مذاق الحرمان

بارت 24

الكاتبة بنين احمد

»»»»»»»»»»»»»»
وانت الذي
لم يبقى فيك شئ ملتئم؛
اي صبرا هذا جعلك مبتسم.
««««««««««««««««««««

_رجعو للبيت ورجعت وياهم اجواء الفقدنه بيها صديقه جانت ايام صعبه وليله حجه الامام الحسين (ع)

بنين .. جنت نايمه وبصفي حلا واسمعهم يسولفون ويه نبأ.. رفعت راسي واني بلكوة فاتحه عيوني لكيت نبأ كاعدة والدموع تنزل ولازمه بطنها

حاجتها نهادة وهيه تلم بغراضها..

نهاد.. يالله البسي العبايه خلينا انروح للمستشفى بلكت ولادة طبيعيه

نبأ.. كمت وحيدر يسوق بسيارة رحنه للمستشفى واني بلكوة امشي والالم موتني بس اريد اوصل..  نزلت من السيارة بلكوة رحنه لصاله الولادة بقيت كاعدة اجت البنيه فحصتني باوعتلي وكالت

_عيني ودلاتج بعدها انتي واليل ويجوز الفجر ارجعي للبيت احسلج لا تبقين هنا ما ترتاحين

باوعت النهاد وهيه محتارة شسوي..

نهاد.. بس هيه عدها الام ولادة شيصبرها للفجر وهسه دنيا الصبح

_شبيدي عليها ارجعو للبيت احسن لان اذا بقت هنا ينشلع كلبها

نهاد.. كومتها ورجعت وحيدر واكف يم السيارة
حيدر.. ها شو رجعتن
_تكول بعدلها هواي منا الباجر.. خلينا نرجع للبيت
حيدر.. نبأ اوديج لهلج تبقين يمهم
_لا عليمن ارجع وياكم احسن
_بكيفج

رجعنه للبيت جان محمد ينزل غاز
محمد.. شنو شو رجعتو
_يكولون بعدها

دخلنه جوة كعدت بلغرفه وزينب تمشي واذب حجي ردت اكوم ابتلي بيها..

بقيت كاعدة وحتى سليم مو هنا..

نبأ.. بنين محد خابر عمج
_يكول اتأخر وحدة من النسوان ضايعه
_وين واصل
_بسيدة شريفه
اجيبلج غدة تاكلين

_لا ما اشتهي

بنين.. طلعت واني اباوع عليها وكاسرة خاطري شلون تتألم اول مرة اصير كبالي هيج موقف حتى امي جنت ما اشوفها اكعد الكاها جايبه

بقت لليل اجه عمي سليم اخذوها لهلها هوة ونهاد وبعد ما رجعو

كعدت الصبح نهاد وسليم نايمين بصاله بس حلا تقرة

_حلا نبأ جابت
_اي جابت

كعدت يمها واني خايفه من الخامس شلون راح اطلع وشهرياتي كلها مو زينه داخله دورات ونفس الشي

حلا.. شبيج الصفنه مو الج لبو صابر

_هذا لقبج مو لقبي اعتقد ابن عمج الشفيه هيج يصيحلج

_خرب يومج شمسويلج تكرهينه
_يغث يوكف بلعومي دوم يضحك عليه واحد حقير

_كون اسمعج التفات
_جا ما تسمعني ما احبه كوة هيه شلون تزوجته والله ما ادري