_ايمان خير شبيج اصرخين
_ولك ابراهيم حبوبتي حبوبتي (الجدة) ماتت
_شنو شنو ماتت شبيج انتي شلون ماتت اححجججيي
وهيه تبجي والتمو عليها..
_ماتتنفس وجها صار ازرگ
طبو عمامي لجوة البيت وهمه مصدومين من هذا الخبر
ورة ما دخلو تأكدنه هيه ماتت صارت بدال الفاتحه فاتحتين اخذوها للنجف دفنو ورجعو وجان سبب وفاتها انو هيه احترگت على موت رجلها وما تحملت لان جانت تحبه كلش
اجو من النجف وبدت الفاتحه
مر شهر قسمو البيت بنص نص الجاسم ونص الفاضل ولفته وكامل طلعو كل واحد وبيته
جنت گاعدة بلگاع احشن واجه اخوي صباح يصيح
_ولج صديقه ابوي ندعم وهسه بلمستشفى
_سمعته وطاح المنجل من ايدي.. منو دعمه
_ما ادري اندعم على الشارع
جاب الغربانه صعدت اني ويا ورحنه للمستشفى طبيت اركض للمستفى
وگفنه يم الغرفه بس الاجهزة محاوطته بجسمه كله رايح عبارة عن جروح
دخلنه علي اني وصباح
حجه ويه صباح وهوة بلگوة يطلع الكلمه من السانه
_صباح خاف يصير بيه شي دير بالك على جهال اخوك ومرة اخوك ترة ما الهم احد غيرنه واذا گدرت اتزوجها ما راح اجبرك القرار الك بويه دير بالك على اخواتك
اباوعله يحجي وبلگوة يتنفس گام ما يگدر يتنفس وجها بدة يطي الوان طلع صباح يصيح الدكتور طبو علي وطلعونه ورة ربع ساعه طلعو
_بشر دكتور
_البقيه بحياتكم
گال هيج واحس حيلي انهدم
مستحيل تمر علينه سنه وما فاقدين احد شنو من حياه هاي گضيناها بس موت
انگلب المستشفى بصريخ صديقه واخواتي ما ادري شلون عرفن واجن
سوينه شهادة الوفاه واني ما باقي بيه اي حيل امي واخوي وابوي منو بقه بعد كلهم راحو ضليت اخو على خمس اخوات
شيعنا بلمنطقه ورحنه للنجف ويا وادي السلام بعد شتاخذين من عندي اخذتي اهلي كلهم شنو خليتي عليه
كملنه دفن ورجعنه للبيت وهاي ثالث مرة كرهت حتى البيت من كثر ما اطبن اله واني فاقد شخص گعدت بنص الگاع اصرخ وابجي ولاول مرة اصرخ جان گلبي محروگ احتاريت وين اذب حرگتي
أنت تقرأ
مذاق الحرمان
General Fictionامراءة خلدها التاريخ واجهت صعوبات الحياة بمفردها واجهت العراق بمفردها هل تستطيع ان تربي 8 ايتام بمفردها؟ هل تستطيع التصدي لحروب العراق؟ هل تستطيع حمايه ايتامها من السوء؟ هل تستطيع مواجهة الفقر بمفردها؟ هل تستطيع مواجهه المصائب في العراق؟ من...
